បវរកញ្ញាភេទទីបីថ្មី Yoshi រំឭកដំណើរដើមទងរឿងកែភេទ

2017-08-30 02:23:53
ចំនួនមតិ 0 | ចំនួនចែករំលែក 0

ទម្រាំទទួលបានជោគជ័យដូចថ្ងៃនេះ បវរកញ្ញាឯកកែភេទថៃឆ្នាំ២០១៧ ត្រូវឆ្លងកាត់ឧបសគ្គជាច្រើន។

កាលពីយប់ថ្ងៃទី២៦ខែសីហាកន្លងទៅនេះ ស្រីស្អាតកែភេទ Yoshi បានគ្រងតំណែងខ្ពស់បំផុតរបស់កម្មវិធីប្រលងបវរកញ្ញាកែភេទ Miss Tiffany។ ក្រោយពេលទទួលបានជយលាភី Yoshi បានឲ្យដឹងថានាងចាប់ផ្ដើមពត់ធ្មេញនៅអាយុ១៥ឆ្នាំ និងចាប់ផ្ដើមទុកសក់វែង។ តែដល់ពេលឡើងរៀនសាកល នាងបានធ្វើដើមទ្រូង និងបានសម្រេចចិត្តកែភេទតែម្ដង។

និយាយពីគម្រោងដ៏ធំក្នុងជីវិតនេះ ស្រីស្អាតអាយុ២០ឆ្នាំបានរៀបរាប់ថា កាលពីនាងប្រាប់ពីរឿងនេះទៅកាន់ឪពុកម្ដាយដំបូង ពួកគាត់បានបដិសេធយ៉ាងខ្លាំង។ តែក្រោយពេលនាងទទួលបានជោគជ័យក្នុងវិថីសិល្បៈជាមួយរូបរាងថ្មី ទើបនាងទទួលបានការអនុញ្ញាតពីអ្នកមានគុណ។

គួរបញ្ជាក់ផងដែរថា ក្នុងការគ្រងតំណែងនេះ ស្រីស្អាតកើតឆ្នាំ១៩៩៧ទទួលបានរថយន្ត Mercedes មួយគ្រឿង លុយសុទ្ធ១សែន២ម៉ឺនបាត (៣៦០០ដុល្លារ) និងមកុដមួយ៕