ជាប់ឈ្មោះបោកប្រាស់លុយសប្បុរសធម៌ Yang Mi ស្រកសល់ត្រឹម៣៩គីឡូ រាងដូចគ្រោងឆ្អឹង

2018-04-09 02:29:42
ចំនួនមតិ 0 | ចំនួនចែករំលែក 0

ដោយសារតែរងការរិះគន់ពីមហាជនខ្លាំងពេក តារាសម្ដែងស្រីល្បីឈ្មោះចិន Yang Mi បានធ្លាក់គីឡូយ៉ាងខ្លាំង នៅសល់តែស្បែកដណ្ដប់ឆ្អឹង។

កាលពីថ្ងៃទី៥ខែមេសាមុននេះ តារាសម្ដែងជួរមុខចិន Yang Mi ត្រូវបានគេប្រទះឃើញនៅកន្លែងថតភាពយន្តថ្មីរបស់ខ្លួនក្នុងទឹកមុខស្លេកស្លាំង ហាក់ដូចគ្មានព្រលឹងក្នុងខ្លួន។ តាមនោះដែរ ក្រោយពេលលេចព័ត៌មានថាខ្លួនជាអ្នកបោកលុយបរិច្ចាគរបស់ជនពិការកាលពីឆ្នាំ២០១៥ ស្រីស្អាតវ័យ៣១ឆ្នាំបានធ្លាក់ខ្លួនឈឺធ្ងន់។ នេះបើតាមការឲ្យដឹងពីក្រុមហ៊ុនរបស់នាង។

ប្រភពខាងលើបានឲ្យដឹងថា កំឡុងពេលឈឺនេះ អ្នកម្ដាយកូន១បានស្រកគីឡូយ៉ាងខ្លាំង។ នៅពេលបច្ចុប្បន្ន តារាកម្ពស់ ១,៦៨ម នៅសល់ត្រឹមតែ៣៩គីឡូក្រាមតែប៉ុណ្ណោះ។ អ្នកគាំទ្រក្រោយពេលបានឃើញរូបភាពទាំងនេះ បានបង្ហាញភាពអាណិតថា Yang Mi ពេលនេះមិនខុសពីគ្រោងឆ្អឹងឡើយ ព្រោះនៅតែស្បែកដណ្ដប់ឆ្អឹងតែប៉ុណ្ណោះ គ្មានសាច់ទេ៕