ចំណាយ៨ឆ្នាំវះកាត់ឲ្យដូច Fan Bingbing ចុងក្រោយត្រូវប្ដីវាយទ្រោមខ្លួនព្រោះ...
- 2017-11-13 02:55:04
- ចំនួនមតិ 0 | ចំនួនចែករំលែក 0
ចំណាយ៨ឆ្នាំវះកាត់ឲ្យដូច Fan Bingbing ចុងក្រោយត្រូវប្ដីវាយទ្រោមខ្លួនព្រោះ...
ក្រោយពេលរៀបការជាមួយវេជ្ជបណ្ឌិតដែលវះកាត់ឲ្យខ្លួនផ្ទាល់ នារីអភ័ព្វរូបនេះបានត្រឹមស្រែកយំពេលត្រូវប្ដីវាយធ្វើបាប ហើយមានប្រុសខាងក្រៅទៀតព្រោះជាមនុស្សស្រលាញ់ភេទដូចគ្នា។
ស្រីស្អាត He Chang Xi កើតឆ្នាំ១៩៩២ មកពីខេត្ត Guangdong មានឈ្មោះល្បីពេញអ៊ីនធឺណិតព្រោះបានចំណាយលុយកាក់ និងពេលវេលាដល់ទៅ៨ឆ្នាំឲ្យមានមុខមាត់ដូចកំពូលតារាសម្ដែងចិន Fan Bingbing។
ខែមករាឆ្នាំ២០១៦ នារីវ័យ២៥ឆ្នាំបានប្រកាសថាខ្លួនបានរៀបការហើយ គឺជាមួយពេទ្យដែលកែមុខឲ្យនាងតែម្ដង។ មួយឆ្នាំគត់ក្រោយរៀបការ អ្នកទាំង២ស្វាគមន៍កូនទី១របស់ពួកគេ។ គូស្វាមីភរិយាថ្មីក៏ឧស្សាហ៍បង្ហោះរូបភាពផ្អែមល្ហែមលើបណ្ដាញសង្គមផងដែរ។
យ៉ាងណាក៏ដោយ ថ្មីៗនេះបំផុត ស្រីស្អាតរូបនេះបានបង្ហោះលើបណ្ដាញសង្គមរបស់ខ្លួនថាខ្លួនត្រូវប្ដីបោកឲ្យរៀបការហើយក៏បោះបង់នាងចោល។ មិនត្រឹមតែប៉ុណ្ណោះ ប្ដីនាងថែមទាំងមានប្រុសខាងក្រៅទៀតផង ព្រោះជាមនុស្សស្រលាញ់ភេទដូចគ្នា។ គេយកនាងក៏ព្រោះតែចង់ឲ្យនាងបង្កើតកូនឲ្យគេតែប៉ុណ្ណោះ។
មិនបញ្ឈប់ត្រឹមនេះ នាងថែមទាំងទម្លាយថាខ្លួនត្រូវប្ដីវាយឡើងទ្រោមខ្លួនរាល់ពេលសួរដេញដោលពីសង្សាររបស់លោក។ ចុងបញ្ចប់ នាងបានបន្ថែមថា រាល់ទ្រព្យសម្បត្តិទាំងអស់រួមមាន លុយ ឡានគឺមិនមែនប្ដីនាងឲ្យដូចគេនិយាយនោះឡើយ គឺនាងរកមកដោយខ្លួនឯងទាំងអស់។ ពេលឃើញដូចនេះ អ្នកប្រើប្រាស់អ៊ីនធឺណិតបានសម្ដែងក្ដីអាណិតអាសូរចំពោះម្ដាយកូននារីវ័យក្មេងរូបនេះ ត្បិតប៉ះចំប្ដីទុរយស៕