ប្រុសៗគួរសួរសំណួរទាំងនេះទៅខ្លួនឯង មុនសម្រេចចិត្តគេងជាមួយនាង!
- 2018-03-27 01:56:54
- ចំនួនមតិ 0 | ចំនួនចែករំលែក 0
ប្រុសៗគួរសួរសំណួរទាំងនេះទៅខ្លួនឯង មុនសម្រេចចិត្តគេងជាមួយនាង!
យើងអាចនិយាយបានថា ការរស់នៅជាមួយគ្នាមុនរៀបការរវាងមនុស្សប្រុស និងមនុស្សស្រីគឺជារឿងខុសឆ្គងនឹងប្រពៃណីខ្មែរ។ ប៉ុន្តែទន្ទឹមនឹងនេះ យើងក៏មិនអាចហាមឃាត់ ឬដាក់ទោសចំពោះអ្នកដែលប្រព្រឹត្តបានដែរ គ្រាន់ថាបើសិនអ្នកទាំងពីរពិតជាអឺអើជាមួយគ្នាមែន គួរណាស់តែប្រើសតិគ្រប់គ្រងស្ថានការណ៍ខ្លះផង កុំធ្វើតាមបេះដូង និងតណ្ហាជ្រុលពេក។
សូមផ្ញើសំណួរទាំងនេះទៅកាន់មនុស្សប្រុសគ្រប់គ្នា បើសិនគេមានបំណងចង់គេងជាមួយនារីណាម្នាក់ដែលគេកំពុងសម្លឹងឃើញ៖
១. ស្រឡាញ់នាង ឬស្រឡាញ់ដើមទ្រូង និងត្រគាករបស់នាង?
២. ចូលចិត្តការនិយាយស្តីដ៏ទាក់ទាញរបស់នាង ឬចូលចិត្តធាតុពិត និងអត្តចរិតរបស់នាង?
៣. បើសិនអ្នកគេងជាមួយនាងហើយ តើអ្នកនឹងធ្វើអ្វីតទៀត? តើអ្នកនឹងនៅតែស្រឡាញ់ដើមទ្រូង ព្រមទាំងស្នាមញញឹមរបស់នាងទៀតទេ?
៤. បើសិននាងមានផ្ទៃពោះដោយចៃដន្យ តើអ្នកនឹងចេញមុខទទួលស្គាល់ដែរទេ? ឬអ្នកនឹងរកលេសគេចពីនាង?
៥. បើនាងប្រាប់អ្នកថា នាងមានផ្ទៃពោះហើយ តើអ្នកនឹងឲ្យនាងប្រថុយគ្រោះថ្នាក់យកកូនចេញដែរទេ? ឬក៏អ្នកសម្រេចឲ្យនាងទុកកូនក្នុងពោះនោះ?
៦. បើនាងទុកកូននោះរហូតដល់ថ្ងៃសម្រាល តើអ្នកព្រមមើលថែ និងទទួលស្គាល់កូនដែលជាតំណក់ឈាមនោះទេ? អាចផ្តល់ការផ្គត់ផ្គង់រហូតដល់គេធំពេញវ័យដែរទេ?
៧. តើនាងជាមនុស្សស្រីដែលអ្នកចង់រៀបការជាមួយ ឬគ្រាន់តែជាមនុស្សកំដរការសប្បាយរបស់អ្នកទេ? អ្នកមានម្តាយជាស្រី ប្អូនស្រី ឬបងស្រីជាមនុស្សស្រីដូចគ្នា សួរថាបើរឿងនេះកើតលើពួកគេ តើអ្នកមានអារម្មណ៍បែបណាវិញ?
៨. បើថ្ងៃណាមួយអ្នកមានកូនស្រី ហើយរឿងភក់ជ្រាំនេះធ្លាក់ទៅលើគេ តើអ្នកមានអារម្មណ៍បែបណា?
៩. អ្នកអាចនឹងរីករាយខ្លាំងនៅពេលចំណង់និងតណ្ហាកើនឡើង តែពេលដែលអ្នកភ្ញាក់ខ្លួនឡើងវិញ អ្នកនឹងបានភ្លក់រសជាតិនៃទុក្ខសោកនោះថ្ងៃណាមួយមិនខាន។ ជីវិតមនុស្សមើលមិនទៀង!