គិត​បាន​ ធ្វើ​បាន​ប៉ុន្មាន​ចំណុច​នេះ ទោះ​ក្រ​ក៏​រស់​នៅ​បាន​សុខ និង​ថ្លៃថ្នូរ​បំផុត

  • 2018-01-22 01:53:34
  • ចំនួនមតិ 8 | ចំនួនចែករំលែក 91

១. ពី​មួយ​ឆ្នាំ​ទៅ​មួយ​ឆ្នាំ សូម​ធ្វើ​ឲ្យ​ជីវិត​អ្នក “កាន់​តែ​ប្រសើរ”

ព្រោះ​ពី​មួយ​ថ្ងៃ​ទៅ​មួយ​ថ្ងៃ ជីវិត​យើង​ក៏​កំពុង “កាន់​តែ​ខ្លី​”

២. ការ​ “រស់​នៅ​ក្នុង​បច្ចុប្បន្ន”

មិន​មែន​ការ “ឈប់​ធ្វើ” រឿង​ដែល​សំខាន់

ប៉ុន្តែ​​គឺ​ការ “ឈប់​កើត​ទុក្ខ” ជាមួយ​រឿង​ដែល​មិន​សំខាន់

៣. អារម្មណ៍ “អវិជ្ជមាន” គ្រប់​ប្រភេទ

នឹង​ធ្វើ​បាប​ខ្លួន​​យើង មុន​នឹង​ធ្វើ​បាប​អ្នក​ដទៃ​ជានិច្ច

ចំណែក​អារម្មណ៍ “វិជ្ជមាន” គ្រប់​ប្រភេទ

នឹង​ធ្វើ​ឲ្យ​​ពរ​ជ័យ​យើង មុន​នឹង​ឲ្យ​ពរជ័យ​អ្នក​ដទៃ​ជានិច្ច​ដូច​គ្នា

៤. រិះគន់​អ្នក​ដទៃ​រាល់​ថ្ងៃ ចិត្ត​គំនិត​យើង​នឹង​កាន់​តែ​អន់​ថយ

ពិនិត្យ​​កែ​កុន​ខ្លួន​ឯង​រាល់​ថ្ងៃ ចិត្ត​គំនិត​យើង​នឹង​ចម្រើន​ឡើង​រាល់​ថ្ងៃ

៥. បើ​គ្មាន​អ្នក​ណា​ធ្វើ​ឲ្យ​អ្នក​ខឹង

... អ្នក​នឹង​មិន​ដឹង​ឡើយ​ថា​ចិត្ត​អ្នក​ធ្ងន់​កម្រិត​ណា

បើ​គ្មាន​អ្នក​ណា​ធ្វើ​ឲ្យ​អ្នក​កើត​ទុក្ខ

... អ្នក​នឹង​មិន​ដឹង​ឡើយ​ថា​ខ្លួន​ឯង​មាន​អ្វី​ត្រូវ​អភិវឌ្ឍ

៦. ទោះបី “ខាង​ក្រៅ” យើង​នៅ​ជាមួយ​មនុស្ស​ច្រើន​ប៉ុណ្ណា

ប៉ុន្តែ “ខាង​ក្នុង” យើង​ក៏​នៅ​តែ​ម្នាក់​ឯង

ដូច្នេះ​សូម​ស្វែង​រក​វិធី “ស្រឡាញ់​ខ្លួន​ឯង” ឲ្យ​បាន

ព្រោះ​គ្មាន​នរណា​លើ​លោក​នេះ​អាច​នៅ​ជាមួយ​អ្នក​បាន​​គ្រប់​ពេល

ដូច​អ្នក​នៅ​ជាមួយ “ខ្លួន​ឯង” នោះ​ទេ

៧. ការ​ដុសខាត់​ចិត្ត​គំនិត និង​អភិវឌ្ឍ​ខ្លួន​ឯង

អាច​មិន​បាន​ធ្វើ​ឲ្យ​យើង “ឆ្លង​ផុត​ទុក្ខ​បាន​គ្រប់​ពេល”

ប៉ុន្តែ​វា​នឹង​ធ្វើ​ឲ្យ​យើង “មាន​ទុក្ខ ឬ​កើត​ទុក្ខ​កាន់​តែ​តិច”

៨. ការ “លាង​កម្ម” ដែល​ល្អ​បំផុត

គឺ​ការ​កែប្រែ “ការ​គិត” , “ការ​និយាយ​ស្ដី”

