ក្នុង​វ័យ​ ២៨​ ឆ្នាំ ​Chryseis​ Tan ត្រូវ​បាន​ប្រជាជន​ម៉ាឡេស៊ី​ស្ញប់​ស្ញែង​យ៉ាង​ខ្លាំង​ក្នុង​នាម​ជា​សេដ្ឋី​នី​វ័យ​ក្មេង ​ព្រម​ជាមួយ​នឹង​ភាព​ជោគ​ជ័យ​ជា​ច្រើន​ផ្សេង​ទៀត​របស់​នាង​។ ខាង​ក្រោម​នេះ​ជា​ ៤ ចំនុច​ដែល​ពណ៌នា​ពី​ប្រវត្តិ ​និង​ស្នាដៃ​ខ្លះ​ៗ​របស់ Chryseis៖

១. ជា​នាយក​ប្រតិបត្តិ​របស់​អាគារ​រេស៊ីដង់ ​BERJAYA​ TIMES ​SQUARE ​BERHAD

រេស៊ីសង់​ Berjaya ​Times ​Square ​គឺ​ជា​អាគារ​ភ្លោះ​ពាណិជ្ជកម្ម​កម្ពស់​ ៤៨ ​ជាន់​ក្នុងទីក្រុង​ កូឡាឡាំពួរ ដែល​មាន​ដូច​ជា ​សណ្ឋាគារ ​ផ្សារ​ទំនើប ​ខន​ដូ ​ភោជនីយដ្ឋាន​ ព្រម​ទាំង​សេវាកម្ម​ផ្សេង​ៗ​ជា​ច្រើន​ទៀត​។

២. ជា​សហគ្រិន​ស្រ្តី​ដ៏​ជោគ​ជ័យ​មួយ​រូប

CEO​ វ័យ​ក្មេង​រូប​នេះ​បាន​បង្កើត​ប្រេន​មួយ​ចំនួន​ទៀត​ដូច​ជា ​Goxip ដែល​ជា​កម្មវិធី​សម្រាប់​ទិញ​ទំនិញ​អន​ឡាញ​។ ​មិន​ត្រឹម​តែ​អាជីវកម្ម​ក្នុង​ស្រុក​ប៉ុណ្ណោះ​ទេ ​សេដ្ឋីនី​រូប​នេះ​ក៏​លេច​ធ្លោ​មិន​ធម្មតា​ដែរ​ជាមួយ​អាជីវកម្ម​ក្រៅ​ស្រុក ​នាង​បាន​បណ្តាក់​ទុន​ទៅ​លើ​សណ្ឋាគារ​ប្រណិត ​The ​Four​ Seasons​ នៅ​ឯ​ប្រទេស​ជប៉ុន​ទៀត​ផង​។

៣. ជា​កូន​ស្រី​របស់​មហា​សេដ្ឋី​ម៉ាឡេស៊ី​

ឪពុក​របស់​នាង ​Tan ​Sri​ Vincent​ Tan ​ជា​មហា​សេដ្ឋី​ម៉ាឡេស៊ីដែលមានប្រាក់តម្កល់សរុប ៨២០ លានដុល្លារ។ លោក​ជា​ម្ចាស់​សម្ព័ន្ធ​ក្រុមហ៊ុន ​Berjaya ព្រម​ទាំង​ម្ចាស់​ក្រុម​កីឡា​បាល់​ទាត់ ​៣ ធំ​ៗ​ទៀត​នៅ​ជុំវិញ​ពិភពលោក។

៤. ដំបូន្មាន ​៣ ​យ៉ាង​ពី​ការ​គ្រប់​គ្រង​អាជីវកម្ម​របស់​នាង​

«ដឹង​ពី​សក្តានុពល​របស់​ខ្លួន​សិន ​ចាំ​ឆ្ពោះ​ទៅ​រក​ជោគជ័យ​»

«បណ្តាក់​ទុន​ឱ្យ​ត្រូវ​មនុស្ស​»

«ចេញ​ដើរ​កម្សាន្ត​ឱ្យ​ច្រើន ​គំនិត​អ្នក​នឹង​ទូលំ​ទូលាយ​ជាង​មុន​»៕