ក្បួនហាត់យូហ្កានៅផ្ទះដើម្បីឱ្យដើមទ្រូងតឹង មូលក្លំ

2017-08-03 03:04:42
ចំនួនមតិ 0 | ចំនួនចែករំលែក 0

ដើមទ្រូងគឺជាចំណុចទាក់ទងបំផុតមួយនៅលើដងខ្លួនរបស់នារី។ ហើយការដែលសុដន់ទៅជាយារធ្លាក់ បានធ្វើឱ្យសម្រស់របស់នារីធ្លាក់ចុះទៅតាមនោះដែរ។ មានកត្តាជាច្រើនដែលបណ្ដាលឱ្យដើមទ្រូងលែងមូលស្អាតដូចពីមុន ដូចជា ការបំបៅដោះកូន ការមានផ្ទៃពោះ មិនសូវហាត់ប្រាណ និងកត្តាវ័យជាដើម។

ប៉ុន្តែកុំបារម្ភទៀតអី! ថ្ងៃនេះ វិបសាយកញ្ញា មានវិធីថ្មីមួយដែលងាយស្រួល និងចំណាយពេលតិច តែអាចធ្វើឱ្យដើមទ្រូងនារីនៅតែស្រស់ស្អាត តឹងណែន គឺការហាត់យូហ្កាដោយប្រើក្បាច់ទាំង៣ខាងក្រោមនេះ៖

១- Suryanamaskar:

ក្បាច់មួយនេះ តម្រូវឱ្យអ្នកឈរឱ្យត្រង់ខ្លួន ហើយពត់ខ្លួនមកក្រោយ។ ធ្វើបែបនេះ១០នាទីជាប្រចាំនឹងជួយបើកសាច់ដុំនៅត្រង់ដើមទ្រូង ធ្វើឱ្យវាឡើងតឹង និងណែនក្លំជាងមុន។

២- Vrikshasana:

ពាក្យ Vriksh មានន័យថាដើមឈើ ដែលជាកាយវិការនៃការឈរឱ្យត្រង់ខ្លួន ហើយលើកដៃទាំងពីរឡើងលើដាក់ផ្គុំចូលគ្នាពីលើក្បាល ជើងឆ្វេងបញ្ឈរត្រង់ ឯជើងស្ដាំលើកឡើងមកដាក់ជិតភ្លៅជើងឆ្វេង។ បន្ទាប់មក ទម្លាក់ដៃទាំងពីរសន្សឹមៗមកដល់ពីមុខដើមទ្រូង។ រក្សាចលនាបែបនេះ២-៣នាទី ហើយប្ដូរទៅម្ខាងទៀត។

៣- Bhujangasana:

ក្បាច់នេះត្រូវឱ្យអ្នកហាត់ដេកផ្កាប់មុខនៅលើកម្រាល បន្ទាប់មកយកដៃទាំងពីរមកច្រត់ទប់លំនឹងខ្លួន ងើបក្បាលនិងទ្រូងឡើងពត់ទៅខាងក្រោយ ដូចលំនាំពស់បើកវែក។ ធ្វើបែបនេះចុះឡើងៗដើម្បីឱ្យសាច់ដុំទ្រូងឡើងតឹង និងពង្រីកដើមទ្រូងឱ្យធំនិងស្រស់ស្អាតជាងមុន។

៣វិធីនេះ តើគ្នាយើងគិតថា មួយណាងាយស្រួលជាង? អាចសាកល្បងពីពេលនេះបាន ដើម្បីឆាប់បានឃើញលទ្ធផល!

ប្រភព៖ Boldsky ប្រែសម្រួល៖ សរ សុគន្ធី