លែងចាញ់បោកហើយ! ៦វិធីមើលឲ្យដឹងថាកាបូបប្រ៊េនពិត ឬក្លែងក្លាយ មុនទិញ

2017-08-21 05:08:00
ចំនួនមតិ 0 | ចំនួនចែករំលែក 0

បច្ចុប្បន្ននេះមានកាបូបប្រ៊េនល្បីៗជាច្រើនដែលតែងចេញម៉ូដថ្មីៗឲ្យអតិថិជនរបស់ខ្លួនបានទិញជាប្រចាំ ប៉ុន្តែអ្នកធ្លាប់សង្កេតឬទេថា កាបូបដែលអ្នកទិញមកនោះជារបស់ប្រ៊េនពិតប្រាកដ ឬក៏អត់? ជួនកាលកាបូបដែលអ្នកទិញមកនោះអាចជារបស់ក្លែងក្លាយក៏ថាបាន ដូច្នេះដើម្បីកុំឲ្យមានការខាតបង់ដោយសារទិញចំរបស់ក្លែងក្លាយ ថ្ងៃនេះ Kanha នឹងបង្ហាញពីវិធីសង្កេតខ្លះៗដូចខាងក្រោម៖

១. ពិនិត្យមើលរូត ឡេវ និងទម្ពក់

របស់ដែលគួរចាប់អារម្មណ៍មើលមុនគឺត្រង់ខ្សែរូត ទំពក់ និងឡេវ បើចំណុចទាំងអស់នេះមើលទៅមានឆ្កូត ស្នាមរបក កន្លែងណាមួយនោះក៏អាចបង្ហាញថាវាជារបស់ក្លែងក្លាយ។

២. ពិនិត្យមើលសាច់កាបូប

កាបូបប្រ៊េនល្បីៗភាគច្រើនគឺផលិតចេញពីស្បែកដែលមានគុណភាពខ្ពស់ប៉ុណ្ណោះ មិនមែនផលិតពីស្បែកអន់ មានជាតិខ្លាញ់រអិល ឬស្អិតនោះទេ។ វាអាចនឹងមានភាពទន់ឬយឺត ប៉ុន្តែទោះយ៉ាងណារូបរាងរបស់វានឹងនៅដូចដើមជានិច្ច តែបើកាបូបនោះមានស្នាមដេរប៉ះ ឬមានស្នាមផ្សេងៗនោះក៏អាចសន្និដ្ឋានបានថាវាជាកាបូបក្លែងក្លាយពិតណាស់។

៣. ពិនិត្យមើល Logo

បច្ចុប្បន្នមានការក្លែងបន្លំប្រ៊េន ឬម៉ាកយីហោជាច្រើនជាពិសេសតាមរយៈ Font អក្សរ កម្រាស់អក្សរ ឬសូម្បីតែអក្ខរាវិរុទ្ធ ដូច្នេះអ្នកត្រូវពិនិត្យមើលឲ្យបានត្រឹមត្រូវ។

៤. លក្ខណៈពិសេសរបស់ផលិតផល

មុននឹងសម្រេចចិត្តទិញផលិតផលប្រ៊េនមួយ អ្នកគួរសិក្សាពីចំណុចលេចធ្លោរបស់ប្រ៊េននោះជាមុនសិន ហើយត្រូវចាំថាប្រ៊េននីមួយៗគឺសុទ្ធតែមានចំណុចលេចធ្លោ និងអត្តសញ្ញាណរបស់ខ្លួនជានិច្ច។ ឧទាហរណ៍ កាបូបម៉ាក Prada ភាគច្រើនប្រើពណ៌តែមួយៗ ឬស្រដៀងៗគ្នាប៉ុណ្ណោះ មិនមានពណ៌ក្រឡាខុសៗគ្នាច្រើននោះទេ។

៥. ពិនិត្យមើលលេខសម្គាល់ផលិតផល

ជាចំណុចសំខាន់មួយទៀតដែលត្រូវពិនិត្យមើល បើសិនជាអ្នកចង់បានរបស់ពិត។ លេខសម្គាល់របស់ពិតនឹងត្រូវភ្ជាប់ជាមួយកាបូបយ៉ាងពិសេសមិនអាចបកចេញងាយៗឡើយ ខណៈដែលរបស់ក្លែងក្លាយគឺគ្រាន់តែបិទកាវពីលើប៉ុណ្ណោះ។

៦. ប្រអប់ & ការវេចខ្ចប់

របស់ល្អនឹងមានការវេចខ្ចប់ដែលមានការការពារខ្ពស់ដល់ទំនិញ។ ត្រូវចាំថារបស់ថ្លៃៗគេនឹងហ៊ានប្រើប្រអប់វេចខ្ចប់ដែលមានតម្លៃថ្លៃ និងមានគុណភាពខ្ពស់ដែរ ហើយរបស់ថែមផ្សេងៗគឺនឹងត្រូវភ្ជាប់មកជាមួយគ្នាដោយអ្នកមិនចាំបាច់ចំណាយប្រាក់បន្ថែមឡើយ ៕