វិធីសាស្ត្រសាមញ្ញៗ១១យ៉ាងធ្វើឲ្យថ្នាក់ដឹកនាំរបស់អ្នកស្រឡាញ់ និងទុកចិត្តអ្នកខ្លាំង
- 2017-12-17 03:03:15
- ចំនួនមតិ 0 | ចំនួនចែករំលែក 0
វិធីសាស្ត្រសាមញ្ញៗ១១យ៉ាងធ្វើឲ្យថ្នាក់ដឹកនាំរបស់អ្នកស្រឡាញ់ និងទុកចិត្តអ្នកខ្លាំង
អត្តចរិត របៀបធ្វើការ របស់អ្នកគ្រប់គ្រងម្នាក់ៗ ខុសគ្នាពីកន្លែងធ្វើការមួយទៅកន្លែងមួយ។ ការខិតខំធ្វើការឲ្យអស់ពីសមត្ថភាពគឺជារឿងចាំបាច់ដែលធ្វើឲ្យអ្នកទទួលបានជោគជ័យក្នុងការងារ ក៏ដូចជាក្លាយជាបុគ្គលិកឆ្នើម ជាទីពេញចិត្តរបស់មិត្តរួមការងារ ព្រមទាំងថ្នាក់គ្រប់គ្រងរបស់អ្នក។ ដើម្បីជាគន្លឹះបន្ថែមទៀត ខាងក្រោមនេះជាវិធីសាស្រ្តសាមញ្ញៗ១១ចំនុច ប្រសិនបើអ្នកអាចអនុវត្តបានជាប្រចាំ ធានាអ្នកប្រាកដជាក្លាយជាបុគ្គលជំនិត ជាទីស្រឡាញ់ និងទុកចិត្តរបស់មេរបស់អ្នកជាមិនខាន៖
១. ព្យាយាមដោះស្រាយបញ្ហាដោយខ្លួនឯង
ពេលជួបបញ្ហាអ្នកត្រូវព្យាយាមដោះស្រាយដោយខ្លួនឯងឲ្យអ្នកពីសមត្ថភាព តាមតែអាចទៅរួច។ បង្ហាញមេរបស់អ្នកពីភាពខ្លាំង ឆ្លាតវៃក្នុងការដោះស្រាយបញ្ហារបស់អ្នក។ ក្នុងអង្គប្រជុំលើកយកតែបញ្ហាធំៗ ដែលពិបាកខ្លាំងមកនិយាយបានហើយ។
**២. ផ្តល់គុណតម្លៃរបស់អ្នកចំពោះក្រុមហ៊ុន**
សួរខ្លួនឯងថា តើសព្វថ្ងៃអ្នកបានផ្តល់អ្វីខ្លះដល់ក្រុមហ៊ុន? តំណែងធំ ប្រាក់ខែច្រើន ក្រុមហ៊ុនមិនខ្លាចនឹងផ្ដល់ឲ្យអ្នកទេ ប្រសិនអ្នកពិតជាមានសមត្ថភាពខ្លាំង អាចផ្តល់ប្រយោជន៍ឲ្យក្រុមហ៊ុនច្រើន។ ដូច្នេះបង្ហាញពីភាពសំខាន់ និងសក្ដានុពលរបស់អ្នកលើការងារឲ្យរឹតតែខ្លាំង។
៣. កែប្រែរបៀបទំនាក់ទំនងឲ្យត្រូវជាមួយមេរបស់អ្នក
ការងារមួយផ្នែករបស់អ្នកគឺជួយសម្រួលការងារថ្នាក់លើរបស់អ្នក ដូច្នេះអ្នកក៏ត្រូវដឹងថាតើមេកើយរបស់អ្នកចូលចិត្តវិធីទំនាក់ទំនងបែបណា តាមរយៈអ៊ីមែល ឬក៏ជួបនិយាយផ្ទាល់? ប្រសិនបើមធ្យោបាយអ្នកខុសពីគាត់ អ្នកត្រូវកែប្រែ ឬសម្របសម្រួលតាមតែអាចធ្វើទៅបាន។
៤. សុំដំបូន្មាន
កុំខ្លាចក្នុងការសុំដំបូន្មានល្អៗពីមេរបស់អ្នក។ វាជួយឲ្យអ្នកដឹងថាអ្នកខ្វះខាតចំនុចណាខ្លះ ហើយតើអ្នកត្រូវការចំនុចបន្ថែមអ្វីខ្លះ ដើម្បីទៅដល់ការរំពឹងរបស់គាត់។ វាក៏ជួយឲ្យទំនាក់ទំនងអ្នក និងគាត់មានភាពស្និទ្ធស្នាល ក្នុងភាពជាដៃគូផងដែរ។
