ស្បែកមុខសរលោងអស់ស្នាមជារៀងរហូត ដោយសារយ៉ាអួ ផ្សំជាមួយសេរ៉ូមប្រៃ

2017-08-10 01:09:00
ចំនួនមតិ 0 | ចំនួនចែករំលែក 0

មនុស្សគ្រប់គ្នាដឹងហើយថា យ៉ាអួរគឺជាថ្នាំដ៏សក្ដិសិទ្ធិដែលអាចធ្វើឲ្យស្បែកសស្រស់ថ្លា ប៉ុន្តែបើបន្ថែមជាតិប្រៃតែបន្តិច នោះកាន់តែជួយក្នុងការបង្កើនប្រសិទ្ធភាពច្រើនទ្វេដង។

សេរ៉ូមប្រៃ មានសមត្ថភាពពិសេសក្នុងការកម្ចាត់ចោលកោសិកាចាស់ៗដែលងាប់ និងបង្ការបាក់តេរីពីការកើតមុន។ ម្យ៉ាងទៀតសម្រាប់អ្នកមានមុនច្រើន សេរ៉ូមប្រៃពិតជាអាចជួយបំបាត់បានទាំងមុនធំ ខ្ទុះ និងមុនខ្សាច់។

យ៉ាអួមិនមានជាតិស្ករផ្ទុកនូវវីតាមីន A B E ដើម្បីការពារធូលីបង្កទៅជាបាក់តេរី និងផ្ដល់សំណើមដល់ស្បែក។ មិនតែប៉ុណ្ណោះ យ៉ាអួមានអង់ស៊ីមដែលមានប្រសិទ្ធភាពខ្ពស់ប្រឆាំងការរលាក បំបាត់ស្នាមសរសៃ ស្នាមជាំបណ្ដាលមកពីមុន។ ការបញ្ចូលគ្នារវាង យ៉ាអួជាមួយអំបិលនឹងជួយអ្នកឲ្យស្បែកមានភាពទន់ល្មើយ ដោយមិនចាំបាច់ប្រើម្សៅ។

សម្ភារៈគួរមាន

១.យ៉ាអួគ្មានជាតិស្ករ ២ ស្លាបព្រាកាហ្វេ

២.សេរ៉ូមដែលមានជាតិអំបិល ២ ស្លាបព្រា

របៀបធ្វើ

យកយ៉ាអួគ្មានជាតិស្ករ និងសេរ៉ូមដែលមានជាតិប្រៃចាក់ដាក់ក្នុងកូនចានតូចមួយ រួចកូរដោយប្រើស្លាបព្រា រហូតទាល់តែល្បាយនោះចូលគ្នាស្មើសាច់។

ការប្រើប្រាស់

លាងសម្អាតមុខដែលមានជាតិកង្វក់ចេញពីផ្ទៃមុខដើម្បីយកកោសិកាងាប់ចេញ និងជំរុញឈាមរត់ឲ្យរត់បានស្រួល ជាពិសេសពង្រីករន្ធរោម ក៏ដូចជាស្រូបយកសារធាតុចិញ្ចឹមនៅក្នុងជំហានបន្ទាប់។

លាបល្បាយដែលលាយរួចនោះលើស្បែក រួចម៉ាស្សារយៈពេល ២ ទៅ ៣ នាទីរួចរក្សាទុក ២០ នាទី ចាំលាងសម្អាតជាមួយទឹកស្អាត។

ចំណាំ៖ បើមុខមានមុន អ្នកញេចវាឲ្យអស់សិន ចាំលាបល្បាយនោះពីនើ ហើយដើម្បីបានលទ្ធផលដែលចង់បាន អនុវត្ត ២-៣ ដងក្នុងមួយសប្ដាហ៍៕

ចុចអាន៖មានបញ្ហាមុខមុនធ្ងន់ធ្ងរមែនទេ ខ្ញីអាចជួយបាន ថែមទាំងបំបាត់ស្លាកស្នាមបានទៀត! ចុចអាន៖អស់ប្រហែល៣ពាន់រៀល អាចបានស្បែកមុខសខ្ចី លែងខ្វល់!

ប្រភព៖ webtinnhanh ប្រែសម្រួល៖ ទ្រី រ៉ាវី