ប្រឹងរកលុយ ចេះស្រលាញ់ស្រី តែភ្លេចគិតរឿងនេះ ដឹងតែរស់អត់បានយូរហើយ

2018-03-21 11:21:22
ចំនួនមតិ 0 | ចំនួនចែករំលែក 0

ម្នាក់ៗកើតមកថ្លើមតែមួយគត់ តែគួរឲ្យស្ដាយ ភាគច្រើនអត់ដឹងថាសរីរាង្គមួយនេះសំខាន់ប៉ុណ្ណា និងមុខងារដ៏ពិសេសយ៉ាង ហើយបែរជាបំផ្លាញថ្លើមខ្លួនឯងផ្ទាល់ដៃបង្កើតជាជំងឺថ្លើមរ៉ាំរ៉ៃ ទោះមានលុយក៏ស្រោចស្រង់មិនបានទៀតផង។

ចង់ដឹងថាថ្លើមមានមុខងារសំខាន់យ៉ាងម៉េចក្នុងរាងកាយ និងធ្វើអីខ្លះបានសុខៗថ្លើមខូច និងវិធីជួយឲ្យថ្លើមមានសុខភាពល្អ តាមដានខាងក្រោម៖

ការរំលាយអាហារ

រាល់ពេលញ៉ាំអាហារ សារធាតុចិញ្ចឹមនឹងចូលក្នុងឈាម ហើយត្រូវនាំទៅឲ្យថ្លើមធ្វើសំយោគសារធាតុចិញ្ចឹមយកទៅប្រើប្រាស់។ កោសិកាថ្លើមអាចបញ្ចេញថាមពល ឬផ្ទុកថាមពលនៅពេលណាដែលរាងកាយអ្នក ត្រូវការក្នុងលក្ខខណ្ឌណាមួយ។ រ៉ែ និងវីតាមីនជាច្រើន ក៏ត្រូវរក្សាទុកក្នុងថ្លើមផងដែរ ដូចជា វីតាមីន A, B12, D, E, K និងសារធាតុរ៉ែដែក និងទង់ដែង។

សំយោគក្នុងរាងកាយ

ថ្លើមគ្រប់គ្រងការបញ្ចេញថាមពលក្នុងរាងកាយ។ ពេលកាបូអ៊ីដ្រាត បម្លែងទៅជាស្ករ វាចូលចរន្តឈាម និងបន្តទៅថ្លើម។ ដូច្នេះ ថ្លើមអាចបំពេញការងារខ្លួនក្នុងការគ្រប់គ្រង និងរក្សាតុល្យភាពកម្រិតជាតិស្ករក្នុងឈាម។ ថ្លើម ក៏អាចបម្លែងអាមីណូអាស៊ីដទៅជាជាតិស្ករផងដែរ។

សម្អាតជាតិពុល

ថ្លើមនឹងបន្សាបជាតិពុលដែលផ្តល់គ្រោះថ្នាក់ភ្លាមៗ និងសារធាតុផ្សេងដែលចូលក្នុងចរន្តឈាមយើ។ សារធាតុបង្កគ្រោះថ្នាក់ទាំងនេះ អាចមានប្រភពមកពីការញ៉ាំថ្នាំ និងផឹកគ្រឿងស្រវឹង។ តែបើអ្នកហ៊ានញ៉ាំថ្នាំច្រើនពេក ថ្លើមនឹងពុលវិញ។

ក្រៅពីសម្អាតឈាម ថ្លើមចាប់យកកោសិកាងាប់ និងបាក់តេរីដែលចូលលុកខ្លូនប្រាណ រួចបញ្ជូនទៅពោះវៀន ឬតម្រងនោមសម្រាប់ការបញ្ចេញចោល។

ធ្វើម៉េចរក្សាថ្លើមឲ្យនៅល្អ?

កុំផឹកគ្រឿងស្រវឹងច្រើនពេក
ហាត់ប្រាណទៀងទាត់ និងមានរបៀបរស់នៅសកម្ម
ញ៉ាំអាហារមានតុល្យភាព និងសុខភាពល្អ ដូចជា អាហារមានជាតិខ្លាញ់តិច និងជាតិកាកសរសៃច្រើន
រក្សាទម្ងន់
ឈប់ជក់បារី
តេស្តរកមេរោគរលាកថ្លើម
ចាក់វ៉ាក់សាំងប្រឆាំងជំងឺរលាកថ្លើមប្រភេទ A និង B។

បញ្ជាក់ថា ថ្លើម ជាសរីរាង្គដ៏សំខាន់មួយធ្វើឲ្យមានដំណើរការសំយោគសារធាតុចិញ្ចឹម កាបូអ៊ីដ្រាត ប្រូតេអ៊ីន ខ្លាញ់ វីតាមីន និងសារធាតុរ៉ែពីចំណីអាហារ។ វាក៏ដើរតួយ៉ាងសំខាន់ក្នុងការរក្សាតុល្យភាពសំយោគក្នុងរាងកាយផងដែរ។

បើមានសំណួរពាក់ព័ន្ធនឹងអត្ថបទនេះ ឬការថែរក្សាសុខភាព អាចទាក់ទងតាម៖