៥. ទៅធ្វើការលឿន
ការស្រាវជ្រាវបង្ហាញឲ្យឃើញថាបុគ្គលិកដែលទៅធ្វើការលឿន មុនគេ តែងតែទទួលបានការវាយតម្លៃល្អពីថ្នាក់លើ។ ទោះបីជាអ្នកចេញពីធ្វើការរហ័សជាងបុគ្គលិកផ្សេងទៀតក៏ដោយ ក៏អ្នកក្លាយជាមនុស្សដែលទាញបានចំណាប់អារម្មណ៍ល្អក្នុងពេលព្រឹកពីមេរបស់អ្នករាល់ថ្ងៃដែរ។
៦. ទៅដល់អ្វីដែលថ្នាក់លើ ចង់បាន
អ្នកត្រូវរៀនដឹងពីអ្វីដែលថ្នាក់លើរបស់អ្នកចង់បាន ហើយត្រូវប្ដេជ្ញាធ្វើឲ្យបានសម្រេច ដើម្បីផ្គាប់ចិត្តរបស់គាត់។ ថ្នាក់លើផ្សេងគ្នាយកចិត្តទុកដាក់រឿងផ្សេងគ្នា ដូច្នេះអ្នកត្រូវឆ្លាតក្នុងការសង្កេត។ បើមេរបស់អ្នកមិនខ្វល់ពីការយឺតយ៉ាវ តែសង្កត់ធ្ងន់លើលទ្ធផល អ្នកក៏ត្រូវតម្រូវតាមនោះដែរ។
៧. កំណត់គោលដៅដែលពិបាក
អ្នកខ្លះគិតថាគោលដៅធំពេល មិនអាចទៅរួច គឺជារឿងឥតប្រយោជន៍ ប៉ុន្តែបើអ្នកមានចិត្តតស៊ូ ជំនះ ធ្វើវាឲ្យបានសម្រេច អ្នកប្រាកដជាក្លាយជាបុគ្គលិកលេចធ្លោ ក្នុងភ្នែកមេរបស់អ្នកជាមិនខាន។ ៨. យកចិត្តទុកដាក់លើរឿងតូចៗ យ៉ាងលំអិត
មិនមែនតំណែងធំ ត្រូវមើលតែរឿងធំៗទេ ព្រោះពេលខ្លះរឿងតូចតាចក៏អាចបង្កឲ្យមានបញ្ហាធំបានដែរ។ ដូច្នេះបើអ្នកជាបុគ្គលិកដែលអាចសង្កេត និងចាប់អារម្មណ៍កិច្ចការជុំវិញយ៉ាងលំអិត មេណាដែលថាមិនស្រឡាញ់នោះ។
៩. និយាយពាក្យ “អគុណ”
ផ្ដល់ភាពដឹងគុណ ចំពោះរាល់ការណែនាំ បង្រៀន របស់ថ្នាក់លើអ្នក ដោយឧស្សាហ៍និយាយពាក្យ “អគុណ” ទៅកាន់គាត់។ ថ្វីត្បិតតែពាក្យនេះជាពាក្យគួរសមធម្មតា តែវាជួយឲ្យអ្នកក្លាយជាមនុស្សកតញ្ញូ និងសុភាពរាបសាក្នុងភ្នែករបស់គាត់។
១០. ឈប់សម្រាកលំហែអារម្មណ៍
ការវក់ធ្វើការខ្លាំង ដោយលែងខ្វល់ខ្វាយពីសុខភាព ឬសេចក្តីសុខផ្ទាល់ខ្លួនមិនបានធ្វើឲ្យអ្នកជោគជ័យនោះទេ។ ការលំហែអារម្មណ៍គ្រប់គ្រាន់ ជួយឲ្យអ្នកស្រស់ថ្លា មានគំនិតច្នៃប្រឌិតថ្មីៗល្អៗ សម្រាប់យកមកដោះស្រាយបញ្ហានៅពេលត្រឡប់មកវិញ។
១១. ហ៊ាននិយាយ
ក្លាហានក្នុងការនិយាយ ឬបញ្ចេញយោបល់ជាមួយមិត្តរួមការងារ ឬក្នុងអង្គប្រជុំ។ ទោះបីគំនិតអ្នកល្អ ឬមិនល្អក៏ដោយ វាបានបង្ហាញឲ្យឃើញថាអ្នកជាមនុស្សមានឆន្ទៈក្នុងការធ្វើការជាក្រុម ព្រមទាំងបង្ហាញឲ្យមេរបស់អ្នកស្គាល់អ្នករឹតតែច្បាស់។