សិរីសួស្ដី៥យ៉ាងដែលគួរធ្វើនៅពេលព្រឹកដើម្បីនាំលាភសំណាង
- 2017-11-28 03:16:47
- ចំនួនមតិ 0 | ចំនួនចែករំលែក 0
សិរីសួស្ដី៥យ៉ាងដែលគួរធ្វើនៅពេលព្រឹកដើម្បីនាំលាភសំណាង
សេរីសួស្ដីនៅពេលព្រឹកគឺសំខាន់ខ្លាំងណាស់ ព្រោះវាជាការចាប់ផ្ដើមដំបូងនៃសេរីសួស្ដីពេញមួយថ្ងៃ ទៅមួយខែហើយដល់មួយឆ្នាំ។ ការចាប់ផ្ដើមពេលព្រឹកដើម្បីឲ្យមានសេរីសួស្ដីគឺ មិនពិបាកឡើយ ដោយអនុវត្តន៍ទង្វើទាំង ៥ យ៉ាងនេះនឹងទទួលបានសំណាងល្អពេញមួយថ្ងៃជាក់ជាមិនខាន។
១. ភ្ញាក់ពីព្រលឹមងូតទឹកសម្អាតខ្លួនបាញ់ទឹកអប់ឲ្យក្រអូប
ដូចពាក្យទូន្មានបានពោលថា ចាបដែលហើរចេញរកចំណីមុនគេ នឹងតែងតែចាប់ដង្កូវបានច្រើនជាងគេ។ ការភ្ញាក់ពីព្រលឹមធ្វើឲ្យអ្នកស្វាហាប់និងពោរពេញដោយថាមពល ហើយការងូតទឹកសម្អាតខ្លួនទៀតសោត ជួយជម្រះនូវឧបទ្រពចង្រៃទាំងឡាយឲ្យហូរទៅតាមទឹក ហើយធ្វើឲ្យអារម្មណ៍ស្រស់ស្រាយ។ ពេលអារម្មណ៍ស្រស់ស្រាយគំនិតស្រស់ថ្លា ប្រកបការអ្វីក៏សមតាមបំណងដែរ។
២. បង្វែរគំនិតឲ្យទៅជាវិជ្ជមាន
វាមិនពិបាកធ្វើទេ ព្រោះកាលណាយើងបានងូតទឹកស្រស់ស្រាយហើយគឺគំនិតវិជ្ជមាននេះនឹងផុសចេញមកឯងៗ។ ការមានផ្នត់គំនិតវិជ្ជមានជួយឲ្យការធ្វើការបានល្អ ដូច្នេះហើយសំណាងគឺវាមកតាមក្រោយហើយ។
៣. ស្លៀកពាក់ខោអាវត្រូវតាមថ្ងៃ
នេះជាជំនឿរបស់ដូនតាខ្មែរយើងតាំងពីយូរលង់ណាស់មកហើយ ថាការស្លៀកសំលៀកបំពាក់ឲ្យសាកសមទៅតាមថ្ងៃ គឺជួយឲ្យមានរាសីខ្ពស់ ហើយលាភសំណាងនិងចូលមកតាមនោះដែរ។ ជឿឬមិនជឿវាអាស្រ័យលើអ្នក ប៉ុន្តែបើជឿក៏វាមិនខាតបង់អ្វីដែរ ព្រោះយើងគ្រាន់តែជ្រើសពណ៌អាវឲ្យសមស្របតាមថ្ងៃប៉ុណ្ណោះ។
៤. និយាយអរុណសួស្ដីទៅអ្នកផង
ប្រជាជនយើងភាគច្រើនមិនសូវនិយាយពាក្យហ្នឹងទៅកាន់គ្នាទេ។ ដូចជាភាគច្រើនបើទៅធ្វើការគឺទៅដល់ធ្វើការយកតែម្ដងដោយមិនខ្វល់ខ្វាយពីអ្នកណាទេ ដោយគិតថាទោះនិយាយក៏គេធ្វើមិនដឹងដែរ។ តែសូមកុំគិតដូច្នេះ ពេលយើងនិយាយពាក្យនេះទៅកាន់គេ គឺធ្វើឲ្យយើងមានអារម្មណ៍ល្អ ហើយគេនោះប្រហែលជាមិនឆ្លើយតប តែគេបានចាំក្នុងចិត្តហើយថាអ្នកជាមនុស្សរួសរាយ គួរឲ្យស្រលាញ់។ ថ្ងៃក្រោយៗទៀតគេនឹងនិយាយតបវិញ។ លាភដែលបានពីការនិយាយអរុណសួស្ដីនេះ គឺមានគេស្រលាញ់រាប់អានច្រើន។
៥. សម្អាតកន្លែងរកស៊ីឬធ្វើការ
រាល់ព្រឹកត្រូវចេះសម្អាតកន្លែងប្រកបអាជីវកម្មឬ កន្លែងការងារឲ្យបានស្អាតបាតដូចជាបោសជូតតុកៅអី និងស្រោចទឹកបន្ទាលអីជាដើម។ព្រោះវាធ្វើឲ្យមានសេរីសួស្ដី និងនាំសំណាងពេញមួយថ្ងៃ។
https://www.thebalance.com/improve-your-luck-8-ways-to-attract-good-luck-880886