៥វិធីសាស្ត្រជួយពន្លឿនដល់ការចងចាំ និងរៀនឆាប់ចេះ
- 2017-12-06 07:52:09
- ចំនួនមតិ 0 | ចំនួនចែករំលែក 0
៥វិធីសាស្ត្រជួយពន្លឿនដល់ការចងចាំ និងរៀនឆាប់ចេះ
ដើម្បីក្លាយជាសិស្សឆ្នើមគឺមិនមែនជារឿងងាយស្រួលនោះទេ។ វាទាមទារការខិតខំប្រឹងប្រែង និងឧស្សាហ៍ព្យាយាមពីខ្លួនអ្នក។ ប៉ុន្តែចំពោះសិស្សខ្លះវិញទោះខិតខំយ៉ាងណាក៏លទ្ធផលនៃការសិក្សាពុំបានដូចចិត្តឡើយ។ ព្រោះការខិតខំរបស់គេខ្វះតិចនិកទើបបានជាមិនសូវបានផលយ៉ាងដូចនេះ។ដោយសារតែដូច្នេះហើយទើបកញ្ញាសូមបង្ហាញវិធីសាស្ត្រខ្លះៗ ដែលអាចជួយឲ្យអ្នករៀនឆាប់ចាំនិងឆាប់ចេះហើយសម្រេចក្ដីស្រមៃក្លាយជាសិស្សឆ្នើមប្រចាំថ្នាក់បាន។
១. កត់ត្រាដោយសរសេរនឹងដៃ
សម័យនេះបច្ចេកវិទ្យាទំនើបដូច្នេះការប្រើណូតក្នុងកុំព្យូទ័រដើម្បីកត់ត្រាគឺមានការពេញនិយម។ ព្រោះការវាយកុំព្យូទ័រវាលឿនជាងអក្សរបានស្អាតជាង។ តែយោងតាមការស្រាវជ្រាវបានបង្ហាញឲ្យឃើញថា ការកត់ត្រាដោយប្រើប៊ិចនិងក្រដាសជួយឲ្យការចងចាំបានល្អជាង។ ព្រោះពេលអ្នកកំពុងវាយលើក្ដារកុំព្យូទ័រ គឺអ្នកមិនបានផ្ដោតលើការគិតទេ តែអ្នកបានគិតហើយចងចាំពេលអ្នកកត់ក្នុងក្រដាស។
២. គេងសិនសឹមរៀនទៀត
គេងឬសម្រាកបានគ្រប់គ្រាន់គឺដើរទន្ទឹមគ្នា ប៉ុន្តែមានរបៀបគេងនិងរៀនដែលជួយឲ្យការចងចាំបានល្អ។ អ្នកគួររៀនពី ល្ងាចដល់ព្រលប់បន្តិច ចូលគេងឲ្យឆ្អែត ព្រឹកឡើងសឹមរៀនទៀត។ ការសិក្សាបានបង្ហាញទៀតថា សិស្សដែលធ្វើបែបនេះឆាប់ចងចាំមេរៀន និងប្រលងបានល្អជាងសិស្ស ដែលប្រឹងរៀនទាំងយប់ទាំងថ្ងៃពេក។
៣. ច្នៃមេរៀនឲ្យងាយស្រួលចាំ
យកមេរៀនធ្វើដូចចម្រៀង ឬបង្កើតជារឿងរ៉ាវ អ្វីមួយដែលអ្នកងាយស្រួលចាំ។ ឧទាហរណ៍ ថ្ងៃទាំង៧ជាភាសាអង់គ្លេសគួរទន្ទិញតែអក្សរផ្ដើម ដូចជា MTWThFSaSu អីជាដើម។
៤. ចេញក្រៅស្រូបយកខ្យល់
ពេលទន្ទិញមេរៀនច្រើនម៉ោងពេកវាពិតជាគ្មានជួយឲ្យអ្នកចាំបានទាំងអស់ទេ តែផ្ទុយទៅវិញវាធ្វើឲ្យអ្នករៀនលេងចូលទៀតតែម្ដង។ ដូចច្នេះដើម្បីកាត់បន្ថយភាពតានតឹងអ្នកគួរតែដើរទៅក្រៅស្រូបយកខ្យល់អាកាស១៥ នាទីសឹមមករៀនបន្ត។ ធ្វើដូចនេះអ្នកនឹងចងចាំបានកាន់តែប្រសើរ។
៥. ទន្ទិញមេរៀនលឺៗ
ការទន្ទិញមេរៀនឲ្យលឺជួយពញ្ញាក់ អង្គចងចាំរបស់ ខួរក្បាលដែលធ្វើឲ្យចាំមិនភ្លេច ផ្ទុយពីការទន្ទេញខ្សឹបក្នុងចិត្ត អ្នកនឹងចាំរយៈពេលខ្លីប៉ុណ្ណោះ។