គ្មានអ្វីឈឺចាប់ជាងការដែលឃើញមនុស្សខ្លួនស្រលាញ់ ទៅស្រលាញ់អ្នកផ្សេងឡើយ

2018-12-27 03:00:00
ចំនួនមតិ 0 | ចំនួនចែករំលែក 0

មានតែអ្នកធ្លាប់ស្ថិតក្នុងកាលៈទេសៈមនស្សដែលខ្លួនស្រលាញ់ បែរជាទៅស្រលាញ់អ្នកផ្សេងទេ បើអ្នកធ្លាប់ជួបបែបនេះទើបដឹងថាវាឈឺចាប់ប៉ុណ្ណា។ កាន់តែឈឺ គិតកាន់តែលែងចេញ រីឯគេវិញ កាន់តែដាច់ចិត្ត។

នៅពេលមនុស្សម្នាក់អស់ចិត្តស្រលាញ់អ្នកហើយ ទោះបីជាអ្នកស្អាត ខំប្រឹងតែងខ្លួនយ៉ាងណាក៏គេមិនយកភ្នែកមើលផង កុំថាឡើយពេលអ្នកឆ្កួត ស្រែកជំទាល យំរហេមរហាមក្រក់មើលនោះ។ ទង្វើនេះមានតែធ្វើឲ្យគេរឹតតែស្អប់លើសដើមតែប៉ុណ្ណោះ។ បើគេមិនស្រលាញ់ទៀត មានសិទ្ធិឯណាទៅបន្ទោសគេនោះ? ក្រោយពេលរឿងហេតុកើតឡើងហើយនោះ យើងតែងសួរខ្លួនឯងថា ហេតុអ្វីមិនអត់ឱន ហេតុអ្វីមិនត្រលប់ទៅរកគ្នាវិញ? តាមការពិត គេមានទៅខុសអី បានជាមានសិទ្ធិអត់ឱននោះ?

បើគេមិនស្រលាញ់ទៀត ត្រូវបន្ទោសរឿងអី? បន្ទោសគេថាមិនស្មោះត្រង់ឬ? ចុះយើងម៉េចមិនសាកសួរខ្លួនឯងវិញមើលថា បើយើងនៅក្បែរមនុស្សដែលខ្លួនមិនស្រលាញ់ ហើយនៅក្បែរគ្នានាំមកតែក្ដីក្ដៅក្រហាយនោះ តើយើងចង់នៅទៀតឬអត់?

មនុស្សគ្រប់រូបតែងស្វែងរកមនោសញ្ចេតនាដែលខ្លួនចង់បាន នៅពេលដែលស្នេហាមួយអស់កម្ដៅ លែងមានន័យហើយ វាគ្រាន់តែជាបញ្ហាពេលវេលាតែប៉ុណ្ណោះ ដែលគេនឹងរកអ្នកថ្មីជំនួសនៅពេលណា។ អ្នកដែលទៅមានថ្មី នឹងសប្បាយជាងមួយនឹងសុភមង្គលថ្មីដែលគេរកបាន មានតែអ្នកនៅស្រលាញ់ ហើយត្រូវគេបោះបង់ សម្លឹងមើលមនុស្សដែលខ្លួនស្រលាញ់ ទៅស្រលាញ់អ្នកថ្មីតែប៉ុណ្ណោះ ទើបបៀមទុក្ខគ្រាំក្នុងរស់មិនស្មើស្លាប់នោះ។ រឿងមនោសញ្ចេតនាគឺជារឿងពិបាកនិយាយ សូម្បីតែខ្លួនឯងផ្ទាល់ពេលខ្លះក៏មានអារម្មណ៍ថាលែងស្រលាញ់មនុស្សដែលយើងធ្លាប់គិតថា មិនអាចរស់ខ្វះបានដែរ។ ដូច្នេះហើយ គេក៏ដូចគ្នា ចំពោះគេ យើងក៏ប្រហែលធ្លាប់ជាមនុស្សដែលគេគិតថាជាអ្នកដែលគេស្រលាញ់បំផុត មុនពេលគេរកឃើញមនុស្សដែលគេស្រលាញ់ជាងយើង។

ពេលរឿងដូចនេះកើតឡើង ទោះបីជាដឹងថាពិបាកទទួលយក តែវិធីសាស្ត្រដែលល្អបំផុតនោះគឺព្រលែងឲ្យគេទៅទៅ។ ព្រោះកាលៈទេសៈនេះ ប្រៀបដូចជាឱបដើមដំបងយក្សដែរ អោបរឹតតែណែន គឺរឹតតែឈឺ៕

ចុចអាន៖ខំស្រលាញ់មនុស្សដែលនៅអាល័យញ់អ្នកចាស់ ដូចទឹកនៅលើស្លឹកឈូក

ប្រភព៖ Guu អត្ថបទ៖Caramel