មនុស្សប្រុស ៤ ប្រភេទដែលស្រីៗគួរតែដកខ្លួនចេញឲ្យបានលឿន មុនពេលប្រើពាក្យថា«ស្ដាយក្រោយ»
- 2017-09-01 04:00:00
- ចំនួនមតិ 0 | ចំនួនចែករំលែក 0
មនុស្សប្រុស ៤ ប្រភេទដែលស្រីៗគួរតែដកខ្លួនចេញឲ្យបានលឿន មុនពេលប្រើពាក្យថា«ស្ដាយក្រោយ»
ពេលខ្លះស្នេហាមិនអាចពន្យល់បានទេ បើចិត្តស្រលាញ់ហើយពិបាកនឹងហាមឃាត់ណាស់។ តែទោះជាយ៉ាងណាក៏ដោយក៏អ្នកត្រូវគិតពីអនាគតដែរ បើអ្នកជ្រើសរើសខុស នឹងអាចស្ដាយក្រោយអស់មួយជីវិត ដូច្នេះបើជួបមនុស្សប្រុសប្រភេទដូចខាងក្រោម គួរតែដកខ្លួនឲ្យហើយទៅ កុំឲ្យជ្រុលពេលទាន់ ៖
១. មនុស្សប្រុសដែលយកអ្នកទៅគ្រប់គ្រង
ស្នេហាមិនមែនជាការគ្រប់គ្រងឡើយ ដូច្នេះបើអ្នកជួបបុរសប្រភេទនេះ គួរតែឆាប់ដកខ្លួនទៅ។ បើគេមានក្ដីស្រឡាញ់ពិតចំពោះ គាត់នឹងមិនព្យាយាមគ្រប់គ្រងជីវិតអ្នកឡើយ គាត់គ្រាន់តែបង្ហាញផ្លូវ ធ្វើជាទីប្រឹក្សា និងគ្រាំទ្រនូវអ្វីដែលអ្នកស្រឡាញ់ មិនមែនបញ្ជា ឬឲ្យដើរតាមផ្លូវដែលគាត់ត្រួសត្រាយឲ្យនោះទេ។
២. មនុស្សប្រុសដែលគិតពីខ្លួនឯងជាងអ្វីៗទាំងអស់
មនុស្សប្រុសបែបនេះគឺអាត្មានិយមបំផុត ព្រោះគេគិតតែពីសេចក្ដីសុខផ្ទាល់ខ្លួន មិនបានខ្វល់បីអ្នកណាឡើយ។ បើអ្នកសេពគប់ជាមួយមនុស្សប្រភេទនេះនឹងគ្មានក្ដីសុខទេ ប្រហែលជាគាំទ្រូងទៅវិញក៏ថាបាន ព្រោះគេមិនសូវគិតគូរពីអ្នកឡើយ សំខាន់គេល្អ គេសប្បាយតែខ្លួនគេ។
៣. មនុស្សប្រុសដែលស្រលាញ់អ្នកតាមអារម្មណ៍
គេចង់ល្អជាមួយ គេចង់ក្បែរ ឬគេចង់ស្រលាញ់អ្នកតាមតែអារម្មណ៍គេមួយឆាវៗ ពេលណាគេអារម្មណ៍ល្អគេក៏មករក ហើយពេលណាអារម្មណ៍មិនល្អ ឬក៏មិនត្រូវការ គេក៏ចោលអ្នក។ និយាយរួមគឺទុកអ្នកដូចតុក្កតាអីចឹង ចង់ឱបក៏ឱប ចង់ធាក់ចេញក៏ធាក់ តាមតែចិត្តគេដោយគ្មានភាពច្បាស់លាស់ជាមួយអ្នកឡើយ។
៤. មនុស្សប្រុសដែលកំណាញ់រឿងលុយកាក់
បើបុរសដែលចេះសន្សំមិនអីនោះទេ តែបើជាមនុស្សដែលស្វិតបេះមិនចេញរឿងលុយកាក់នោះ អ្នកច្បាស់ជាវេទនាហើយ ព្រោះថ្ងៃក្រោយបើត្រូវក្លាយជាគ្រួសារតែមួយអ្នកនឹងពិបាកក្នុងការចាយវាយក្នុងគ្រួសារ ហើយពេលមានបញ្ហាគេក៏មិនចង់ចេញលុយដែរ សំខាន់បំផុតគេអាចនឹងកាន់លុយខ្លួនឯងក៏ថាបាន។
បើអាចដកខ្លួនបានគួរតែដក ព្រោះកុំឲ្យថ្ងៃក្រោយអ្នកនិយាយថា«ស្ដាយក្រោយ»៕
ចុចអាន៖បើជ្រុលបែកគ្នាជាមួយសង្សារហើយ កុំព្យាយាមចង់ធ្វើមិត្តវិញឲ្យ