មិនធម្មតាឈុត "នាងឧសភី" របស់ Miss Earth កម្ពុជា ល្បីដល់សារព័ត៌មាន AJ+

2018-06-11 10:00:00
ចំនួនមតិ 0 | ចំនួនចែករំលែក 0

លោក អ៉ិត សុវណ្ណារាជ ដែលជាប្រធានក្រុមច្នៃម៉ូដសម្លៀកបំពាក់ La Chhouk Recycled & Creative Fashion បានសហការគ្នាជាមួយនឹងសមាជិកក្រុមរបស់គាត់ បង្កើតស្នាដៃដែលមិនគួរឲ្យជឿ ដោយយកសម្ភារដែលប្រើប្រាស់ហើយ និងសំរាម ស្ងួត មានដូចជា គម្របដប ឌីស បាវជាដើម មកកែច្នៃជាសម្លៀកបំពាក់ប្លែកៗ ដែលកម្រមានអ្នកធ្វើដូច។

ស្នាដៃមួយនេះដែរ មិនត្រឹមតែទទួលបានការ ចាប់អារម្មណ៍គាំទ្រពី មហាជននៅក្នុងស្រុកប៉ុណ្ណោះទេ ថែមទាំងទទួលបានការប្រកួតក្នុងកម្មវិធី Miss Earth 2017 និងចុះផ្សាយនៅក្នុងទំព័រហ្វេសបុកបរទេសដ៏ល្បីទៀតផង។

លោករាជ ចាប់ផ្តើមមានគំនិតមួយនេះឡើង ដោយយល់ឃើញថា សំរាមគឺជាបញ្ហាធំចម្បងមួយនៅប្រទេសកម្ពុជាយើង ដូច្នេះហើយបានជាលោកចង់ឲ្យប្រជាពលរដ្ឋខ្មែរ មានការយល់ដឹងកាន់តែច្បាស់អំពី ការបែងចែកឲ្យដាច់ពីគ្នារវាងសំរាមសើមនិងសំរាមស្ងួត ដឹងពីគុណតម្លៃ និងប្រើប្រាស់វាឲ្យអស់ពីសក្ដានុពល ដើម្បីកាត់បន្ថយ ការកើនឡើងនៃសំរាម និងចូលរួមថែរក្សាបរិស្ថានទាំងអស់គ្នា។