ឃើញចំណុចទាំងនេះអ្នកនឹងយល់ហើយថាហេតុអ្វីការងារអូទេសពិបាកជាប់ម្ល៉េះ?
- 2017-09-10 03:06:21
- ចំនួនមតិ 0 | ចំនួនចែករំលែក 0
ឃើញចំណុចទាំងនេះអ្នកនឹងយល់ហើយថាហេតុអ្វីការងារអូទេសពិបាកជាប់ម្ល៉េះ?
អ្នកបម្រើលើយន្តហោះគឺជាការងារមួយដែលអ្នកអាចធ្វើដំណើរទៅគ្រប់ទីកន្លែង ហើយថែមទាំងបានប្រាក់ខែច្រើនទៀត។ វាជាក្ដីស្រមៃរបស់មនុស្សជាច្រើន ប៉ុន្តែតើអ្នកដឹងទេថាដើម្បីជាប់ការងារនេះមិនមែនងាយស្រួលឡើយ។ វាតម្រូវឲ្យអ្នកត្រូវឆ្លងកាត់លក្ខខណ្ឌពិបាកៗជាច្រើន៖
១. ត្រូវចេះហែលទឹក
នេះជាតម្រូវការរបស់ក្រុមហ៊ុនភាគច្រើនដែលត្រូវឲ្យអ្នកបម្រើការលើយន្តហោះចេះហែលទឹកត្រៀមក្នុងករណីដែលយន្តហោះត្រូវចុះចតបន្ទាន់ក្នុងទឹក។
២. សក់
ភាគច្រើនបុគ្គលិកនារីត្រូវទុកសក់ប្រវែងត្រឹមស្មាតែប៉ុណ្ណោះដើម្បីងាយស្រួលធ្វើការ។
៣. គ្មានស្នាមសាក់
មិនថាតូចឬធំនោះទេគឺមិនតម្រូវឲ្យមានឡើយ។
៤. ចេះជំនាញដើរព្រៃ
ដើម្បីបង្ការករណីដែលយន្តហោះត្រូវចុះចតក្នុងព្រៃ ក្រុមអាកាសចរណ៍នៅប្រទេសមួយចំនួនដូចជាប្រេស៊ីលជាដើមបានតម្រូវឲ្យបុគ្គលិករបស់ខ្លួនត្រូវមានជំនាញដើរព្រៃទៀតផង។
៥. រឹងមាំ
អ្នកបម្រើការនៅលើយន្តហោះតែងមាននាទីចាំជួយលើកឥវ៉ាន់របស់អ្នកដំណើរ ដូចនេះរាងកាយរឹងមាំគឺជាភាពចាំបាច់បំផុត។
៦. មិនត្រូវមានស្នាមអ្វីលើមុខឡើយ
ទោះបីស្នាមសម្លាក ឬប្រជ្រុយពីកំណើតក៏ដោយ។
៧. ក្រចកត្រូវខ្លីជានិច្ច
គឺដើម្បីឲ្យមើលទៅស្អាត និងមានអនាម័យ។
៨. ហាមរៀបការ
នេះគឺជាលក្ខខណ្ឌសម្រាប់នារីអូទេសថ្មីដែលមិនទាន់មានបទពិសោធន៍។ សម្រាប់អ្នកដែលធ្វើការនេះយូរហើយគឺអាចរៀបការបាន។
៩. កម្ពស់
មានការប្រែប្រួលទៅតាមក្រុមហ៊ុនផ្សេងៗគ្នា ប៉ុន្តែជាទូទៅនារីអូទេសត្រូវមានកម្ពស់យ៉ាងអន់បំផុតក៏ ចាប់ពី ១. ៦០ cm ឡើងដែរ។
១០. ទម្ងន់
ត្រូវតែមានទម្ងន់សមជាមួយនឹងរូបរាង និយាយឲ្យស្រួលយល់គឺត្រូវតែមានរាងស្អាត។
១១. រង្វង់ចង្កេះ
នេះក៏ជាចំណុចដែលនារីបម្រើការលើយន្តហោះត្រូវឆ្លងកាត់ដែរ។ បើតាមក្រុមហ៊ុនអាកាសចរណ៍បារាំង រង្វង់ចង្កេះដែលត្រឹមត្រូវល្អគឺមិនឲ្យលើសពី ១០០ cm នោះឡើយ។
១២. ត្រូវនៅក្មេង
អ្នកប្រាកដជាធ្លាប់ឃើញហើយថានារីអូទេសសុទ្ធតែក្មេងៗ។ ការកំណត់អាយុអាចប្រែប្រួលទៅតាមក្រុមហ៊ុនផ្សេងគ្នាតែជាទូទៅគឺមិនឲ្យលើស ២៥ ឆ្នាំឡើយពេលចូលដំបូង។
១៣. ហាមមានរោមក្លៀក ឬរោមច្រមុះវែង
នេះគឺជាលក្ខខណ្ឌរបស់ក្រុមហ៊ុនអាកាសចរណ៍អាមេរិកដែលតម្រូវឲ្យបុគ្គលិកសម្អាតរោមទាំងនោះចេញបើមាន។
១៤. មានជើងស្អាត
នេះក៏ជាចំណុចសំខាន់ផងដែរ។ នារីអូទេសមិនត្រឹមតែត្រូវមានជើងស្អាតប៉ុណ្ណោះទេ តែថែមទាំងត្រូវរឹងមាំទៀតផងព្រោះត្រូវឈរយូរ៕
ចុចអាន៖ ដឹងតែប៉ុន្មានក្បាច់នេះ ទៅទិញខោអាវលែងភ័យខកចិត្តទៀតហើយ
ចុចអាន៖ វិធីសាស្ត្រធ្វើឲ្យខ្លួនឯងក្លាយជាមនុស្សកាន់តែជោគជ័យដោយមិនបាច់ពឹងអ្នកណា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
