ហេតុផលចម្បង ៥ យ៉ាងធ្វើឲ្យមនុស្សស្រីសម្រេចចិត្តមិនយកសង្សារ

2017-09-15 06:00:00
ចំនួនមតិ 0 | ចំនួនចែករំលែក 0

គ្មានមនុស្សណាចង់រស់នៅក្នុងភាពឯកាឡើយ តែពេលខ្លះដោយសារហេតុផលមួយចំនួនដែលសម្រេចចិត្តឲ្យនារីមួយចំនួនមិនចង់សង្សារ សុខចិត្តរស់នៅក្នុងជីវិត Single របស់នាង។ ខាងក្រោមនេះជាមូលហេតុដែលធ្វើឲ្យនាងមិនខ្ចីទទួលយកអ្នកណាក្នុងជីវិតស្នេហា ៖

១. ធ្លាប់ឈឺចាប់ខ្លាំងពីមុនមក ៖ ពេលមនុស្សស្រីធ្លាប់ជួបរឿងឈឺចាប់ក្នុងជីវិតស្នេហារបស់នាងហើយ នាងនឹងចាប់ផ្ដើមខ្លាចនឹងទទួលយកស្នេហាទៀតណាស់ ដូច្នេះក៏សម្រេចចិត្តនៅម្នាក់ឯងជាងយកមនុស្សម្នាក់មកបំផ្លាញបេះដូងនាងទៀត។ នាងមិនចង់ស្គាល់រសជាតិដែលគេក្បត់ ដែលគេជាន់ឈ្លីទឹកចិត្ត និងក្ដីស្រឡាញ់នាងម្ដងទៀតឡើយ។

រូបតំណាង

**២. ធុញទ្រាន់នឹងការលេងសើចរបស់មនុស្សប្រុស ៖** មនុស្សប្រុសខ្លះបានធ្វើឲ្យមនុស្សស្រីលែងចង់មានស្នេហាព្រោះតែគេស្រឡាញ់នារីនោះគ្រាន់តែជាការកំដរអារម្មណ៍ ចង់ស្រឡាញ់ក៏ស្រឡាញ់ មិនចង់ស្រឡាញ់អត់។ នេះហើយដែលជាមូលហេតុធ្វើឲ្យមនុស្សស្រីខ្ជិលស្រឡាញ់បើសិនមនុស្សប្រុសនោះមិនច្បាស់លាស់។

៣. នាងចូលចិត្តសេរីភាព ៖ ពេលមានសង្សារគឺសេរីភាពខ្លះនឹងត្រូវបាត់បង់ ហើយការដើរហើរក៏ត្រូវផ្លាស់ប្ដូរដែរ ព្រោះនាងមិនអាចដើរដូចខ្លួនគ្មានសង្សារឡើយ។ពេលខ្លះនាងមិនចូលចិត្តឲ្យអ្នកណាមកលូកលាន់ក្នុងជីវិតនាង ឬ បញ្ជានាងឡើយ។

៤. មិនទាន់ជួបមនុស្សដែលត្រូវចិត្ត ៖ ពេលខ្លះនាងព្រមបើកបេះដូងហើយ តែបែរជាគ្មានមនុស្សដែលនាងត្រូវចិត្តទៅវិញ ដូចនេះនាងក៏សុខចិត្តបន្តការនៅម្នាក់ឯងរង់ចាំមនុស្សប្រុសក្នុងសុបិនរបស់នាង។

រូបតំណាង

៥. នាងរីករាយនឹងជីវិត Single អាជីពរបស់នាង ៖ នៅម្នាក់ឯងយូរៗទៅនាងក៏ទម្លាប់ ហើយថែមទាំងរីករាយជាងពេលមានស្នេហាទៀតផង។ នាងមានអារម្មណ៍ថាស្រួលចិត្ត មានពេលវេលាច្រើន ថែមទាំងអាចទៅណាមកណាដោយគ្មានការបារម្ភ ដូច្នេះទើបនាងមិនចង់បានសង្សារមកខ្វល់ខ្វាយចិត្តទៀត។

តែយ៉ាងណាក៏ដោយនៅថ្ងៃណាមួយនាងនៅតែមានមនុស្សម្នាក់ដែលត្រូវដើរចូលក្នុងជីវិតនាង គ្រាន់តែយូរហើយនឹងឆាប់តែប៉ុណ្ណោះ៕

ចុចអាន៖ស្រីៗឱ្យតែមានចរិតទាំងនេះ ប្រយ័ត្នគេឆក់សង្សារបាត់ទើបដឹងស្ដាយ

អត្ថបទ៖ ផេង ផលធិតា