នំខេកថ្លៃ១លានដុល្លារ មកមើលគ្រឿងផ្សំនិងវិធីធ្វើទើបដឹងថាសមនឹងតម្លៃឬក៏អត់?

2018-02-23 01:00:00
ចំនួនមតិ 0 | ចំនួនចែករំលែក 0

កាលពីពេលកន្លងទៅនេះ មានការតាំងពិព័រណ៌អាពាហ៍ពិពាហ៍ក្នុងទីក្រុងឌូបៃ ដែលបើកឱកាសឱ្យមហាជនចូលទស្សនា និងបានភ្លក់រសជាតិនំខេកអាពាហ៍ពិពាហ៍ថ្លៃបំផុតក្នុងលោក តម្លៃ១លានដុល្លារ។ នំខេកដ៏ថ្លៃសម្បើមនេះត្រូវបានធ្វើ និងរចនាដោយអ្នកឌីហ្សាញនារី ជនជាតិអង់គ្លេសម្នាក់ឈ្មោះ Debbi Wingham ដែលត្រូវបានគេដាក់ឈ្មោះជា អ្នកឌីហ្សាញថ្លៃបំផុតក្នុងលោក ដោយសារនាងធ្លាប់បានឌីហ្សាញរបស់ថ្លៃៗជាច្រើនតម្លៃដល់ទៅ៥០លានដុល្លារឯណោះ។

តើខេកដែលដាក់តាំងពិព័រណ៍នោះមានលក្ខណៈពិសេសយ៉ាងខ្លះទើបមានតម្លៃដល់ទៅលានដុល្លារ? តោះមកតាមដានដំណើរការធ្វើដូចខាងក្រោម៖

នំនេះមានកម្ពស់១,៨២ម៉ែត្រ ទម្ងន់១២០គីឡូក្រាម ដែលជាទម្ងន់ធ្ងន់ជាងនារីពិតប្រាកដ ហើយគ្រប់គ្នាដែលបានចូលរួមសុទ្ធតែបានភ្លក់រសជាតិ។

ប្រើពងទាអស់១ពាន់គ្រាប់ និងសូកូឡា២០គីឡូក្រាម។

គ្រប់យ៉ាងលើខ្លួននារីនំខេកនេះសុទ្ធតែអាចញ៉ាំបាន ដោយប្រើដំណាប់៥០គីឡូក្រាម។ ចំណែកផ្កាតូចៗចំនួន៥ពាន់ផ្កា ចំណាយពេល១០ថ្ងៃដើម្បីបិទលើរ៉ូប និងគ្រាប់គជ់ធ្វើជាឡេវខ្នងរ៉ូបក៏អាចញ៉ាំបានដែរ។

នៅលើក្បាលនាងប្រើគជ់ និងពេជ្រ៣ការ៉ាត់តម្លៃ២០ម៉ឺនដុល្លារឯណោះ។

ក្រៅពីធ្វើនំខេកដ៏អស្ចារ្យនេះ Debbei ក៏បានឌីហ្សាញរបស់ផ្សេងទៀតដូចជា ស្បែកជើងកែវមួយគូនេះ នាងបានឌីហ្សាញឡើងជាស្បែកជើងតែមួយគូរប៉ុណ្ណោះក្នុងលោកដែលមានលក្ខណៈដូចនំគួរឱ្យចង់ញ៉ាំ តម្លៃ១៥លានដុល្លារ។