បន្ថយអាការឈឺធ្មេញដោយគ្រឿងផ្សំងាយៗអាចរកនៅផ្ទះបាន

2017-12-01 09:30:00
ចំនួនមតិ 0 | ចំនួនចែករំលែក 0

ដង្កូវស៊ីធ្មេញ ពុកធ្មេញ ហើមអញ្ចាញធ្មេញ និងរាក់ស៊ីធ្មេញអីជាដើមសុទ្ធតែបណ្ដាលឲ្យមានអាការ ឈឺហើមនៅត្រង់បរិវេណដែលឈឺនោះ។ ជាទូរទៅគេអាចប្រើថ្នាំកាត់បន្ថយភាពឈឺចាប់ តែបើឈឺយូរថ្ងៃមិនបាត់ គួរតែសាកវិធីបន្ថយភាពឈឺចាប់ធម្មជាតិវិញ ព្រោះប្រើថ្នាំច្រើនអាចប៉ះពាល់ដល់សុខភាព។ អ្នកអាចយកគ្រឿងផ្សំងាយៗដែលមាននៅក្នុងផ្ទះស្រាប់ដូចជា៖

១.ខ្ពុរទឹកអំបិល

ការខ្ពុរទឹកអំបិលមានប្រសិទ្ធភាពខ្ពស់ក្នុងការបន្ថយអាការឈឺធ្មេញ ឬហើមអញ្ចាញ។ ព្រោះជាតិប្រៃចូលទៅសម្លាប់មេរោគ និងជួយឲ្យស្ពឹកនៅម្ដុំកន្លែងឈឺ។ វិធីធ្វើ គឺដាក់អំបិល១ស្លាបព្រាបាយក្នុងទឹកកន្លះកែវរួចកូរឲ្យសព្វ សឹមខ្ពុរ ឬ បៀមទុក៥នាទី សឹមខ្ជាក់ចេញ។ អាចធ្វើបានគ្រប់ពេលដែលឈឺធ្មេញ។

២. ស្អំទឹកកក

រូបតំណាង

ស្អំទឹកកកអាចបន្ថយភាពឈឺចាប់គ្រប់កន្លែង និងគ្រប់របួសដូចជាវះកាត់ ឬ ឈឺពោះអីជាដើម ។ សម្រាប់អាការឈឺធ្មេញទឹកកកក៏អាចជួយបន្ថយការឈឺចាប់យ៉ាងមានប្រសិទ្ធភាពបានដូចគ្នា។

៣. ខ្ទឹមស

ខ្ទឹមសត្រូវបានប្រជាជនលោកខាងលិចទទួលស្គាល់រាប់ពាន់ឆ្នាំមកហើយថា អាចយកជាថ្នាំកាត់បន្ថយការឈឺចាប់។ វិធីប្រើដោយចិញ្ច្រាំខ្ទឹម ២-៣ កំពឹស លាយជាមួយអំបិលបន្តិចយកទៅដាក់នៅត្រង់កន្លែងឈឺរួចទុកចោល៣០នាទីចាំខ្ពុរមាត់។

៤. ស្លឹកត្របែក

ស្លឹកត្របែកមានសារជាតិប្រឆាំងការរលាកដែលជួយព្យាបាលរបួសឲ្យឆាប់ជា។ វាក៏អាចប្រើសម្រាប់ជំងឺមាត់ធ្មេញបានដែរ។ វិធីប្រើគឺគ្រាន់តែយកស្លឹកត្របែក បុកឲ្យមត់រួចដាក់ក្នុងទឹកក្ដៅដាំពុះ។ ពេលណាឈឺធ្មេញគ្រាន់តែយកទឹកស្លឹកត្របែកមកខ្ពុរ នឹងបានធូរស្រាលឡើងវិញហើយ។

៥. ប្រេងស្លឹកធីម

រូបតំណាង

ធីមជាគ្រឿងចំណាំដាក់រោយលើនំភីហ្សាដើម្បីឲ្យមានរសជាតិកាន់តែឈ្ងុយ។ ធីមមានសារជាតិប្រឆាំងនឹងបាក់តេរី ថែមទាំងមានប្រសិទ្ធភាពអាចកាត់បន្ថយអាការឈឺធ្មេញបានទៀតផង។ដោយគ្រាន់តែយកប្រេងស្លឹកធីមមកលាយជាមួយទឹក ហើយយកសំឡីផ្ដិតលាបត្រង់បរិវេណដែលឈឺនិងបាត់ជាមិនខាន។៕

ចុចអាន៖រឿង ៦យ៉ាងដែលអ្នកមិនគួរធ្វើពេលដែលក្រពះនៅទទេស្អាតឡើយ

ប្រភព៖ healthline ប្រែសម្រួល៖ Pencharm