កុំបោះបង់ខ្លួនឯងចោល បើទោះជាម្នាក់នោះលែងត្រូវការអ្នកក៏ដោយ

2018-11-15 09:00:00
ចំនួនមតិ 0 | ចំនួនចែករំលែក 0

អ្នកមានស្នេហាទាំងអស់មិនប្រាកដថាសុទ្ធតែទទួលបានជោគជ័យឡើយ។ ពេលខ្លះអ្នកអាចត្រូវភាគីម្ខាងទៀតបោះបង់ចោលទាំងមិនដឹងពីហេតុផលច្បាស់លាស់ ឬធ្វើអ្វីខុស ប្រសិនបើអ្នកត្រូវបុរសគេទាត់ចោល សូមអ្នកកុំទុកខ្លួនឯងចោលម្នាក់ទៀត។

១.«ម្នាក់នោះមិនត្រូវការអ្នក មិនមែនមានន័យថាមនុស្សមួយផែនដីលែងត្រូវការអ្នកដែរទេ។ ឈប់ខូចចិត្តព្រោះគេ ហើយក្រោកឡើងរៀបចំខ្លួនឲ្យល្អឡើងវិញ ដើម្បីរង់ចាំប្រុសម្នាក់ដែលស្រលាញ់ និងព្រមទទួលយកចំណុចខ្វះខាត»។

រូបតំណាង

**២**.«កុំធ្វើទុក្ខបុកម្នេញខ្លួនឯង ដើម្បីទាមទារចំណាប់អារម្មណ៍។ បើអស់ស្រលាញ់ហើយ ទោះជាអ្នកស្លាប់នៅនឹងមុខ ក៏គេនៅតែឈានជើងចាកចោលអ្នកគ្មានស្រណោះអាល័យ»។

៣.«ធ្វើឲ្យបុរសម្នាក់នោះដឹងថា ការបោះបង់អ្នកចោល គឺជាអំពើខុសឆ្គងបំផុតក្នុងជីវិតគេ។ អ្នកគួរកែតម្រូវខ្លួនឯងឲ្យមានតម្លៃនរណាក៏ប៉ងប្រាថ្នា ដើម្បីឲ្យគេដឹងថា នោះជាការសម្រេចចិត្តខុសដែលទៅស្រវាអ្នកថ្មី»។

រូបតំណាង

៤.«កុំដេកដួលលើរឿងស្នេហា អ្នកគួរតែស្វែងរកចំណុចខ្សោយដែលធ្វើឲ្យដៃគូចាស់បោះបង់ចោល ហើយកែប្រែវាជាថ្មី ដើម្បីពេលជួបអ្នកថ្មី អ្នកគ្មានកំហុសបែបនោះម្ដងទៀត»។

៥.«អ្នកអាចគ្មានតម្លៃក្នុងក្រសែភ្នែកបុរសម្នាក់នោះ តែអ្នកពិតជាមានតម្លៃខ្លាំងបំផុតក្នុងភ្នែកក្រុមគ្រួសារ មិត្តភ័ក្ដិ អ្នកជិតខាងអ្នក។ ដូចនេះកុំព្រោះតែគេអ្នកឈប់ស្រលាញ់ខ្លួនឯងអី ធ្វើខ្លួនឲ្យមានកិត្តិយសសម្រាប់មនុស្សសំខាន់ដែលរង់ចាំនៅផ្ទះ»។

រូបតំណាង

៦.«កុំទៅបញ្ឈឺអ្នកចាស់អី ព្រោះទង្វើនេះមិនត្រឹមតែមិនអាចបំភ្លេចគេបានឡើយ ថែមទាំងធ្វើឲ្យគេសើចចំអកដល់អ្នកទៅវិញទេ»។

៧.«ស្រលាញ់ខ្លួនឯងឲ្យច្រើនៗតាមដែលអាចធ្វើទៅបាន។ ពេលកន្លងមកអ្នកមិនសូវមានពេលថែទាំខ្លួនព្រោះរវល់តែយកចិត្តគេ ដូចនេះធ្វើអ្វីដែលខ្លួនស្រលាញ់បំពេញចិត្តខ្លួនឯងម្ដង»៕

ចុចអាន៖ជូនចំពោះខ្លួនឯង៖ «ខ្ញុំសុំទោសចំពោះការមិនស្រឡាញ់អ្នកឲ្យបានគ្រប់គ្រាន់»

ប្រភព៖ thoughtcatalog ប្រែសម្រួល៖ ទ្រី រ៉ាវី