បើអ្នកកំពុងមានបញ្ហាមុខឡើងខ្លាញ់ អាចសាកវិធីនេះបាន!
- 2017-10-25 03:13:15
- ចំនួនមតិ 0 | ចំនួនចែករំលែក 0
បើអ្នកកំពុងមានបញ្ហាមុខឡើងខ្លាញ់ អាចសាកវិធីនេះបាន!
មុខឡើងខ្លាញ់គឺជាបញ្ហាមួយដែលមនុស្សស្រីមិនចង់ជួប ហើយក៏មិនចង់ឲ្យកើតមានដែរ ព្រោះវាធ្វើឲ្យការតុបតែងមុខមិនបានស្រស់ស្អាត ហើយថែមទាំងរំខានដល់យើងទៀតផង។ យ៉ាងណាក៏ដោយបើអ្នកកំពុងតែជួបប្រទះបញ្ហានេះ អ្នកគួរតែសាកល្បងនូវវិធីខាងក្រោមនេះ ៖
១. វិធីទី១ ៖
លាងសម្អាតមុខឲ្យបានស្អាត កុំប្រើម្សៅ ឬគ្រឿង Makeup ខ្លាំងពេកទៅលើមុខ។ យកល្អបើអាចកុំប្រើតែម្ដង បើមិនចាំបាច់។
២. វិធីទី២ ៖
បិទម៉ាសថែរក្សាមុខមុនពេលចូលគេង ដើម្បីជំនួយដល់ស្បែកមុខ និងសារធាតុមិនល្អដែលបង្កឲ្យមុខឡើងខ្លាញ់។ អាចប្រើ ២ ទៅ ៣ ដងក្នុងមួយសប្តាហ៍។
៣. វិធីទី៣៖
ត្រសក់មួយផ្លែ និង ស្ត្រប៊័រី ២ ផ្លែ លាងទឹកឲ្យបានស្អាត រួចយកទៅដាក់ក្នុងម៉ាស៊ីនក្រឡុកផ្លែឈើ ឲ្យម៉ដ្ឋ បន្ទាប់មកទៀត យកវាមកបិទលើមុខ ទុករយៈពេលប្រហែលជា២០នាទី រួចហើយលាងចេញ ហើយលាងដោយប្រើទឹកក្ដៅឧណ្ហៗមួយសាទៀត។ ដើម្បីឲ្យទទួលបានលទ្ធផលល្អ អ្នកត្រូវតែព្យាយាម អនុវត្តវិធីនេះ ក្នុង ១ អាទិត្យឲ្យបាន ២ ដង។
៤. វិធីទី៤ ៖
យកផ្លែម្នាស់ចិតឲ្យស្ដើងៗ ដាក់ក្លាសេឲ្យត្រជាក់ រួចយកវាមកបិទលើមុខអ្នកឲ្យពេញផ្ទៃមុខ ទុកប្រហែលជា ១០ នាទី នោះវានឹងជួយបំបាត់បញ្ហាខ្លាញ់នៅលើផ្ទៃមុខអ្នក បានយ៉ាងមានប្រសិទ្ធភាព។ ដើម្បីឲ្យទទួលបានលទ្ធផលល្អ អ្នកត្រូវតែព្យាយាម អនុវត្តវិធីនេះ ក្នុង ១ អាទិត្យឲ្យបាន ២ ដង។
៥.វិធីទី៥៖
តមអាហារដែលសម្បូរទៅដោយជាតិខ្លាញ់ ស្ករ និងប្រេង ព្រោះវាមិនល្អដល់ស្បែកមុខឡើយហើយអាចបណ្តាលឱ្យមានប្រតិកម្មអវិជ្ជមានលើស្បែករបស់អ្នក។ ជ្រើសរើសផ្លែឈើ និងបន្លែដែលមានសុខភាពល្អ និងប្រូតេអ៊ីនគ្មានខ្លាញ់ ហើយកាត់បន្ថយភេសជ្ជៈដែលមានជាតិស្ករ។