រោគសញ្ញា និងគ្រោះថ្នាក់បណ្ដាលមកពីអារម្មណ៍ស្ត្រេស
- 2017-09-12 05:43:59
- ចំនួនមតិ 0 | ចំនួនចែករំលែក 0
រោគសញ្ញា និងគ្រោះថ្នាក់បណ្ដាលមកពីអារម្មណ៍ស្ត្រេស
មនុស្សភាគច្រើនជឿថា ជំងឺបេះដូងច្រើនតែកើតឡើងលើមនុស្សវ័យចំណាស់។ ប៉ុន្តែតាមការសិក្សាបច្ចុប្បន្នបានឲ្យដឹងថា ស្ត្រីអាយុក្រោម៥០ឆ្នាំអាចប្រឈមខ្ពស់នឹងបញ្ហាបេះដូង ឬឈានដល់ជំងឺគាំងបេះដូងផង។
មូលហេតុគឺដោយសារស្ត្រីវ័យក្មេងទាំងនោះបានរងនូវភាពតានតឹងក្នុងជីវិតច្រើន។ កាលណាអ្នកកំពុងរងគ្រោះដោយអារម្មណ៍ស្ត្រេស រាងកាយនឹងបង្ហាញនូវសញ្ញាជាច្រើន ដូចខាងក្រោម៖
១. ការសិក្សាបានរកឃើញថា ស្ត្រីដែលមានការងារពោរពេញទៅដោយភាពតានតឹងច្រើន គឺមានវដ្តរដូវតិចជាងស្ត្រីដែលមិនសូវមានភាពតានតឹង
២. ធ្វើឲ្យគេងមិនលក់ ពិបាកដកដង្ហើម និងអស់កម្លាំងជាប់
៣. លំហូរឈាមទៅចិញ្ចឹមបេះដូងកាន់តែតិច ដែលជាហេតុនាំឲ្យងាយកើតជំងឺគាំងបេះដូង
៤. ការញ៉ាំអាហារក្នុងពេលកំពុងស្ត្រេស ជាហេតុនាំឲ្យមានបញ្ហាពិបាករំលាយអាហារ ដូចជា ក្រហាយដើមទ្រូង ហើមពោះ និងរលាកពោះវៀន
៥. កើតជំងឺបាក់ទឹកចិត្ត និងអន់ចិត្តចំពោះខ្លួនឯង
៦. មានអារម្មណ៍ថាខ្សោយ ហើយប្រព័ន្ធភាពស៊ាំក៏ចុះខ្សោយទៅតាមនោះដែរ
៧. គ្មានអ្វីជារឿងភ្ញាក់ផ្អើលឡើយ ដែលថា ស្ត្រេសច្រើនធ្វើឲ្យខ្សោយខាងផ្លូវភេទនោះ
៨. កើតមុនកាន់តែច្រើន ដោយសារតែអ័រម៉ូនបណ្ដាលមកពីភាពស្ត្រេស ជំរុញដល់ការចេញជាតិប្រេងលើស្បែកច្រើន
៩. ធ្វើឲ្យជ្រុះសក់ ធាត់ បម្រែបម្រួលសំពាធឈាមឡើងចុះ បែកញើសច្រើន
ដូច្នេះដើម្បីបំបាត់អារម្មណ៍តានតឹងដ៏គ្រោះថ្នាក់ទាំងនេះបាន អ្នកអាចសាកល្បងតាមវិធីសាស្ត្រខាងក្រោម៖
១.ហាត់ប្រាណ ឬយូហ្កាជាទៀងទាត់ ដើម្បីទទួលបានអារម្មណ៍ល្អឡើងវិញ
២.ញ៉ាំអាហារណាដែលផ្តល់ភាពស្រស់ស្រាយ និងមានប្រយោជន៍ចំពោះសុខភាព
៣.ឧស្សាហ៍រកមិត្តជជែកលេងផ្លាស់ប្តូរមតិយោបល់ ឬចេញលំហែតាមទីឆ្ងាយៗដែលមានខ្យល់អាកាសល្អៗ
៤.ជៀសវាងការផឹកគ្រឿងស្រវឹង កាហ្វេអ៊ីន ប្រើថ្នាំងងុយដេកហួសកម្រិត
៥. ស្តាប់ភ្លេង មើលកុន មើលរឿងតុក្កតា និងប្រើវិធីម៉ាស្សាដោយប្រើផលិតផលធម្មជាតិក៏អាចបំបាត់ស្ត្រេសបានល្អប្រសើរផងដែរ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
