ពេលអស់អារម្មណ៍ស្រលាញ់ គេក៏ចាប់ផ្ដើុំមដើរចេញដោយវិធីទាំងនេះ

2017-08-07 08:30:00
ចំនួនមតិ 0 | ចំនួនចែករំលែក 0

ពេលខ្លះគេអស់ចិត្តជាមួយយើងទៅហើយ តែគ្រាន់តែមិនចង់ប្រាប់យើងតាមត្រង់ អ្វីដែលដែលសំខាន់នោះគឺយើងនៅតែគិតថាគេល្អ ទោះគេចាប់ផ្ដើមដើរចេញពីជីវិតយើងម្ដងបន្តិចៗក៏ដោយ។

រូបតំណាង

ក្នុងទំនាក់ទំនងស្នេហាយើងអាចមើលដឹងថាគេចាប់ផ្ដើមធុញទ្រាន់ក្នុងស្នេហាឬនៅបាន ព្រោះពេលដែលមនុស្សចាប់ផ្ដើមបែបនេះគេនឹងបង្ហាញនូវរឿងទាំងនេះឡើងមក ៖

១. និយាយគ្នាកាន់តែតិចទៅៗ ៖ មិនដឹងត្រូវធ្វើអីបន្តនោះទេ ព្រោះសូម្បីតែពាក្យនិយាយគ្នាក៏លែងមាន គេចាប់ផ្ដើមព្រងើយកន្តើយ លែងចង់ដឹង លែងចង់សួរអីដែលទាក់ទងជាមួយយើង ពេលនោះហើយការបែកផ្លូវគ្នានឹងឆាប់មកដល់។

២. លែងចង់រំលឹកការចងចាំល្អៗជាមួយគ្នាទៀតហើយ ៖ លែងនឹកឃើញអនុស្សាវរីយ៍ល្អៗអីជាមួយគ្នាទៀតហើយ គ្រាន់តែដឹងថាពេលនេះចង់នៅឆ្ងាយពីយើង មិនចង់នៅក្បែរគ្នា មិនចង់ជួបមុខគ្នាញឹកញាប់ដូចមុនទេ។

រូបតំណាង

៣. លែងមានភាពផ្អែមល្ហែម ៖ គេលែងចង់ធ្វើអីដើម្បីស្នេហាទៀតហើយ និយាយទៅគឺតាមដំណើរ ពេលណាពេលហ្នឹង មិនចង់ស្រោចស្រង់ទំនាក់ទំនងឡើងវិញឡើយ។

៤. លែងឃើញពីអំពើល្អរបស់យើង ៖ ធ្វើអីក៏មិនត្រូវចិត្ត ធ្វើអីក៏លែងចង់បាន ហើយគ្មានអារម្មណ៍ថារីករាយ រំភើបដូចពីមុនទៀតហើយ ព្រោះតែក្នុងចិត្តគេគឺគ្រប់យ៉ាងវាលែងសំខាន់ អ្វីដែលយើងធ្វើគឺដូចខ្យល់ដែលគ្មានរូបរាង។

៥. ខឹងទាំងគ្មានរឿងធំដុំអីសោះ ៖ មានរឿងអីតិចតួចគេឆាប់ខឹង គេប្រកាន់ច្រើនច្រើនជាងពីមុន ហើយមិនសូវដោះស្រាយគ្នាវិញឡើយ គឺសុខចិត្តដើរចេញ ទោះឃើញយើងពិបាកយ៉ាងណាក៏ដោយ។

រូបតំណាង

៦. គេសប្បាយជាមួយពេលវេលាផ្ទាល់ខ្លួនគេ ៖ គេរីករាយនៅពេលដែលគ្មានយើង ហើយគេក៏លែងមានអារម្មណ៍សប្បាយចិត្តពេលដែលនៅជាមួយគ្នាដែរ។ គេចាប់ផ្ដើមប្រើពេលជាមួយអ្នកផ្សេងច្រើន នៅខាងក្រៅច្រើន ជាជាងនៅក្បែរយើង។

បើគេពិតជាមានចំណុចទាំងនេះមែន គឺពិបាកនឹងស្រោចស្រង់ណាស់ព្រោះគេលែងទទួល លែងចង់បានអីទៀតហើយ ៕

ចុចអាន៖មនុស្សប្រុសដែលអាត្មានិយមក្នុងរឿងស្នេហាតែងតែធ្វើរឿងទាំងនេះ

អត្ថបទ៖ ផេង ផលធិតា