អ្នកគាំទ្រហក់ពីអគារ និងអារកដៃសម្លាប់ខ្លួនក្រោយដឹងថា Luhan មានសង្សារ

2017-10-09 03:02:03
ចំនួនមតិ 0 | ចំនួនចែករំលែក 0

ឥទ្ធិពលនៃការប្រកាសមានមិត្តស្រីជាសាធារណៈរបស់តារាចម្រៀង និងសម្ដែងចិន Luhan បានធ្វើឲ្យអ្នកគាំទ្ររបស់លោកទប់ចិត្តមិនបានរហូតដល់គិតខ្លី។

បណ្ដាញសង្គមចិនមិនទាន់ស្ងប់រឿង តារាចម្រៀង និងសម្ដែងចិន Luhan ប្រកាសថាខ្លួនមានមិត្តស្រីផង ក៏មានរឿងគួរឲ្យសោកស្ដាយជាបន្តបន្ទាប់កើតឡើងទៀតទៅហើយ។ តាមនោះដែរ ក្រោយពេលអតីតសមាជិកក្រុមចម្រៀង EXO បញ្ជាក់ថាខ្លួនកំពុងមានមនោសញ្ចេតនាជាមួយតារាសម្ដែង Guan Xiaotong នោះ អ្នកគាំទ្ររបស់លោកមួយចំនួនទប់ចិត្តមិនបាន បានធ្វើទង្វើគួរឲ្យសោកស្ដាយ។

ជាក់ស្ដែងនិស្សិតស្រីសកលវិទ្យាល័យ Xi An បានទម្លាក់ខ្លួនពីលើអគារក្រោយដឹងថានិមិត្តរូបរបស់ខ្លួនមានសង្សារ។ អ្នកគាំទ្រស្រីម្នាក់ទៀតបានអារកដៃខ្លួនឯងក្រោយឮដំណឹងខាងលើ។ និងករណីមួយទៀតនោះគឺ អ្នកគាំទ្រដែលមានជំងឺធ្លាក់ទឹកចិត្តម្នាក់ ក៏បានហក់ពីលើអគារសម្លាប់ខ្លួនដែរ។ គ្រួសារក៏ដូចជាមិត្តភ័ក្ដិរបស់នាងមិនបានមកជួយនាងទាន់ពេលនោះឡើយ។

អ្នកប្រើបណ្ដាញសង្គមបានទិតៀនទង្វើទាំងនេះយ៉ាងខ្លាំង ព្រោះស្រលាញ់សិល្បករយ៉ាងណាក៏មិនគួរធ្វើបាបខ្លួនឯងឡើយ៕