ឈប់ចាំប្រុសម្នាក់នោះតទៀតទៅ បើគេគ្មានសូម្បីសញ្ញា ៥ យ៉ាងនេះ
- 2018-01-05 08:09:46
- ចំនួនមតិ 0 | ចំនួនចែករំលែក 0
ឈប់ចាំប្រុសម្នាក់នោះតទៀតទៅ បើគេគ្មានសូម្បីសញ្ញា ៥ យ៉ាងនេះ
មនុស្សស្រីត្រូវចាំថា ការរង់ចាំបុរសយូរពេក ទាំងគ្មានដំណឹង ឬសញ្ញាណាមួយបង្ហាញថា គេនឹងជ្រើសរើសយកអ្នកជាគូអនាគត មិនល្អសម្រាប់ខ្លួនឯងឡើយ។ ដូចនេះគួរតែឈប់ចាំប្រុសម្នាក់នោះតទៀតទៅ បើគេគ្មានសូម្បីសញ្ញា ៥ យ៉ាងនេះ៖
១.គេមិនប្រាប់ឲ្យចាំ៖ បើសូម្បីពាក្យប៉ុន្មានម៉ាត់ឲ្យរង់ចាំ ក៏គេមិននិយាយផងនោះ ពិចារណាខ្លួនឯងទៅថាគួរឲ្យអនាគតខកព្រោះតែបុរសម្នាក់នោះទៀត ឬយ៉ាងណា? សម្ដីប៉ុណ្ណេះមិនធ្ងន់ធ្ងរ ឬខូចខាតអ្វីដល់ខាងប្រុសឡើយ តែបើគេមិននិយាយហើយមែនន័យថាគេមិនមានគម្រោងយកអ្នកជាភរិយា។
២.ផ្ញើសារ៖ ក្រែងថាមិនបានជួបមុខ ទើបមិនបានទុកពាក្យឲ្យរង់ចាំ ចុះសម័យនេះទៅហើយផ្ញើសារតាម Facebook ក៏បាន តាមលេខទូរស័ព្ទក៏បាន Line … និងវិធីផ្សេងៗទៀតជាច្រើន តែគេបែរជាមិនធ្វើ។ សញ្ញាបែបនេះប្រាកដណាស់ថា គេមិនបានចាត់ទុកអ្នកជាសំខាន់។
៣.ចាកចេញមិនប្រាប់៖ សូម្បីតែការចាកចេញទៅណាផ្សេងក៏គេមិនបានប្រាប់ ព្រោះគេមិនដែលខ្វល់ពីអារម្មណ៍ និងការឈឺចាប់របស់អ្នក។ មួយវិញទៀតគេអាចនឹងគិតថា រឿងនេះមិនសំខាន់នឹងប្រាប់អ្នក។
៤.ដឹងដំណឹងផ្សេងៗរបស់គាត់ តាមអ្នកដទៃ៖ ប្រសិនបើគេពិតជាគិតថាអ្នកជាចំណែកក្នុងជីវិតគេមែន ទៅណាមកណា មានអ្វីថ្មីក៏គេប្រាប់ដែរ។ តែនេះរឿងអ្វីទាំងអស់របស់គេ អ្នកបែរជាដឹងត្រឹមអ្នកដទៃមកវិញតែប៉ុណ្ណោះ។
៥.អ្នកស្ថិតនៅក្នុងភាពស្រពិចស្រពិល៖ ជាសង្សារនឹងគ្នា ឬជាមិត្តក៏អ្នកមិនដឹង បានត្រឹមតែស្រលាញ់ និងរង់ចាំគេតែម្នាក់ឯង។ ចំណែកឯគេវិញព្យាយាមធ្វើសព្វគ្រប់បែបយ៉ាង ដើម្បីបញ្ជាក់ប្រាប់អ្នកដទៃថា អ្នកមិនជាអ្វីមិនគេទេ។
បើអ្នកកំពុងស្ថិតក្នុងដំណាក់កាលទាំង ៥ នេះបញ្ឈប់ការរង់ចាំគេទៀតទៅ ព្រោះមិនច្បាស់ថាពេលគេត្រឡប់មកវិញ គេនឹងជ្រើសរើសយកអ្នកឡើយ។ ស្វែងរកគោលដៅ និងមនុស្សដែលស្រលាញ់អ្នក ហើយអ្នកក៏ស្រលាញ់គេវិញចុះ៕
ចុចអាន៖ជ្រុលជាបែកគ្នាហើយ កុំធ្វើរឿងទាំង ៩ នេះទៀតអី