អ្នកនយោបាយឥណ្ឌូណេស៊ីដៀល Girls' Generation កប់ៗពេលឮថាពួកនាងនឹងមកសម្ដែង
- 2017-07-31 08:20:14
- ចំនួនមតិ 0 | ចំនួនចែករំលែក 0
អ្នកនយោបាយឥណ្ឌូណេស៊ីដៀល Girls' Generation កប់ៗពេលឮថាពួកនាងនឹងមកសម្ដែង
អ្នកនយោបាយជាតិនិយមនៅប្រទេសឥណ្ឌូណេស៊ីបានបង្ហាញអារម្មណ៍មិនពេញចិត្ត និងខឹងសម្បារចំពោះព័ត៌មានដែលក្រុមចម្រៀង Girls' Generation មកសម្ដែងឆាប់ៗនេះនៅអំឡុងពេលបុណ្យឯករាជ្យ។
អ្នកស្រី Elly Risman ដែលជាសកម្មជនគណបក្សបានថ្លែងដូច្នេះថា៖ "ខ្ញុំមិនយល់ទេ ថាតើក្រុមចម្រៀងដែលនឹងមកសម្ដែងមានទេពកោសល្យអ្វីទៅ? នេះគឺជាអ្វីដែលយើងចង់បង្រៀនកូនៗរបស់យើងមែនទេ?”
មិនត្រឹមតែប៉ុណ្ណោះពួកគេថែមទាំងបានដាក់ពាក្យបណ្ដឹងទៅកាន់អ្នករៀបចំកម្មវិធីបុណ្យឯករាជ្យនោះទៀតថា ហេតុអ្វីបានជាពួកគេមិនចង់ទស្សនាក្រុមចម្រៀងរបស់ប្រទេសខ្លួន ប៉ុន្តែបែរជាអញ្ជើញក្រុមចម្រៀងដែលជានិមិត្តរូបសិច និងពេស្យាចារមកសម្ដែងក្នុងថ្ងៃបុណ្យឯករាជ្យទៅវិញ?
លោក Triawan Munaf ដែលជាអ្នកចាត់ចែងបានប្រកាសថា មិនមានបំណងទាក់ទងតារាចម្រៀងកូរ៉េនេះដើម្បីឲ្យមកសម្ដែងក្នុងកម្មវិធីបុណ្យឯករាជ្យនោះទេ។ មូលហេតុដែលលោកចង់បានពួកគេមកសម្ដែង គឺសម្រាប់កម្មវិធី Asian Game ដែលជាកម្មវិធីដ៏ធំមួយ ដូច្នេះហើយទើបលោកចង់បានតារាចម្រៀងល្បីសញ្ជាតិកូរ៉េដើម្បីមកសម្ដែង។
លោកស្រី Elly Risman រូបនោះបានបង្ហោះសារនៅលើបណ្ដាញសង្គមបែបនេះថា៖ "ព្រះអើយ ក្រែងក្រុមចម្រៀងនេះជានិមិត្តសញ្ញានៃការរួមភេទនិងស្រីពេស្យាមែនទេ? តើពួកគេនឹងយកមកបម្រើសេវាកម្មផ្លូវភេទក្នុងថ្ងៃបុណ្យឯករាជ្យមែនទេ?”
មានសារព័ត៌មានក្នុងស្រុកមួយចំនួនបានផ្សព្វផ្សាយពីដំណឹងនេះ ជាមួយនឹងការប្រើប្រាស់រូបភាពមិនសមរម្យទៅលើក្រុមចម្រៀង Girls' Generation។
ក្រៅពីនេះក៏មានការដាក់ញត្តិដើម្បីកុំឲ្យក្រុមចម្រៀង Girls' Generation ចូលមកសម្ដែងនៅក្នុងប្រទេសទៀតផង សម្រាប់ពេលនេះគឺទទួលបានហត្ថលេខាចំនួន ១២ ០០០រួចទៅហើយ។
នេះមិនមែនជាលើកទី១ទេ ដែលប្រទេសឥណ្ឌូណេស៊ីមានបញ្ហាជាមួយតារាចម្រៀង កាលពីឆ្នាំ ២០១២ តារាចម្រៀង Lady Gaga ក៏ត្រូវលុបចោលការប្រគំតន្ត្រីនៅទីនោះផងដែរ៕