និង “ទង្វើ” របស់​ខ្លួន​ឯង

៩. អំពើ​ល្អ​តូច​ៗ ដែល​ធ្វើ​រយៈ​ពេល​យូរ​ៗ

នៅ​ចុង​ក្រោយ​នឹង​អាច​បង្កើត “អព្ភូតហេតុ” ឲ្យ​ជីវិត​

១០. “ទៅ” បាន​លឿន​ប៉ុណ្ណា នឹង “ដល់” បាន​លឿន​ប៉ុន​នោះ

“ខន្តី” បាន​លឿន​ប៉ុណ្ណា ក៏​ “សុខ​” បាន​លឿន​ដូច​គ្នា

១១. ចូរ​ចាំ​ទុក​ថា “ក្ដី​ទុក្ខ” និង “ការ​ឈឺ​ចាប់” ទាំង​ពួង

មិន​បាន​ចូល​មក​ក្នុង​ជីវិត​យើង ដើម្បី​ផ្ដល់ “បណ្ដាសា” ទេ

ប៉ុន្តែ​វា​បាន​ចូល​មក​ក្នុង​ជីវិត​យើង ដើម្បី​ផ្ដល់ “មេរៀន”

១២. ជំហាន​ដំបូង​នៃ​ការ​ចាប់​ផ្ដើម​ជីវិត​របស់ “មនុស្ស​ភ្ញាក់​ខ្លួន”

គឺ​ការ​ឈប់​រវល់​ខ្វល់ខ្វាយ​រឿង “អ្នក​ដទៃ”

ហើយ​ងាក​មក​​វិភាគ​ចិត្ត​គំនិត “ខ្លួន​ឯង”

១៣. ក្ដី​ទុក្ខ​ក្នុង​ជីវិត មិន​មែន​កើត​ឡើង​ដោយ​សារ

“អ្វី​ដែល​អ្នក​ដទៃ​គិត​ចំពោះ​អ្នក​”

ប៉ុន្តែ​វា​កើត​មក​ពី

“អ្វី​ដែល​អ្នក​គិត ថា​អ្នក​ដទៃ​គិត​​ចំពោះ​អ្នក”

១៤. ត្រូវ​អរគុណ​មនុស្ស​ដែល​ធ្វើ​ “មិន​ល្អ”

ដែល​បាន​ជួយ​ផ្ដល់​ជា​ឧទាហរណ៍ “ល្អ”

ថា​អ្វី​ដែល​យើង “មិន​គួរ​ធ្វើ”

១៥. មិន​ថា​ក្ដី​ទុក្ខ​ធ្ងន់ធ្ងរ​ប៉ុណ្ណា

ដំណោះស្រាយ​ក៏​មិន​ដែល​នៅ​ឆ្ងាយ​អី​ជាង “ចិត្ត” របស់​យើង​ខ្លួន​​ឯង​ដែរ

១៦. ស្អប់​គេ “យើង​ទុក្ខ”

មេត្តា​គេ “យើង​សុខ”

១៧. “ការ​ស្លាប់” ជា​រឿង​ធម្មតា

ប៉ុន្តែ​ការ​បាន​​រស់​នៅ​យ៉ាង​មាន​តម្លៃ

គឺ​ជា​រឿង “មហស្ចារ្យ”

១៨. សូម​សង្កេត​មើល​ឲ្យ​ល្អ ថា​អ្វី​ដែល​ធ្វើ​ឲ្យ​យើង​កើត​ទុក្ខ

ញឹក​បំផុត​ក្នុង​មួយ​ថ្ងៃ​ៗ

នោះ​មិនមែន “ទង្វើ​” របស់​អ្នក​ដទៃ

ប៉ុន្តែ​គឺ “ការ​គិត” របស់​យើង​ខ្លួន​ឯង

១៩. បើ​អ្នក​គិត​ថា ខ្លួន​ឯង​មាន​តម្លៃ​ព្រោះ “លុយ”

នៅ​ថ្ងៃ​ណា​មួយ​ដែល​លែង​មាន​លុយ តម្លៃ​របស់​អ្នក​ក៏​អស់

បើ​អ្នក​គិត​ថា​ខ្លួន​ឯង​មាន​តម្លៃ​ព្រោះ “មុខមាត់” ស្អាត

ថ្ងៃ​ណា​ដែល​អ្នក​ចាស់​រហូត​មុខ​មាត់​លែង​ស្អាត តម្លៃ​របស់​អ្នក​ក៏​អស់

តែ​ដរាប​ណា​អ្នក​ដឹង​ថា​ខ្លួន​មាន​តម្លៃ​ ព្រោះ​​ជា “មនុស្ស​ល្អ”

ដរាប​ណា​អ្នក​នៅ​មាន “អំពើ​ល្អ”

ជីវិត​អ្នក​នឹង “មាន​តម្លៃ” ជា​រៀង​រហូត ៕

ប្រភព៖ rugyim ប្រែ​សម្រួល៖ ស្វាយ វ៉ាន់ថន