ធ្លាយព័ត៌មាន Luhan មានគេចិញ្ចឹម ហើយនឹងបែកជាមួយមិត្តស្រីក្នុងពេល៦ខែ

2017-10-18 03:11:08
ចំនួនមតិ 0 | ចំនួនចែករំលែក 0

ព័ត៌មានថ្មីបំផុតបានទម្លាយថា តារាចម្រៀង និងសម្ដែងវ័យក្មេង Luhan កំពុងមានទំនាក់ទំនងលួចលាក់ជាមួយអ្នកជំនួញស្រីស្ដុកស្ដម្ភម្នាក់ ដែលជាខ្នងបង្អែកដ៏ក្រាស់ឃ្មឹក។

ក្រោយពេលប្រកាសមានស្នេហាជាមួយតារាសម្ដែងស្រករក្រោយ Guan Xiaotong មិនបានប៉ុន្មានផង តារាសម្ដែង និងចម្រៀង Luhan បានរងពាក្យចចាមអារ៉ាមថា អ្នកទាំង២មានកិច្ចសន្យាស្រលាញ់គ្នាដើម្បីផ្សព្វផ្សាយរឿងភាពយន្តថ្មី ព្រោះតារាទាំង២បានថតរឿងជាមួយគ្នា១ដែលនឹងដាក់បញ្ចាំងនៅពេលខាងមុខ។

រឿងនេះមិនទាន់ស្ងប់ផង ស្រាប់តែមានគណនីមួយបានបង្ហើបនៅលើ Weibo ថា ប្រុសស្អាតអាយុ២៧ឆ្នាំមានទំនាក់ទំនងលួចលាក់ជាមួយសេដ្ឋិនីម្នាក់ដែលបានជួយលោកឲ្យឈ្នះការប្ដឹងផ្ដល់ជាមួយផលិតកម្មយក្ស SM។ ជាច្រើនលើកច្រើនសា គេតែងឃើញនារីរូបនេះទៅញ៉ាំអីជាមួយលោករហូត។

គណនីមួយទៀតដែលមានឈ្មោះ Wang Sicong បានបន្ថែមថា៖ "ជីវិតរបស់ Luhan គឺស្មុគស្មាញខ្លាំងណាស់។ ក្នុងរយៈពេលកន្លះឆ្នាំនឹងបែកគ្នាជាមួយ Guan Xitong។ គ្រាន់តែចែករំលែកដើម្បីធ្វើភស្តុតាងតែប៉ុណ្ណោះ" ៕