តារា​សម្ដែង​ល្បី​ម្នាក់​ៗ​ប្រាកដ​ជា​មិន​សូវ​មាន​ពេល​ទំនេរ​ច្រើន​ទេ ព្រោះ​ក្រៅ​ពី​ការងារ​សម្ដែង​ពួក​គេ​ក៏​​ត្រូវ​​ចេញ​តាម​កម្មវិធី​ផ្សព្វផ្សាយ​ផលិតផល​នានា ព្រម​ទាំង​កម្មវិធី​ផ្សេង​ៗ​ជា​ច្រើន​ទៀត។ យ៉ាង​ណា​មិញ​តារា​មួយ​ចំនួន​នៅ​តែ​អាច​ឆ្លៀត​ពេល​បន្ត​ការ​សិក្សា​យក​សញ្ញា​បត្រ​ខ្ពស់​ៗ​បាន ហើយ​ជា​ពិសេស​ការ​សិក្សា​របស់​ពួក​គេ​​នៅ​តែ​លេចធ្លោ​ថែម​ទៀត។

ថ្ងៃ​នេះ Kanha នឹង​បង្ហាញ​តារា​ស្រី​​ក្នុង​ប្រទេស​ថៃ​ចំនួន ៨​រូប​ដែល​មាន​ទាំង​កេរ្តិ៍​ឈ្មោះ ទេពកោសល្យ​ល្អ​ក្នុង​សិល្បៈ ហើយ​ថែម​ទាំង​មាន​លទ្ធផល​សិក្សា​គួរ​ឲ្យ​សរសើរ​ថែមទៀត សម្រាប់​​ការ​បញ្ចប់​ថ្នាក់​បរិញ្ញាបត្រ​របស់​ពួក​គេ។  

Aom Sushar ទទួល​បាន​មធ្យម​ភាគជិត ៣.៥០ នៅ​មហាវិទ្យាល័យ​សិល្បៈ​សាស្ត្រ សម្ដែង និង​ដឹកនាំ​សម្ដែង ពី​សាកល​វិទ្យាល័យ Srinakharinwirot។

Gypsy Keerati ទទួល​បាន​​មធ្យម​ភាគ​ប្រមាណ ៣.៤០ មហាវិទ្យាល័យ​ប្រព័ន្ធផ្សព្វផ្សាយ សាកលវិទ្យាល័យ Chulalongkorn។

Mew Nittha ទទួល​បាន​មធ្យមភាគ​ប្រមាណ ៣.៤៦ ផ្នែក​ Fashion Design ពី​សាកលវិទ្យាល័យ Srinakharinwirot។

Taew Nathaphon ទទួល​បាន​មធ្យមភាគ​ប្រមាណ ៣.៤០ ផ្នែក​ស្ថាបត្យកម្ម​ ពី​សាកលវិទ្យាល័យ Chulalongkorn ។

Rodmay Kaneungnich ទទួល​បាន​មធ្យមភាគ​ប្រមាណ ៣.៦១ ផ្នែក​សិល្បៈ​ច្នៃ​ម៉ូដ​ ពី​មហាវិទ្យាល័យ Srinakharinwirot។

Prang Kannarun ទទួល​បាន​មធ្យមភាគ ៣.៧៨ ផ្នែក​ទេសចរណ៍​និង​បដិសណ្ឋារកិច្ច ពី​សាកលវិទ្យាល័យ Mahidol​ International។

Ja Jittapa ទទួលបាន​មធ្យមភាគ​ប្រមាណ ៣.៧០ ផ្នែក​សិល្បៈសាស្ត្រ នៃ​សាកលវិទ្យាល័យ Chulalongkorn។

Bebe Thanchanok ទទួល​បាន​មធ្យមភាគប្រមាណ ៣.៩១ ផ្នែក​គ្រប់គ្រង​ពាណិជ្ជកម្ម ពីសាកលវិទ្យាល័យ Assumption ហើយ​បច្ចុប្បន្ន​ក៏​ជា​សាស្ត្រាចារ្យ​ម្នាក់​ទៀត​ផង ៕