ផ្លាស់ប្ដូរខ្លួនឯងឲ្យក្លាយជានារីដ៏ទាក់ទាញម្នាក់តាមវិធីទាំងនេះ

2017-11-23 06:48:32
ចំនួនមតិ 0 | ចំនួនចែករំលែក 0

អ្នកណាក៏ឲ្យខ្លួនឯងមានភាពទាក់ទាញដែរ តែពេលខ្លះចរិតមកពីកំណើត មិនសូវចេះនិយាយស្ដី ឬនិយាយទៅមិនសូវមានគេចាប់អារម្មណ៍ដែលពិបាកនឹងកែ។ បើសិនជាអ្នកចង់ផ្លាស់ប្ដូរខ្លួនឯងឲ្យក្លាយទៅជានារីដ៏ទាក់ទាញម្នាក់ គួរតែសាកតាមវិធីទាំងនេះ ៖

១. ចេះបង្កើតការស្វាគមន៍យ៉ាងកក់ក្ដៅ

ចេះរៀបចំពាក្យក្នុងការនិយាយដោយមានភាពស្រស់ស្រាយ និងរាក់ទាក់នៅក្នុងនោះទោះបីជាត្រឹមតែពាក្យថា «សួស្ដី»ក៏ដោយ។ ចេះប្រើតិចនិកក្នុងការលើកដាក់សម្លេង ទន់ ផ្អែម និងរីករាយដើម្បីឲ្យអ្នកស្ដាប់មានអារម្មណ៍ល្អទៅតាមការនិយាយរបស់អ្នក។

រូបតំណាង

**២. ធ្វើខ្លួនទៅតាមធម្មជាតិ**

មានន័យកុំព្យាយាមបត់ខ្លួនឯង ១៨០ ដឺក្រេពេក ព្រោះនៅពេលដែលអ្នកប្រឹងកែប្រែខ្លួនឯងពេកនោះនឹងមើលទៅខុសទំនង រឹងៗ ឬអាចនិយាយបានថាគ្រាន់តែឃើញក៏ដឹងថាសម្ដែងបាត់ទៅហើយ។ គួរតែធ្វើជាខ្លួនឯងឲ្យបានច្រើន ហើយកែប្រែនូវចំណុចមិនល្អដែលខ្លួនមានតិចតួច និងទាញវាឲ្យមកជាធម្មជាតិយើងមក។

៣. មើលពីចំណង់ចំណូលចិត្តរបស់មនុស្សដែលអ្នកត្រូវនិយាយជាមួយ

ដើម្បីកុំឲ្យមានការខុសឆ្គង និងផ្ទុយគ្នាអ្វីមួយនោះ អ្នកគួរតែដឹងពីចំណូលចិត្តរបស់មនុស្សដែលអ្នកត្រូវប្រាស្រ័យមុនសិន ព្រោះធ្វើបែបនេះអាចឲ្យអ្នកមានភាពទាក់ទាញកាន់តែខ្លាំងក្នុងក្រសែភ្នែកគេ។

រូបតំណាង

៤. រក្សាស្នាមញញឹម

ស្នាមញញឹមជាភាពទាក់ទាញខ្លាំងបំផុតសម្រាប់មនុស្ស ដូច្នេះបើអាចអ្នកគួរតែញញឹមឲ្យបានច្រើន ព្រោះវាក៏ជាកម្លាំងរុញសម្រស់អ្នកឲ្យកាន់តែស្អាត និងគួរឲ្យស្រឡាញ់

៥. ចំណេះដឹង

អ្នកត្រូវមានចំណេះដឹង ព្រោះបើមិនដូច្នោះទេពេលដែលអ្នកចូលនិយាយជាមួយគេ នឹងមិនស៊ីគ្នាឡើយ។ អ្នកបានត្រឹមតែស្ដាប់ ហើយមិនអាចនិយាយប្រទាក់ក្រឡាជាមួយនឹងគេនោះទេ ដូច្នេះចំណេះដឹងពិតជាសំខាន់ណាស់។

៦. រៀបចំខ្លួនឲ្យបានស្អាតសមរម្យ

ការរៀបចំខ្លួនក៏ជាការទាក់ទាញមួយដែរ ព្រោះវាអាចឆ្លុះឲ្យឃើញថាអ្នកជាមនុស្សបែបណា។ អ្នកគួរតែរៀបចំខ្លួនឲ្យបានស្អាត រម្យទម បែបថ្លៃថ្នូរ និងមើលទៅតាមស្ថានភាព។