ទូតខ្មែរនៅជប៉ុន៖ លេខ៣ខ្សែទាក់ទងបានគ្រប់ពេល សម្រាប់ពលរដ្ឋខ្មែររស់នៅ និងសិក្សានៅជប៉ុន ពិសេសតំបន់កំពុងជួបគ្រោះមហន្តរាយ

2018-07-10 05:17:22
ចំនួនមតិ 0 | ចំនួនចែករំលែក 0

គិតមកដល់ថ្ងៃនេះ ស្ថានភាពទឹកជំនន់ និងការបាក់ដីនៅប្រទេសជប៉ុននៅតែមិនទាន់ស្រាកស្រាន្តនៅឡើយ ហើយមនុស្សច្រើនជាង១១៤នាក់បានស្លាប់។

ស្របពេលនឹងហេតុការណ៍ដ៏អាក្រក់របស់ប្រជាជនជប៉ុននៅភាគខាងលិច និងភាគកណ្ដាលក្នុងពេលនេះដែរ កាលពីថ្ងៃទី៨ កក្កដា ស្ថានទូតកម្ពុជាប្រចាំនៅប្រទេសជប៉ុន បានសរសេរលើទំព័រផ្លូវការរបស់ខ្លួនអំពីការព្រួយបារម្ភពីសុវត្ថិភាពរបស់ពលរដ្ឋកម្ពុជាដែលទៅស្នាក់នៅ និងសិក្សានៅក្នុងប្រទេសមួយនេះ។

ស្ថានទូតក៏បញ្ជាក់ផងដែរថា ក្នុងករណីដែលពលរដ្ឋកម្ពុជារូបណាដែលបានទៅរស់នៅ និងរៀនសូត្រនៅប្រទេសជប៉ុនជួបបញ្ហាអាសន្ន ឬអ្នកដែលរស់នៅក្នុងតំបន់ដែលជួបគ្រោះមហន្តរាយនេះអាចទាក់ទងទៅកាន់ Page របស់ស្ថានទូតផ្ទាល់ ឬលេខទូរសព្ទដូចខាងក្រោម៖

រូបភាពថតពី Status លើទំព័រផ្លូវការរបស់ស្ថានទូតកម្ពុជាប្រចាំនៅប្រទេសជប៉ុន

១. ឯកឧត្តម តាំង ផេងរិទ្ធី ទីប្រឹក្សាទទួលបន្ទុកពលករ ០៨០ ៣៤៥៩ ៧៨៨៩

២. លោក ឆេង ចំរើន ០៨០ ៤៦៨៩ ៩៣៧៤

៣. លោក ឌឿក វណ្ណរិទ្ធិ ០៨០ ៤៤៣៩ ៥៧០៤។

គួររំលឹកថា ដោយសារតែមានភ្លៀងធ្លាក់យ៉ាងខ្លាំងជាប់ៗគ្នាច្រើនថ្ងៃ តាំងពីថ្ងៃទី២៨ មិថុនាមក ជាហេតុបណ្ដាលឱ្យទឹកទន្លេ Osaka ក្នុងក្រុង Gifu កោះ Honshu ឡើងជន់ខ្លាំង ហូរបាក់ទំនប់ ដល់ថ្នាក់កាត់ផ្ដាច់ផ្លូវថ្នល់សំខាន់ៗរបស់ពលរដ្ឋក្នុងតំបន់។ ក្រៅពីនេះ ព្យុះទីហ្វុង និងភ្លៀងធ្លាក់ជាប់ៗគ្នាបន្តបន្ទាប់ ក៏បានធ្វើឱ្យមានការជន់លិច និងបាក់ដី ក្នុងកោះ Honshu និង កោះ Kyushuរហូតសម្លាប់ជីវិតមនុស្សយ៉ាងច្រើន និងបាត់បង់ជម្រកបែបនេះ៕

អត្ថបទ៖ សរ សុគន្ធី