មនុស្សប្រុសដែលស្រលាញ់មនុស្សស្រីលេងៗ ប្រាកដជាបញ្ចេញសញ្ញាទាំងនេះ
- 2017-07-17 04:01:00
- ចំនួនមតិ 0 | ចំនួនចែករំលែក 0
មនុស្សប្រុសដែលស្រលាញ់មនុស្សស្រីលេងៗ ប្រាកដជាបញ្ចេញសញ្ញាទាំងនេះ
មនុស្សប្រុសខ្លះ ស្រលាញ់មនុស្សស្រីដោយគ្រាន់តែចាត់ទុកគេជាមនុស្សកំដរអារម្មណ៍ប៉ុណ្ណោះ ហើយគេមិនដែលគិតចង់យកនាងជាប់លាប់សម្រាប់អនាគតនោះទេ។ ប៉ុន្តែមនុស្សស្រីភាគច្រើន បានដាក់ចិត្តដាក់កាយស្រលាញ់គេដោយស្មោះ ដែលនេះអាចជារឿងដ៏សែនឈឺចាប់បំផុតមួយ នៅពេលដែលស្នេហាដើរដល់ផ្លូវបែកបាក់។ ដូច្នេះ ដើម្បីឲ្យដឹងថា តើប្រុសម្នាក់នោះ នឹងស្រលាញ់អ្នកមែនទែន ឬ គ្រាន់តែលេងៗនោះទេ អ្នកអាចសម្គាល់បាន តាមរយៈ៖
១. លាក់បាំងមិនឲ្យស្គាល់មិត្តភក្តិ ឬ គ្រួសារគេ
គេតែងតែយកលេសថា មិនទាន់ដល់ពេលដែលត្រូវប្រាប់ក្រុមគ្រួសារ ឬមិត្តភក្តិ ឲ្យដឹងពីទំនាក់ទំនងរបស់យើងនោះឡើយ។
២. គេចមិនចង់ជួបជាមួយនឹងមិត្តភក្តិ ឬ គ្រួសាររបស់អ្នក
មិនត្រឹមតែលាក់អ្នកមិនឲ្យស្គាល់គ្រួសារគេនោះទេ ប៉ុន្តែបើអ្នកចង់ណែនាំគេឲ្យស្គាល់ពីគ្រួសាររបស់អ្នក ក៏គេតែងគេចវេសដូចគ្នាដែរ។ គេអាចនឹងយកលេសផ្សេងៗថា ដោយសារតែគេអៀនខ្មាស់ មិនទាន់ទុកចិត្តលើខ្លួនឯងជាដើម។
៣. ហាមមិនឲ្យបង្ហាញអ្វីទាំងអស់ក្នុងបណ្តាញសង្គម
មិនបាច់ដល់ចាំផុសរូបស្និទ្ធស្នាលនឹងគ្នានោះទេ សូម្បីតែ tag ក៏គេហាមអ្នកមិនឲ្យធ្វើវាដែរ ដោយយកលេសថា ធ្វើបែបហ្នឹងមិនល្អមើលនោះទេ។
៤. មិនសូវទាក់ទងគ្នា
ប្រសិនបើគេស្រលាញ់អ្នកពិតប្រាកដ គេនឹងឆ្លៀតពេល chat ឬ ទូរសព្ទមករកអ្នក ប៉ុន្តែបើគេអាងអីនិយាយថា គេរវល់ណាស់ គេហត់ណាស់ នោះមានន័យថា អ្នកមិនបានស្ថិតនៅក្នុងកែវភ្នែករបស់គេនោះទេ។
ចុច៖ មនុស្សស្រីមានសុភមង្គលឬអត់ គឺអាស្រ័យលើការចេះមើលមនុស្ស
៥. មិនប្រាប់ពីរឿងផ្ទាល់ខ្លួន
ចង់មានរឿងអី ក៏គេមិនប្រាប់អ្នកនោះទេ។ ហើយពេលខ្លះ អ្នកបែរជាដឹងរឿងរបស់គេតាមរយៈ Facebook អីទៅវិញ។ ស្នេហ៍ស្មោះ គឺគេត្រូវចែករំលែកសេចក្តីសុខ និងទុក្ខជាមួយគ្នា ប៉ុន្តែបើគេយល់ថា អ្នកគ្មានតំលៃក្នុងការដឹងរឿងរបស់គេ មានន័យថាអ្នកគ្រាន់តែជាមនុស្សកំដរគេម្តងម្កាលប៉ុណ្ណោះ។
៦. គិតតែពីខ្លួនឯង
គេមិនខ្វល់ពីអ្នកនោះទេ គេធ្វើអ្វីៗ ដើម្បីតែខ្លួនគេប៉ុណ្ណោះ។ សូម្បីនំចំណី ឬ ការចេញលុយប៉ាវអ្នកញុំាអី ក៏ពេលខ្លះសឹងតែគ្មានផង។
៧. មិនទទួលស្គាល់កំហុស
បើគេស្រលាញ់អ្នកពិត គេនឹងព្រមថយម្នាក់មួយជំហាន ហើយទទួលខុសត្រូវចំពោះទង្វើរបស់គេ។ ប៉ុន្តែបើអត់នោះទេ គឺគេនឹងទម្លាក់កំហុសមកលើអ្នកទាំងស្រុង។
៨. មិនចង់បង្កើតអនុស្សាវរីយ៍អ្វី
ធម្មតា បើគេមានស្នេហ៍ស្មោះ គេនឹងចង់មានអនុស្សាវរីយ៍ល្អៗជាមួយអ្នក ព្រោះថាអារម្មណ៍ស្នេហា គឺវាខុសពីអារម្មណ៍ជាមិត្តភក្តិធម្មតា។
៩. ចង់បានខ្លួនប្រាណ
គេមិនខ្វល់ពីអារម្មណ៍របស់អ្នកយ៉ាងណានោះទេ សំខាន់គេចង់បានអ្នកឡើងគ្រែជាមួយគេ។ បើអ្នកយល់ព្រម គេនឹងបង្ហាញអាការៈសប្បាយចិត្ត ប៉ុន្តែបើអ្នកមិនព្រមវិញ គេនឹងខឹងច្រលោត ហើយមិននិយាយរកអ្នកទៀតទេ៕
ចុចអាន៖ សម្រាប់មនុស្សស្រី តើសេចក្ដីស្រឡាញ់ពិតប្រាកដជាអ្វី?