៣យ៉ាង ឪពុកម្តាយមិនគួរធ្វើ ចំពោះទារកទើបកើត

2017-08-10 03:28:06
ចំនួនមតិ 0 | ចំនួនចែករំលែក 0

ការមកដល់របស់សមាជិកថ្មីគឺជារឿងមួយអស្ចារ្យណាស់ ប៉ុន្តែតើមានដឹងទេថា គួរធ្វើដូចម្តេចខ្លះដើម្បីកុំឲ្យខុសឆ្គង? ការទទួលខុសត្រូវលើការថែទាំទារកទើបនឹងកើតអាចជារឿងមួយធំដុំខ្លាំងសម្រាប់ឪពុកម្តាយគ្រប់រូប។ មានរឿងមួយចំនួនដែលឪពុកម្តាយគ្រប់រូបមិនគួរធ្វើចំពោះទារកដែលទើបនឹងកើត ព្រោះវាអាចបង្កជាផលប៉ះពាល់ដូចខាងក្រោម៖

កុំឲ្យអ្នកណាថើបទារកដែលទើបនឹងកើតឲ្យសោះ

ក្នុងរយៈពេលប៉ុន្មានសប្តាហ៍ដំបូងនៃជីវិតរបស់ទារកអាចងាយនឹងឆ្លងជំងឺដោយសារបាក់តេរី និងមេរោគខ្លាំង ណាស់ ជាពិសេសអាចបណ្តាលឲ្យបង្កជំងឺធ្ងន់ធ្ងរតែម្តង។ ការថើបរបស់អ្នកដទៃអាចគ្រប់គ្រាន់នឹងបង្កជាជំងឺដល់ពួកគេបាន ព្រោះតែទារកតូចៗនៅមានប្រព័ន្ធភាពស៊ាំខ្សោយនៅឡើយ។

កុំផ្លាស់ប្តូរបរិយាកាសក្នុងផ្ទះ

ទារកទើបកើតប្រហែលជាត្រូវការការយកចិត្តទុកដាក់ច្រើន ប៉ុន្តែចូរកុំព្យាយាមផ្លាស់ប្តូរបរិយាកាសនៅក្នុងផ្ទះដូចជា មិនត្រូវបិទបង្អួច ឬវាំងនននៅពេលថ្ងៃ។ អ្នកក៏មិនគួរហាមមនុស្សគ្រប់គ្នាកុំឲ្យនិយាយ មើលទូរទស្សន៍ ឬស្តាប់វិទ្យុដែរនៅពេលគេគេង។ និយាយរួម អ្វីដែលធ្លាប់មានក្នុងផ្ទះ គួរតែធ្វើដដែល ហើយកុំបារម្ភថារំខានដល់កូនអី ព្រោះថាសំឡេងតិចៗរបស់បងប្អូនក្នុងផ្ទះអាចជួយឲ្យគេស្តាប់ដឹង និងស្គាល់ ព្រមទាំងគេងលក់ស្រួលថែមទៀត។

កុំឲ្យគេបៀមក្បាលដោះបៀមលេងអី

ទារកកើតមកមានភាពស៊ាំនឹងការជញ្ជក់ខ្លាំង ហើយទឹកដោះម្តាយក៏ជាអាហារដ៏ល្អបំផុតសម្រាប់គេដែរ។ ការជញ្ជក់ក្បាលដោះបៀមលេងលឿនពេក អាចធ្វើឲ្យគេច្រឡំពេលវេលាដែលត្រូវបៅមែនទែនបាន។ ដូច្នេះចូរចៀសវាងការឲ្យកូនបៀមក្បាលដោះលេង៕

ចុចអាន៖ អ្នកមានផ្ទៃពោះ ប្រើតែ Baking Soda អាចមើលដឹងថាកូនប្រុសឬស្រី (វីដេអូ)

អត្ថបទ៖ health.com.kh