បះសក់បើដឹងទ្រព្យសម្បត្តិដ៏សែនស្ដុកស្ដម្ភរបស់បវរកញ្ញាប្រចាំប្រទេសវៀតណាមម្នាក់នេះ

2017-08-09 00:30:00
ចំនួនមតិ 0 | ចំនួនចែករំលែក 0

បើទោះបីជាមានវ័យនៅក្មេងខ្ចី តែទ្រព្យសម្បត្តិរបស់បវរកញ្ញាលេខ២វៀតណាមឆ្នាំ២០១៤ Nguyen Tran Huyen My ធ្វើឲ្យអ្នកដទៃអត់នឹងមិនច្រណែនមិនបាន។

Nguyen Tran Huyen My គឺជាបវរកញ្ញាជាប់ចំណាត់ថ្នាក់លេខ២ក្នុងកម្មវិធីប្រលងបវរកញ្ញាប្រចាំប្រទេសវៀតណាមក្នុងឆ្នាំ២០១៤។ កាលពីថ្មីៗនេះ ស្រីស្អាតអាយុ២២ឆ្នាំទើបតែត្រូវបានក្រសួងវប្បធម៌របស់ខ្លួនឲ្យធ្វើជាតំណាងទៅប្រលងក្នុងកម្មវិធី Miss Grand International ដែលវៀតណាមជាម្ចាស់ផ្ទះតែម្ដង។

មានសម្រស់ស្អាតហើយ Huyen My ក៏ជាកូនអ្នកមានម្នាក់ទៀត ដោយមានឪពុកធ្វើការក្នុងក្រសួងអប់រំ និងម្ដាយជាម្ចាស់ហាងកែសម្ផស្សដ៏ធំមួយនៅទីក្រុងហាណូយ។ ពាក់កណ្ដាលឆ្នាំ២០១៦ ស្រីស្អាតរាងខ្ពស់ស្រឡះបានមកទីក្រុងហូជីមិញដើម្បីទិញផ្ទះកន្លះលានដុល្លារ។

គេហដ្ឋានដែលស្រីស្អាតកើតឆ្នាំ១៩៩៥ កំពុងស្នាក់នៅគឺមានទំហំ៨០០ម៉ែត្រការ៉េ និងស្ថិតនៅកណ្ដាលក្រុងហាណូយតែម្ដង។ ក្រៅពីនោះ នាងក៏មាន apartment លំដាប់ខ្ពស់មួយទៀតដែលស្ថិតនៅជាន់ទី១៧ នៃអគារទំនើបមួយ។

ខែ១០ឆ្នាំ២០១៥ Huyen My ទិញរថយន្តម៉ាក Mercedez-Benz S400 តម្លៃជិត១៧ម៉ឺនដុល្លារ។ មុននោះដែរ ពេលទៅណាមកណានាងត្រូវបានតៃកុងឡានរបស់ឪពុកជូនទៅ។ ២ខែមុននេះ ស្រីស្អាតកម្ពស់១,៧៦ម បន្តធ្វើឲ្យគេភ្ញាក់ផ្អើលពេលបង្អួតចិញ្ចៀនពេជ្រតម្លៃ៥ម៉ឺនដុល្លារ។

ដើមឆ្នាំ២០១៦ ពេលចូលរួមក្នុងកម្មវិធី១ បវរកញ្ញារូបនេះបានពាក់ក្រវិលពេជ្រតម្លៃជិត១០ម៉ឺនដុល្លារ។

នាឡិកា Chopared (ខាងឆ្វេង) មានតម្លៃ៧៥០០០ដុល្លារ និងនាឡិកា Royal Oak មានតម្លៃ១៥០០០ដុល្លារក៏ជារបស់ដែលនាងចូលចិត្តពាក់ដែរ។ រីឯម៉ាកកាបូបដែលនាងចូលចិត្តប្រើគឺ Berkin និង Hermes ដែលមួយមានតម្លៃ២៥០០០ដុល្លារ។ ចុងបញ្ចប់គឺទូរសព្ទ Vertu របស់បវរកញ្ញានេះគឺមានតម្លៃ១ម៉ឺនដុល្លារ ៕