មកពីដើរលេងសង្ក្រាន្តវិញ ស្បែកខ្មៅស្រអាប់មែនទេ វិធីកែខៃទាំងនេះអាចជួយបាន!

2018-04-19 05:32:00
ចំនួនមតិ 0 | ចំនួនចែករំលែក 0

នរណាខ្លះបានទៅដើរលេងសង្ក្រាន្តប៉ុន្មានថ្ងៃនេះ ច្បាស់ជាសប្បាយហើយក៏ហត់ណាស់ដែរ ព្រោះអាកាសធាតុក្តៅ ហើយបើនិយាយពីស្បែកវិញគឺច្បាស់ជាពិបាកមើលតែម្តង។ ប៉ុន្តែមិនថ្វីទេ តិចនិកទាំង ៥ខាងក្រោមនឹងជួយកែខៃបញ្ហាស្បែកស្រអាប់របស់អ្នកវិញបាន៖

១. ប្រទាលកន្ទុយក្រពើ

វាជួយព្យាបាលស្បែកជាំខ្មៅដោយសារកម្តៅព្រះអាទិត្យ ផ្តល់សំណើម និងធ្វើស្បែកត្រឡប់មកជាស្រស់ថ្លាឡើងវិញ។ ឆ្កឹះយកសាច់ប្រទាលហើយបិទលើស្បែកដែលជាំខ្មៅពី ១៥ទៅ ២០នាទី ហើយលាងសម្អាតជាមួយទឹកត្រជាក់។

២. ខាត់ស្បែកដោយរបស់ធម្មជាតិ

ជៀសវាងការប្រើប្រាស់ស្ក្រាប ព្រោះស្បែកកំពុងរងផលប៉ះពាល់ខ្លាំងពីកម្តៅថ្ងៃ ដូច្នេះគួរខាត់ស្បែកដោយរបស់ធម្មជាតិវិញដូចជា រមៀត ពន្លៃ ឬទឹកឃ្មុំជាដើម។

រូបតំណាង

**៣. ញ៉ាំបន្លែផ្លែឈើ**

ទន្ទឹមនឹងការថែរក្សាស្បែកពីខាងក្រៅ អ្នកក៏ត្រូវយកចិត្តទុកដាក់ចំពោះការថែទាំពីខាងក្នុងដែរ។ គួរបង្កើនបរិមាណបន្លែនៅក្នុងរបបអាហារទាំងបីពេល ព្រមជាមួយនឹងផ្លែឈើធម្មជាតិ ព្រោះវាសម្បូរទៅដោយវីតាមីន C ដែលជួយឲ្យស្បែកមានសភាពស្រស់ថ្លាពីខាងក្នុង។

៤. ផឹកទឹកឲ្យបានច្រើន

រូបតំណាង

បន្ទាប់ពីស្ថិតក្រោមកម្តៅថ្ងៃ ស្បែករបស់អ្នកនឹងបាត់បង់ជាតិសំណើមច្រើន ដូច្នេះដើម្បីកែខៃស្បែកដែលមានសភាពស្ងួត អ្នកត្រូវផឹកទឹកឲ្យបានច្រើនឡើងវិញ។ ក្នុងនោះទឹកដូងក៏មានអត្ថប្រយោជន៍ជំនួយដល់ស្បែក មិនខុសពីទឹកធម្មតាដែរ។

៥. ប្រើប្រាស់វីតាមីន C

អ្នកអាចរកទិញនៅតាមឱសថស្ថានបាន វាមិនមែនជាថ្នាំទេ តែជាពពួក Supplements ដែលជំនួយស្បែកឲ្យភ្លឺថ្លា៕

ចុចអាន៖ចង់ដើរលេងបានសប្បាយចិត្ត ដាច់ខាតកុំភ្លេចធ្វើរឿងទាំងនេះមុនចេញដំណើរ

ប្រភព៖ Kapook ប្រែសម្រួល៖ អ៊ុង រ័ត្នបញ្ញា