ជំពាក់បំណុលវ័ណ្ឌកពេក ស្ត្រីម្នាក់សុខចិត្តវះកាត់មុខដើម្បីរត់គេច

2017-07-31 03:45:49
ចំនួនមតិ 0 | ចំនួនចែករំលែក 0

ដោយសារតែគ្មានលទ្ធភាពសងបំណុល ស្ត្រីជនជាតិចិនមួយរូបបានចំណាយលុយវះកាត់មុខខ្លួនឯងដើម្បីចាកចេញពីទីក្រុងដែលខ្លួនកំពុងរស់នៅ។

កាលពីពេលថ្មីៗនេះ បណ្ដាញព័ត៌មាន Scmp របស់ចិនបានរាយការណ៍ថាស្ត្រីអាយុ៥០ម្នាក់ដែលរស់នៅទីក្រុង Wuhan ប្រទេសចិនបានសម្រេចចិត្តវះកាត់កែមុខដើម្បីប៉ងគេចផុតពីការជំពាក់បំណុល៣៥លានយាន់ (៥លានដុល្លារ)។

ហេតុការណ៍នេះបានធ្វើឲ្យមនុស្សជាច្រើនព្រួយបារម្ភពីរឿងបំណុលនៅចិន។ ប៉ូលិសបានភ្ញាក់ផ្អើលយ៉ាងខ្លាំងនៅពេលព័ត៌មានពីនារីនេះរត់ទៅទីក្រុង Shenzhen ក្រោយពេលតុលាការក្រុង Wuhan ស្នើឲ្យនាងសងបំណុល។

“ពួកខ្ញុំពិតជាភ្ញាក់ផ្អើលខ្លាំងណាស់នៅពេលដឹងព័ត៌មានរបស់ហេតុការណ៍នេះ។ ខ្ញុំឃើញមនុស្សស្រីម្នាក់អាយុប្រហែល៣០ឆ្នាំ និងមានរូបរាងខុសស្រឡះពីរូបថតដែលពួកខ្ញុំទទួលបាន" ប៉ូលិសម្នាក់ឲ្យដឹង។ ប៉ូលិសបានបញ្ជាក់ថាស្ត្រីនោះមានឈ្មោះថា Zhu Najuan។ នាងក៏បានសារភាពដែរថាបានប្រើអត្តសញ្ញាណប័ណ្ណរបស់អ្នកដទៃដើម្បីជិះរថភ្លើងក្រោមដី។

ចាប់ពីឆ្នាំមុន ទីក្រុងជាង៣០០របស់ចិនបានបើកកម្ចីឥណទានឲ្យប្រជាជនរបស់ខ្លួនដោយរំពឹងថានឹងជំរុញសេដ្ឋកិច្ចឲ្យខ្លាំងជាងមុន។ យ៉ាងណាក៏ដោយ ដោយសារតែអ្នកខ្លះរកស៊ីឡុងចុងដែលជាហេតុធ្វើពួកគេជំពាក់បំណុលកាន់តែច្រើនជាងមុន៕

ប្រភព៖ Kenh14 ប្រែសម្រួល៖ Caramel