មកស្ដាប់ស្រីៗនិយាយរឿងទៅវត្តធ្វើបុណ្យរដូវភ្ជុំនេះ (វីដេអូ)

2018-09-27 02:32:47
ចំនួនមតិ 0 | ចំនួនចែករំលែក 0

រដូវបុណ្យភ្ជុំមកដល់ ជាប្រពៃណីទំនៀមទម្លាប់ប្រជាជនខ្មែរតែងតែនាំគ្នាទៅវត្ត។ ក្នុងពេលនោះដែរយើងសង្កេតឃើញថា មានយុវវ័យ ជាពិសេសស្រីៗបានជួបជុំគ្នាយកចង្ហាន់ទៅ ប្រគេនព្រះសង្ឃនៅវត្តដើម្បីឧទ្ទិសកុសលផលបុណ្យទៅកាន់ដូនតាដែលបានចែកឋានទៅ។

ក្នុងនោះផងដែរ កញ្ញា លីណា បានប្រាប់មកកាន់គេហទំព័រកញ្ញាថា ដើម្បីបានមកវត្តជួបជុំជាមួយ គ្រួសារកញ្ញាត្រូវខានទៅរៀនមួយថ្ងៃ ហើយកញ្ញាត្រូវចំណាយពេលជិតមួយម៉ោងដើម្បីរៀបចំខ្លួនតាមប្រពៃណីខ្មែរដែលខ្លួនស្រលាញ់មកវត្ត។

ចំពោះមុខម្ហូបវិញ កញ្ញាស្រីពេជ្របានបញ្ជាក់ប្រាប់ថា កញ្ញាត្រូវភ្ញាក់ពីព្រលឹមដើម្បីរៀបចំធ្វើម្ហូប ហើយកញ្ញាយកចង្ហាន់មកប្រគេនព្រះសង្ឃដែលមានដូចជា ឆាសណ្ដែកគួរ និងខពងទា ដែលកញ្ញាប្រាប់ថា ជាម្ហូបប្រចាំត្រកូលរបស់ខ្មែរយើងជាពិសេសពេលទៅវត្តតែម្ដង។

ដោយឡែកកញ្ញា ស្រីមានវិញបានប្រាប់ថា រឿងម្ហូបគឺម៉ាក់ជាអ្នកចាត់ចែងអោយ ហើយកញ្ញាមកវត្តបានបួសសួងសូមអោយប្រលងជាប់ថ្នាក់ទី ១២នៅឆ្នាំក្រោយ។

រដូវបុណ្យភ្ជុំបិណ្ឌនៅក្នុងឆ្នាំនេះមានរយៈពេល ១៥ថ្ងៃ ដែលចាប់ផ្ដើមពីថ្ងៃទី ២៥ ខែកញ្ញា រហូតដល់ ថ្ងៃទី ១០ ខែតុលា ដែលអ្នកអាចស្វែងរកពេលវេលាសាកសមដើម្បី ជួបជុំគ្រួសារនិងមិត្តភ័ក្ដិយកចង្ហាន់ទៅវត្តធ្វើបុណ្យឧទ្ទិសកុសលជូនបុព្វការីជនដែលបានចែកឋានទៅ ហើយបួងសួងសូមសេចក្ដីសុខសម្រាប់មនុស្សជាទីស្រលាញ់របស់អ្នក៕

អត្ថបទ៖ Khuon Sovanvatey