ដំណឹងល្អ! និស្សិតស្រីឡើងមករៀននៅភ្នំពេញអាចបានកន្លែងស្នាក់នៅឥតគិតថ្លៃពីក្រសួង

2018-08-14 04:13:51
ចំនួនមតិ 0 | ចំនួនចែករំលែក 0

ក្រសួងអប់រំប្រកាសជ្រើសរើសនិស្សិតនារីចំនួន ១១០នាក់ មកស្នាក់នៅបណ្ដោះអាសន្នដោយមិនគិតថ្លៃនៅមជ្ឈមណ្ឌលអន្តេវាសិកនិស្សិតនារីក្នុងឆ្នាំសិក្សា២០១៨-២០១៩ ដែលនឹងទទួលតែនិស្សិតនារីបញ្ចប់ការសិក្សានៅបណ្ដាខេត្ត នឹងឡើងមកសិក្សាបន្តនៅតាមគ្រឹះស្ថានឧត្ដមសិក្សាសាធារណៈនានាក្នុងរាជធានីភ្នំពេញប៉ុណ្ណោះ។

មជ្ឈមណ្ឌលអន្តេវាសិកនិស្សិតនារី មានទីតាំងនៅវិទ្យាស្ថានបច្ចេកវិទ្យាកម្ពុជា សិស្សនិស្សិតនារីត្រូវមានលក្ខខណ្ឌដូចជា៖

ជានិស្សិតអាហារូបករណ៍ ឬបង់ថ្លៃ សិក្សាឆ្នាំទី១ នៅតាមគ្រឹះស្ថានឧត្តមសិក្សារដ្ឋ ជានិស្សិតនារីក្រីក្រ និងនិស្សិតនារីពិការ មកពីបណ្ដាខេត្តនានា (ភ្ជាប់លិខិតបញ្ជាក់ពីមេភូមិ និងមេឃុំ) បេក្ខជនត្រូវនៅលីវ មានវិន័យ និងសីលធម៌ល្អ សិស្សនិស្សិតនារី មានចំណាប់អារម្មណ៍ អាចស្វែងរកពាក្យ ចុចនៅទីនេះ

-កាលបរិច្ឆេទទទួលពាក្យ៖ ចាប់ពីថ្ងៃផ្សាយដំណឹងរហូតដល់ថ្ងៃទី២៥ ខែវិច្ឆិកា ឆ្នាំ២០១៨

-ទីកន្លែងយក និងទទួលពាក្យ៖ គ្រឹះស្ថានឧត្តមសិក្សាដែលបេក្ខនារីកំពុងសិក្សា

-កាលបរិច្ឆេទប្រកាសលទ្ធផល៖ ថ្ងៃទី១០ ខែធ្នូ ឆ្នាំ២០១៨

-លេខទូរសព្ទទំនាក់ទំនង៖ ០១២ ៦៧៥៥៩០ / ០១១ ៧៤៥ ២៧៧ ៕

ប្រភព៖ Sabay News អត្ថបទ៖ ស៊ិន សាវ៉េត