ខ្សឹបប្រាប់ប្រុសៗ! ចេះវិធីលួងពេលសង្សារខឹងបែបនេះ ដឹងតែទន់ចិត្តមកវិញភ្លាម

2018-02-13 07:37:28
ចំនួនមតិ 0 | ចំនួនចែករំលែក 0

នាងអាចខឹងយើង ព្រោះយើងនិយាយឬធ្វើអ្វីមួយដែលធ្វើឱ្យនាងមានអារម្មណ៏ឈឺចាប់ តែយើងអ្នកធ្វើនឹងមិនបានដឹងឡើយ។ ការឈឺចាប់ភាគច្រើនធ្វើឱ្យនាងមានអារម្មណ៍ថា ខ្លួនឯងគ្មានតម្លៃ ដូច្នេះនាងសម្រេចថាមិននិយាយវាចេញទុកឱ្យអ្នកដឹងដោយខ្លួនឯង។

មនុស្សស្រីភាគច្រើនចង់ឱ្យខ្លួនឯងមានអារម្មណ៍ថាជាមនុស្សសំខាន់ គេឱ្យតម្លៃ និងជាអាទិភាពមុនគេក្នុងចំណោមពេលវេលារបស់មនុស្សដែលខ្លួនស្រលាញ់។ នាងត្រូវការឱ្យយើងសម្តែងចេញមកត្រង់ៗថាយើង Care ហើយគ្រប់ពេលជួបគ្នា គួរតែបង្ហាញពីសេចក្តីស្នេហា ទោះតិចតួចក្តី តែត្រូវថែរក្សាអារម្មណ៍ដែលថា នាងត្រូវបានយើងស្រលាញ់ជានិច្ច។

ចំនុចសំខាន់មួយទៀតគឺ ការបដិសេធ។ រាល់ពេលដែលអ្នកបដិសេធសំណើរនាងណាមួយនាងមានអារម្មណ៍ថាភ័យខ្លាចបាត់បង់អ្នក ព្រោះគំនិតស្រីៗគឺគិតថា ហេតុអ្វីបានជាអ្នកស្រលាញ់នាងហើយធ្វើប៉ុណ្ណឹងដើម្បីនាងមិនបាន។ បើករណីនោះ អ្នកចាំបាច់ត្រូវតែបដិសេធនាង ហើយត្រូវរកវិធីល្អពន្យល់ឱ្យយល់ពីហេតុនិងផល។ ពេលខ្លះមនុស្សស្រីដូចកូនក្មេង តែអ្នកក៏ស្រលាញ់គេដោយសារចំនុចនេះដែរមែនអត់?

ការបដិសេធ ឬទង្វើភ្លេចខ្លួនខ្លះៗរបស់យើងនឹងហើយដែលធ្វើឱ្យនាងគិតថា ស្នេហាដូចជាមិនមាំទាំ ខ្លួនឯងមិនសំខាន់ ហើយមានអារម្មណ៍ដូចជាអ្នកឃ្លាតកាន់តែឆ្ងាយពីនាង!

ត្រូវហើយ! ស្រីៗជាមនុស្សប្រើអារម្មណ៍ច្រើនជាងប្រុសៗ ចំនុចនេះជាការពិត តែបើមិនចង់បានមនុស្សប្រើអារម្មណ៍ ទាល់តែកុំស្រលាញ់មនុស្សស្រី! ការស្រលាញ់ជាការយោគយល់ពីគ្នាមែនអត់? ហើយយោគយល់ម៉េចកើត បើមិនព្យាយាមនិយាយជាមួយគ្នាឱ្យច្បាស់ឱ្យបានត្រង់ទៅត្រង់មកផង?

តោះ មកជ្រើសយកថ្នាំបំបាត់ការឈឺចាប់ក្នុងអារម្មណ៍នាងវិញម្ដង។ និយាយឱ្យខ្លីគឺ ធ្វើយ៉ាងណា ពេលសង្សារខឹង?

១ សម្លឹងឱ្យជ្រៅទៅក្នុងភ្នែករបស់នាង កាន់ដៃនាងឱ្យណែន បង្ហាញថាយើងស្រឡាញ់នាង យើងនឹងអត់ធ្មត់និងតស៊ូចំពោះអារម្មណ៍ប្រែប្រួលរបស់នាង ទោះយើងមិនទាន់ដឹងថាខ្លួនឯងបានធ្វើខុសអីក៏ដោយ!

២ ការសុំទោស ក្នុងករណីខ្លះអាចមានប្រយោជន៍ ហើយការនិយាយការពារខ្លួននិយាយបញ្ឍឺគ្មានបានផលអីក្រៅពីស្តាយក្រោយទេ។

៣ ទុកពេលវេលាស្ងាត់ស្ងៀម ពេលវេលាជាថ្នាំរម្ងាប់ដ៏ស័ក្តិសិទ្ធ។ ត្រូវចាំថា កាលៈទេសៈតឹងតែងបំផុត គឺត្រូវការពេលវេលា។

៤ កុំចិត្តក្តៅ។ រយៈពេលគេខឹង កុំទៅប្រច័ណ្ឌគេទទឹងទទែង ធ្វើឱ្យយើងបាត់បង់លក្ខណៈល្អរបស់ខ្លួនយើង។ មនុស្សស្រីអាចនឹងស្រលាញ់បុរសដែលមានចរិតផ្សេងៗគ្នា តែគ្រប់គ្នាចង់បានប្តីជាបុរសពូកែអត់ធ្មត់ ចិត្តធ្ងន់ជាងនាង។

៥ បើគេ Unfirendឬ Block ឱ្យតែមានឱកាសAddគេវិញភ្លាម ព្រោះរឿងសង្ឃឹមឱ្យគេAddវិញមិនងាយទេ ទោះយើងជាអ្នកត្រូវក៏ដោយ៕

ស្តាប់ កញ្ញា ហ៊ិន ច័ន្ទនិរ័ត្ន និយាយរឿងនេះ នៅលើកម្មវិធី Soyo ដោយឥតគិតថ្លៃ!

➡ទាញយកម្មវិធី Soyo ឥឡូវនេះដើម្បីទស្សនារឿងថ្មីៗជាច្រើនឥតគិតថ្លៃនៅលើ Soyo រហូតដល់ថ្ងៃទី២៨ ខែកុម្ភៈ ឆ្នាំ២០១៨។

ទាញយកកម្មវិធី Soyo ដោយឥតគិតថ្លៃឥឡូវនេះតាមរយៈ៖

App Store: https://goo.gl/Fzx11s

Play Store: https://goo.gl/fgJbtB

អត្ថបទ៖ សរ សុគន្ធី