កុំឲ្យឆាប់បាក់សម្រស់ទៅថ្ងៃមុខ អ្នកមានវ័យ ២០ ឆ្នាំត្រូវដឹងពីវិធីថែទាំនេះ

2018-07-04 08:00:00
ចំនួនមតិ 0 | ចំនួនចែករំលែក 0

ពេលដែលធំពេញវ័យ អ័រម៉ូននៅក្នុងរាងការមានភាពប្រែប្រួល ធ្វើឲ្យស្បែកប្រែជាភ្លឺជាងមុន។ ទន្ទឹមនឹងការប្រែប្រួលនេះដែរ មុខរបស់អ្នកក៏ងាយនឹងកើតមុន ហើយអ្នកអាចមើលទៅចាស់ជាងវ័យទៅថ្ងៃមុខ បើសិនជាចូលដល់វ័យខ្ទង់២០ឆ្នាំនេះ អ្នកចេះតែបណ្តែតបណ្តោយមិនចេះថែរក្សាឲ្យបានត្រឹមត្រូវ។

១. ផឹកទឹកឲ្យបានគ្រប់គ្រាន់

ចង់បានស្បែកភ្លឺស្អាត មានសំណើម មិនមែនគិតតែពីការលាបឡេ តែមួយមុខនោះទេ អ្នកត្រូវផឹកទឹកឲ្យបានគ្រប់គ្រាន់ ទើបស្បែកមានភាពស្រស់ថ្លាពីខាងក្នុងចេញមកក្រៅ។

២. លាងដៃមុនពេលលាងមុខ

ដោយសារតែភាពកខ្វក់នៅលើដៃអ្នក អាចធ្វើឲ្យកើតមុន ពេលអ្នកយកដៃទៅប៉ះលើផ្ទៃមុខ ដូច្នេះជារៀងរាល់ថ្ងៃមុនលាងសម្អាតមុខ អ្នកត្រូវលាងដៃជាមួយសាប៊ូឲ្យបានស្អាតល្អសិន។

៣. លាងជម្រះគ្រឿងសម្អាងលើមុខ មុនពេលចូលគេង

ទោះបីជារវល់ឬនឿយហត់យ៉ាងណាក៏ដោយ ត្រូវឆ្លៀតពេលជូតសម្អាតគ្រឿងសម្អាងនៅលើផ្ទៃមុខ ឲ្យបានជ្រះស្អាតល្អ ដើម្បីការពារកុំឲ្យកើតមុន ស្បែកលេចចេញស្នាមជ្រីវជ្រួញ។

៤. លាបឡេការពារកម្តៅថ្ងៃ

ពន្លឺថ្ងៃអាចបំផ្លាញស្បែកអ្នកខ្ទេចខ្ទីដោយមិនដឹងខ្លួន បើអ្នកចេញទៅខាងក្រៅដោយមិនបាន លាបឡេការពារជាមុន។ ឡេការពារកម្តៅថ្ងៃ មិនត្រឹមតែជួយការពារស្បែកពីពន្លឺព្រះអាទិត្យប៉ុណ្ណោះទេ វាថែមទាំងជួយឲ្យស្បែកនៅតែក្មេងផងដែរ។

៥. ពាក់វ៉ែនតាការពារកម្តៅថ្ងៃ

វ៉ែនតាអាចជួយការពារ ត្រង់បរិវេណរង្វង់ភ្នែក មិនឲ្យមានស្នាមខ្មៅនិងជ្រីវជ្រួញ ពេលដែលអ្នកប៉ះត្រូវពន្លឺថ្ងៃ។