បាត់មុខពីសិល្បៈយូរ Fan Bingbing ត្រលប់មកវិញ តាមរូបផ្សាយពាណិជ្ជកម្ម

2018-11-14 03:02:47
ចំនួនមតិ 0 | ចំនួនចែករំលែក 0

ក្នុងថ្ងៃបុណ្យអ្នកនៅលីវ (Single Day) កាលពីថ្ងៃទី១១ ខែវិច្ឆិកាកន្លងទៅនេះ គូស្នេហ៍តារាសម្ដែងចិនល្បីឈ្មោះ Fan Bingbing និង Li Chen បានបង្ហោះកម្រងរូបភាពផ្សព្វផ្សាយថ្មីរបស់ខ្លួន ក្រោយស្ងាត់មួយរយៈ។

កាលពីថ្ងៃទី១១ ខែវិច្ឆិកាមុននេះ គឺជាពិធីបុណ្យសម្រាប់អ្នកដែលមិនទាន់មានគូនឹងគេនៅប្រទេសចិន។ នៅថ្ងៃនេះដែរ ដើម្បីកុំឲ្យអ្នកនៅលីវអន់ចិត្ត មុខទំនិញ ក៏ដូចហាងជាច្រើនសុទ្ធតែមានការបញ្ចុះតម្លៃពិសេសដើម្បីឲ្យអតិថិជនបានទិញលួងចិត្តខ្លួនឯង។ រីឯសម្រាប់សិល្បករវិញ នេះគឺជាឱកាសពិសេសដើម្បីផ្សព្វផ្សាយម៉ាកផលិតផលរបស់ខ្លួន។

នៅក្នុងចំណោមតារាទាំងអស់ តារាសម្ដែងស្រីសម្បូររឿងអាស្រូវ Fan Bingbing ត្រូវបានចាប់អារម្មណ៍ជាងគេពេលផ្សព្វផ្សាយម៉ាកគ្រឿងសំអាងរបស់ខ្លួន ព្រោះនេះគឺជាការផ្សព្វផ្សាយលើកទី១របស់នាងក្រោយត្រូវគេកាត់ស្ប៉តផ្សព្វផ្សាយអស់ព្រោះរឿងអាស្រូវគេចពន្ធ។ ដើម្បីជួយគូដណ្ដឹងឲ្យរកស៊ីកាក់កប តារាសម្ដែងប្រុស Li Chen ក៏បានបង្ហោះបន្តនូវរូបភាពផ្សព្វផ្សាយនេះដែរ៕