មកស្គាល់រ៉ូបអាពាហ៍ពិពាហ៍មហាថ្លៃបំផុត ១០ឈុត ដែលអ្នកមិនធ្លាប់ដឹង
- 2017-07-24 08:57:11
- ចំនួនមតិ 0 | ចំនួនចែករំលែក 0
មកស្គាល់រ៉ូបអាពាហ៍ពិពាហ៍មហាថ្លៃបំផុត ១០ឈុត ដែលអ្នកមិនធ្លាប់ដឹង
ស្ត្រីគ្រប់រូប តែងតែមានក្ដីសុបិនរៀបចំពិធីមង្គលការរបស់ខ្លួនជាមួយមនុស្សជាទីស្រលាញ់ឲ្យមានភាពសប្បាយរីករាយ អធិកអធម និងញាតិមិត្តបងប្អូនចូលរួមច្រើន។
ក្រៅពីនេះ នាងក៏គិតទៅដល់ឈុតអាពាហ៍ពិពាហ៍ដ៏ស្រស់ស្អាតដែរ ដើម្បីលើកមុខលើកមាត់ឲ្យកាន់តែប្លែក និងស្រស់ស្អាតទ្វេរដងនាថ្ងៃពិសេស។ សម្រាប់នារីមួយចំនួនមិនសូវហ៊ានស្រមៃខ្ពស់ក្នុងចំណាយប្រាក់ដ៏ច្រើនទៅលើការតុបតែងទេ ព្រោះគិតថាបន្ទុកគ្រួសារ និងចង់ទុកប្រាក់សម្រាប់រកស៊ីក្រោយរៀបការរួចវិញ។
ប៉ុន្តែសម្រាប់គ្រួសារអ្នកមាន មហាសេដ្ឋី មិនសូវខ្វល់ខ្វាយការចំណាយលើការតុបតែងទេ ឲ្យតែបានស្រស់ស្អាត ប្លែកគេ និងទាក់ទាញពីមហាជន អស់ប៉ុន្មានក៏ហ៊ានចំណាយដែរ។ ឥឡូវមកស្គាល់រ៉ូបថ្លៃៗក្នុងប្រវត្តិសាស្ត្រដូចខាងក្រោមទាំងអស់គ្នា៖
១០. Imperial Pearl Syndicate Gown តម្លៃ ១០០ ០០០ដុល្លារ
រ៉ូបនេះបង្កើតនៅឆ្នាំ ១៩៥០ ដោយសូត្រ និងសូត្រម៉ដ្ឋសាតាំងគុណភាពល្អបំផុតទម្ងន់ ១២គីឡូក្រាម ច្នៃដោយមនុស្ស ៨នាក់ និងរយៈពេល ២ខែ។
៩. Bach Ngoc Xiem Y’ Wedding Dress តម្លៃ ១១៧ ០០០ដុល្លារ
បង្កើតនៅប្រទេសវៀតណាម ដោយប្រើប្រាស់សូត្រ សូត្រម៉ដ្ឋសាតាំង ដាំពេជ្រ ២២២គ្រាប់ និងត្បូង ១០០គ្រាប់។
៨. ៩៩៩៩ Carat Gems តម្លៃ ១៥៨ ៨៧៤ដុល្លារ
ច្នៃរួចរាល់ក្នុងឆ្នាំ ២០០៧ និងដាក់តាំងបង្ហាញនៅទីក្រុង Shangrao ខេត្តជាំងស៊ី ប្រទេសចិន ដោយមានដាំត្បូង ១០ ០០០ការាត់។
៧. Platinum Wedding Dress តម្លៃ ២៥០ ០០០ដុល្លារ
បង្កើតឡើងក្នុងប្រទេសចិន ដាំសន្លឹកប្លាទីនអស់ជាច្រើនម៉ឺនដុល្លារ។ នៅក្នុងខេត្តអានហ៊ុយនេះ មានសំលៀកបំពាក់កូនក្រមុំថ្លៃជាច្រើន ច្នៃពីសន្លឹកប្រាក់ មាស ប៉ុន្តែសន្លឹកប្លាទីនក៏ជាឈុតកម្របំផុតមិនធ្លាប់បានឮ។
៦. Mauro Adami Wedding Dress តម្លៃ ៣៧២ ៥៦៤ដុល្លារ
ឈុតនេះផលិតពីសរសៃសូត្រគុណភាពខ្ពស់ ដេរភ្ជាប់ជាមួយសន្លឹកប្លាទីនជាច្រើន។
៥. Kate Middleton’s Wedding Dress តម្លៃ ៣៨៨ ០៨៨ដុល្លារ
ជាឈុតអាពាហ៍ពិពាហ៍ខ្សែរាជវង្សអង់គ្លេសរបស់អង្គម្ចាស់ក្សត្រី Kate Middleton អភិសេកនឹងអង្គម្ចាស់ Princes William។ រ៉ូបនេះច្នៃដោយសាច់ក្រណាត់ថ្លៃបំផុត អមជាមួយក្បាច់ជរ French Chantilly English Cluny, ភ្លុកដំរី និងសូត្រសាតាំង។
៤. Danasha Luxury Gown តម្លៃ ១,៥លានដុល្លារ
រ៉ូបមួយនេះបង្កប់ដោយត្បូងពេជ្របែលហ្សិក ៧៥ការាត់ និងមាស ១៨ការាត់
៣. Peacock Wedding Dress តម្លៃ ១,៥លានដុល្លារ
រ៉ូបនេះផលិតដោយរោមក្ងោកឈ្មោលចំនួន ២ ០០៩ ជាមួយអ្នកច្នៃម៉ូដ ៨នាក់
២. Yumi Katsura White Gold Dress តម្លៃ ៨,៥លានដុល្លារ
រ៉ូបនេះបង្កើតឡើងដោយអ្នកច្នៃម៉ូដជប៉ុន Yumi Katsura ច្នៃជាមួយសន្លឹកមាសស សូត្រគុណភាពល្អបំផុត និងសូត្រម៉ូដសាតាំង។ ក្រៅពីនេះ មានគជ់ខ្យងចំនួន ១ ០០០ ពេជ្រស ៥ការាត់ និងពេជ្របៃតង ៨,៨ការាត់។
១. The Diamond Wedding Gown តម្លៃ ១២លានដុល្លារ
វាជាប់ជារ៉ូបអាពាហ៍ពិពាហ៍ថ្លៃបំផុតក្នុងលោកបច្ចុប្បន្ន ដែលបង្កើតឡើងក្នុងឆ្នាំ ២០០៦ ដោយប្រើសាច់ក្រណាត់ល្អផុតលេខ និងពេជ្រ ១៥០ការាត់។ រ៉ូបនេះបានដាក់តាំងបង្ហាញនៅសណ្ឋាគារ Ritz-Carlton Marina del Ray សហរដ្ឋអាមេរិកក្នុងឆ្នាំ ២០០៦៕