នេះជាមូលហេតុធ្វើឲ្យរថយន្ត SsangYong ម៉ូដែល Rexton ត្រូវចិត្តមនុស្សស្រីជំនាន់ថ្មីបំផុត

2019-02-17 03:33:03
ចំនួនមតិ 0 | ចំនួនចែករំលែក 0

រថយន្ត SsangYong ម៉ូដែលRexton ម្ចាស់ពានរង្វាន់ រថយន្តដែលមានគុណតម្លៃល្អដាច់គេ ២ឆ្នាំជាប់គ្នា គឺ ២០១៨ និង ២០១៩ បានមកដល់កម្ពុជាថ្មីៗនេះ ត្រូវគេវាយតម្លៃខ្ពស់ថាពិតជារថយន្តទំនើប មានរូបរាងស្រស់ស្អាតស័ក្តិសមសម្រាប់ស្ត្រីទាន់សម័យបំផុត។

ក្នុងកម្មវិធីសន្និសីទសារព័ត៌មាន លោក Park Keun Baek អគ្គនាយកផ្នែកលក់នៃក្រុមហ៊ុន SsangYong បានពន្យល់ពីភាពពេញនិយមរបស់រថយន្ត SsangYong គឺដោយសារសុវត្ថិភាព ការរចនាទំនើប និងកម្លាំងថាមពលរបស់រថយន្ត។

លោកថា៖ «ម៉ូដែល Rexton គឺផលិតឡើងដោយផ្តោតលើសុវត្ថិភាពរបស់អ្នកដំណើរ និងភាពធននៃរថយន្ត សូម្បីតែនៅពេលបើកបរនៅលើផ្លូវដ៏លំបាកយ៉ាងណាក៏ដោយ។ ការរចនាម៉ូដែល Rexton ឡើងគឺទទួលបានការកោតសរសើរពីអ្នកជំនាញខាងត្រួតពិនិត្យស្វ័យប្រវត្តិជាច្រើនថា ជារថយន្ត SUV ដ៏ស្រស់ស្អាតបំផុតនៅក្នុងទីផ្សារ»។

«ចំណែករឿងម៉ាស៊ីនវិញ រថយន្ត SsangYong ម៉ូដែល Rexton បំពាក់ដោយម៉ាស៊ីនម៉ាស៊ូត 2.2 លីត្រ ប៉ុន្តែការដំណើរការម៉ាស៊ីនរបស់វាគឺស្រដៀងគ្នាទៅនឹងម៉ាស៊ីន 3.0 លីត្រដែរ។ បច្ចេកវិទ្យានេះ គឺត្រូវបានក្រុមវិស្វកម្មនៃក្រុមហ៊ុន SsangYong រួមបញ្ចូលគ្នាយ៉ាងល្អឥតខ្ចោះ ស្របទៅនឹងការរួមបញ្ចូលគ្នា ៧ ល្បឿននៃរថយន្តដឹកជញ្ជូនម៉ូដែល Mercedes Benz»។ លោកបញ្ជាក់បន្ថែម។

កាលពីឆ្នាំ ២០១៨ រថយន្ត SsangYong ម៉ូដែលRexton បានឈ្នះពានរង្វាន់ចំនួន ៣ គឺ ឈ្នះពានរង្វាន់ "រថយន្តដែលមានគុណតម្លៃល្អដាច់គេ" "រថយន្តដែលខ្លាំង ធុន រឹងមាំជម្នះគ្រប់ឧបសគ្គផ្លូវ" និងពានរង្វាន់ "រថយន្ត 4X4 ប្រចាំឆ្នាំ"។

រថយន្ត SsangYong ម៉ូដែល Rexton នៅតែបន្តទទួលបានពានរង្វាន់ "រថយន្តដែលមានគុណតម្លៃល្អដាច់គេ" ក្នុងខែមករា ឆ្នាំ២០១៩ ម្តងទៀត។ ចំណែក រថយន្ត SsangYong ម៉ូដែល Rexton Sports ទទួលបានពានរង្វាន់ "រថយន្តដែលមានគុណតម្លៃល្អដាច់គេ" ក្នុងប្រភេទ "រថយន្ត Pick-Up ប្រចាំឆ្នាំ" ក្នុងឆ្នាំ ២០១៨។

២០១៩ គឺជាឆ្នាំដ៏គួរឱ្យរំភើបសម្រាប់ SsangYong ព្រោះថានឹងមានព្រឹត្តិការណ៍រំជើបរំជួលជាច្រើនកើតឡើងនាពេលខាងមុខនេះ។ ក្រៅពីទើបប្រកាសបើកសម្ពោធជាផ្លូវការ អគារតាំងបង្ហាញរថយន្តថ្មីដ៏ទំនើបកាលពីម្សិលមិញនេះ ឥលូវក្រុមហ៊ុន SsangYong ក៏គ្រោងនឹងដាក់បង្ហាញម៉ូដែលថ្មីមួយទៀតនៅពាក់កណ្តាលឆ្នាំនេះ និងកន្លែងតាំងបង្ហាញមួយផ្សេងទៀតនៅដើមឆ្នាំក្រោយនៅក្បែរតំបន់បឹងកេងកង។

ចង់ដឹងថា រថយន្ត SsangYong ម៉ូដែល Rexton ម្ចាស់ពានរង្វាន់អន្តរជាតិនេះឡូយកម្រិតណា អាចទៅមើល សាកដោយផ្ទាល់នៅ SsangYong Showroom ថ្មី ៖

ទីតាំង ៖ តាមបណ្តោយមហាវិថីសហព័ន្ធរុស្សី (កែងមហាវិថីសហព័ន្ធរុស្សី និងវត្តនាគវ័ន) សង្កាត់ផ្សារដេប៉ូ 3 ខណ្ឌទួលគោក រាជធានីភ្នំពេញ។
លេខទូរស័ព្ទ ៖ 098 456 888 / 095 456 888៕