១បទពីកូនស្រី យុគ ចិន្ដា មុនទៅប្រកួតនៅសិង្ហបុរី ពិតជាអស្ចារ្យ
- 2017-07-21 05:08:32
- ចំនួនមតិ 0 | ចំនួនចែករំលែក 0
១បទពីកូនស្រី យុគ ចិន្ដា មុនទៅប្រកួតនៅសិង្ហបុរី ពិតជាអស្ចារ្យ
មុនពេលចេញទៅច្រៀងប្រទេសសិង្ហបុរី នៅថ្ងៃទី ២២ ខែ កក្កដា ឆ្នាំ ២០១៧ ខាងមុខ នេះកុមារី យុគ ដាពេជ្រ ហៅអម ត្រូវជាកូនស្រីអ្នកនាង យុគ ចិន្ដា បានបង្ហើរសំនៀងមួយបទជាភាសាអង់គ្លេសបានយ៉ាងពីរោះកាលពីម្សិលមិញ នៅសាលាស្រណោះតន្ត្រី។
បើតាមលោក សូ ស្រណោះ ជានាយកសាលាស្រណោះតន្ត្រីបានបញ្ជាក់ថា កុមារី យុគ ដាពេជ្រ បានហាត់រៀនលេងព្យាណូ រយៈពេល៤ ឆ្នាំពីសាលាស្រណោះតន្ត្រី ចំណែកឯរឿងច្រៀងវិញ ហាត់រៀនមិនទាន់បាន១ឆ្នាំទេ។
លោកបន្ថែមថា៖"តាមពិតទៅ ចម្រៀង និងព្យាណូ គាត់លេងបានល្អដូចគ្នា មូលហេតុផលដែលខ្ញុំ ជំរុញឲ្យគាត់ជ្រើសរើសចម្រៀងទៅប្រកួត ទោះបីគាត់រៀនសូត្របានតិច ជាង ព្យាណូ ដោយសារតែ អម គាត់ពេញចិត្តហើយរីករាយជាមួយចម្រៀង ហើយនៅក្នុងការប្រកួតគេអត់អនុញ្ញាតឲ្យកូនសិស្សម្នាក់ប្រកួតបាន២ វិញ្ញាសាទេ។ អ៊ីចឹងទើបពួកខ្ញុំសម្រេចឲ្យគាត់ច្រៀង ព្រោះចម្រៀងយើងអាចសង្ឃឹម ទទួលបានមេដាយមាសច្រើនជាង"។
ទស្សនាមួយបទពីកូនស្រី យុគ ចិន្ដា មុនទៅប្រកួតចម្រៀងនៅប្រទេសសិង្ហបុរី ខាងក្រោមនេះទាំងអស់គ្នា៖