អ្នកនឹងមានអារម្មណ៍ថានឹកខ្ញុំ នៅពេលដែលខ្ញុំចាកចេញ
- 2017-12-13 05:46:00
- ចំនួនមតិ 0 | ចំនួនចែករំលែក 0
អ្នកនឹងមានអារម្មណ៍ថានឹកខ្ញុំ នៅពេលដែលខ្ញុំចាកចេញ
ប្រហែលពេលនេះអ្នកអាចនឹងធុញខ្ញុំ មិនចង់ឃើញមុខខ្ញុំ រឹតតែមិនចង់ឲ្យខ្ញុំពាក់ព័ន្ធក្នុងជីវិតអ្នកទៀត ប៉ុន្តែ.....
នៅពេលដែលអ្នកបើកភ្នែកឡើងក្នុងថ្ងៃថ្មី អ្នកនឹងមិនបានឃើញសារដែលខ្ញុំផ្ញើទៅ អ្នកនឹងមិនបានឭសំឡេងដែលខ្ញុំហៅអ្នក រឹតតែមិនអាចធុំក្លិនទឹកអប់ដែលខ្ញុំបាញ់រាល់ថ្ងៃពេលខ្ញុំទៅជួបអ្នក។
ត្រូវចាំថា.....
ដៃមនុស្សស្រីដ៏ទន់ម្នាក់ដែលធ្លាប់តែចាប់ដៃអ្នកពេលអ្នកអស់កម្លាំងបំផុត មាត់មនុស្សស្រីម្នាក់ដែលធ្លាប់តែថើបអ្នកពេលដែលអ្នកទប់ខ្សោយបំផុតនឹងលែងមានទៀតហើយ។ អ្វីគ្រប់យ៉ាងនឹងប្រែប្រួល ពីព្រោះវានៅសល់តែស្រមោលក្នុងបេះដូងអ្នកប៉ុណ្ណោះ។
បោះជំហានទៅមុខបន្តដំណើរអ្នកទៀតចុះ ប៉ុន្តែ …...
អ្នកត្រូវលុបខ្ញុំចេញពីជីវិតអ្នកឲ្យបាន
អ្នកត្រូវបំភ្លេចការចងចាំរបស់ខ្ញុំចំពោះអ្នកឲ្យបាន
តែខ្ញុំជឿថាអ្នកមិនអាចនោះទេ ព្រោះអ្នកនឹងនឹកខ្ញុំ អ្នកនឹងនឹកឃើញស្នាមញញឹមដ៏ស្រស់ស្អាតរបស់ខ្ញុំដែលធ្លាប់តែញញឹមទៅកាន់អ្នក។
អ្នកនឹងនឹកសំឡេងដ៏ស្រទន់របស់ខ្ញុំពេលខ្ញុំនិយាយទៅកាន់អ្នក ហើយអ្នកនឹងនឹកខ្ញុំខ្លាំងពេលដែលគ្មានខ្ញុំក្នុងជីវិតអ្នក។
កុំប្រាប់ខ្ញុំថាអ្នក «ស្ដាយក្រោយ» អីពេលខ្ញុំបានឈានជើងដើរចេញនោះ វាយឺតពេលហើយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
