៥មូលហេតុធ្វើឲ្យមនុស្សស្រីចង់បែកគ្នា បើទោះបីចិត្តនៅស្រលាញ់យ៉ាងណា
- 2017-09-13 01:59:09
- ចំនួនមតិ 0 | ចំនួនចែករំលែក 0
៥មូលហេតុធ្វើឲ្យមនុស្សស្រីចង់បែកគ្នា បើទោះបីចិត្តនៅស្រលាញ់យ៉ាងណា
ទោះបីជាមនោសញ្ចេតនារបស់នាងនឹងសង្សារនៅជ្រាលជ្រៅយ៉ាងណាក៏ដោយ តែហេតុផលខាងក្រោមនេះនឹងធ្វើឲ្យនាងអស់ចិត្តស្រលាញ់ ចង់បែកគ្នាមួយរំពេច។
១. គ្មានចំណូលចិត្តរួម
មនុស្សស្រីណាក៏ចង់ដើរកាន់ដៃសង្សារពេលល្ងាចមេឃត្រជាក់ មើលផ្លូវ មើលមនុស្ស តែបើសង្សារនាងប្រាប់ថារឿងទាំងអស់នោះគ្មានបានការខាតតែពេលនោះ គឺពិតជាពិបាកឲ្យនាងទទួលយកណាស់។
២. គ្មានការអត់ធ្មត់ស្ដាប់នាងនិយាយ
នៅពេលដែលមនុស្សស្រីរអ៊ូដាក់អ្នក ក៏ព្រោះតែនាងចង់ឲ្យអ្នកល្អតែប៉ុណ្ណោះ មិនមែននៅសុខៗនាងចង់ឲ្យអ្នកឈឺក្បាលនោះឡើយ តែបើសូម្បីតែប៉ុណ្ណឹង អ្នកទ្រាំស្ដាប់ក៏មិនបាន នាងនឹងពិចារណាពីមនោសញ្ចេតនានេះឡើងវិញ។
៣. បង្ខំចិត្តបង្ហាញមនោសញ្ចេតនាដាក់នាង
កុំគិតថានាងមិនដឹងឲ្យសោះថា សកម្មភាពដែលអ្នកធ្វើចំពោះនាងគឺចេញពីចិត្តឬបង្ខំចិត្ត។ ញាណទី៦របស់មនុស្សស្រីគឺខ្លាំងជាងអ្នកគិតឆ្ងាយណាស់។
៤. អាត្មានិយម
អ្នកណាក៏មានចិត្តអាត្មានិយមដែរ ទោះតិចឬច្រើនក្ដី តែបើមនុស្សស្រីមិនអាចធ្វើអ្វីតាមចិត្តខ្លួន ខណៈសង្សារនាងអាចធ្វើអ្វីៗបានទាំងអស់នោះ ទំនាក់ទំនងនេះនឹងនៅមិនគង់ឡើយ។
៥. និយាយកុហកច្រើនពេក
អ្នកគិតថានិយាយកុហក១ដង ២ដងគ្មានបញ្ហា តែបើ១ដង២ដង យូរៗទៅនឹងមានបញ្ហា។ ទម្លាប់និយាយកុហកនេះនឹងចាប់ផ្ដើមពីចំណុចតូចតាច ហើយនឹងមានថ្ងៃមួយដែលសង្សារអ្នកបកក្រោយលែងបាន ហើយនិយាយតែកុហក លែងនិយាយការពិត៕