ក្រៅពីរឿងធ្មេញ ការពិត មាត់ស្អុយ មកពីគ្រឿងក្នុងមានជំងឺទាំងនេះ

2017-07-14 06:45:18
ចំនួនមតិ 0 | ចំនួនចែករំលែក 0

អូ! ស្នាមញញឹមរបស់អ្នកពិតជាស្អាតណាស់ ប៉ុន្តែក្លិនមាត់របស់អ្នកមានបញ្ហាហើយ។ តើមាននណាម្នាក់សរសើរអ្នកអត់មើលទៅ? ទេគេមិនសរសើរអ្នកទេហើយច្បាស់ណាស់អ្នកក៏មិនចង់ឲ្យគេចំណាំមុខអ្នកទុកដែរនៅពេលណាដែលអ្នកនិយាយទៅរកគេ។

ទោះបីជាមានកត្តាជាច្រើនដែលបណ្ដាលឱ្យមានក្លិនមាត់មិនល្អដូចជា ជក់បារីជំងឺថ្លើម ឬការលាកស៊ីនុសក៏ដោយ ក្លិនមាត់មិនល្អក៏អាចមានប្រភពចេញពីមាត់ផ្ទាល់ប្រហែលជា ៩០ ភាគរយផងដែរ។ ច្បាស់ណាស់ក្លិនមាត់មិនល្អក៏អាចជាសញ្ញានៃជំងឺធ្ងន់ធ្ងរជាងនេះផងដែរ។ ជាមួយនឹងបាក់តេរីរាប់រយប្រភេទដែរលូតលាស់នៅក្នុងមាត់នោះ ពួកវារួមចំណែកដោយប្រយោលចំពោះបញ្ហាក្លិនមាត់។ បាក់តេរីទាំងនេះមានតួនាទីជួយដល់ការរំលាយអាហារ ទោះជាយ៉ាងប្រសិនបើអ្នកខ្វះអនាម័យមាត់ល្អ វានិងបង្កអោយរាក់ស៊ីធ្មេញដែរនាំឲ្យមានបញ្ហាក្លិនមាត់មិនល្អកើតឡើងបាន។

ដូចគ្នានេះដែរនៅពេលអ្នកមានដង្កូវស៊ីធ្មេញណាមួយហើយអ្នកមិនយកចិត្តទុកដាក់ក្នុងការព្យាបាលទៀតនោះវានឹងបង្កជាបញ្ហានៅថ្ងៃណាមួយដូចជា បង្ករោគហើយការបង្ករោគនេះអាចបណ្ដាលឱ្យមានបញ្ហាសុខភាពដូចជា គ្រុនក្ដៅ ឡើងកូនកណ្ដុរនៅនឹងក ហើយអ្វីដែរពិសេសនោះគឺក្លិនមាត់មិនល្អនេះឯង។

វិធីស្រួលៗ ដើម្បីកុំអោយធុំក្លិនមាត់ ហេតុអ្វីមិនសាកមើល?

-ដុសធ្មេញជានិច្ច

ចូរចងចាំថាការដុសធ្មេញគឺជាវិធីមួយដើម្បីប្រឆាំងនិងបញ្ហាក្លិនមាត់ ហើយក៏មិនមែនដុសធ្មេញតាមតែនឹកឃើញដែរ។ នៅពេលដែលអ្នកមានរាក់ស៊ីធ្មេញឬរលាកអញ្ជាញធ្មេញ (ហើមអញ្ចាញធ្មេញនិងហូរឈាមតាមជើងធ្មេញ) អ្នកគួរតែត្រូវបានលើកទឹកចិត្តអោយសំអាតធ្មេញជាប្រចាំ។ ការសំអាតធ្មេញជាប្រចាំគឺមានសារៈសំខាន់ណាស់ក្នុងការទប់ស្កាត់បាក់តេរីដែរជាហេតុបង្កឲ្យមានបញ្ហាក្លិនមាត់។

-កុំភ្លេចសម្អាតអណ្ដាត

ជួនកាល បាក់តេរីដែលមាននៅលើអណ្ដាតគឺជាប្រភពដ៏សំខាន់មួយផងដែរនៃបញ្ហាក្លិនមាត់មិនល្អ ដូច្នេះវិធីចាំបាច់ដែរត្រូវធ្វើនោះគឺប្រើច្រាស់ដុសធ្មេញរបស់អ្នកកោសលើអណ្ដាតផងដើម្បីបំបាត់បាក់តេរីដែលមាននៅលើនោះ។ អ្នកត្រូវដឹងថានៅពេលដែលអណ្តាតបានគ្របដណ្ដប់ដោយកាកសំណល់អាហារ ញ្ញាណរបស់អណ្ដាតដែរមាននៅលើអណ្ដាតក៏មិនអាចធ្វើការបានល្អដែរដូច្នេះអាហារដែរអ្នកញ៉ាំក៏មិនសូវមានរសជាតិដែរ។

-ធ្មេញសិប្បនិមិត្តគួរសំអាតឲ្យបានទៀងទាត់

ប្រសិនបើអ្នកមានធ្មេញសិប្បនិមិត្តសូមដោះវាចេញហើយសំអាតវាជាប្រចាំមុនពេលអ្នកចូលគេង។ការសំអាតជាប្រចាំនេះវាអាចជួយការពារបាននូវ កំណកកំបោរ ក្លិនអាហារ កំណកកាហ្វេតែ ក្លិនមាត់មិនល្អនិងការបង្ករោគផ្សេងៗបាន។

-បញ្ឈប់ការជក់បារី

ការជក់បារីគឺជាមុខសញ្ញាមួយនៃក្លិនមាត់ ការជក់បារីនាំឱ្យធ្មេញមានដង្កូវស៊ីនិងកំណកកំបោរ។ ស្រដៀងគ្នានេះដែរវាមិនត្រឹមតែធ្វើឱ្យធ្មេញរបស់អ្នកឡើងខ្មៅប៉ុណ្ណោះទេ បារីបានធ្វើឲ្យថយចុះនូវមុខងារការពារប្រឆាំងមេរោគរបស់រាងកាយរួមទាំងនៅក្នុងមាត់ផងដែរ។

-ទៅជួបពេទ្យធ្មេញជាប្រចាំ

នៅពេលដែរធ្មេញរបស់អ្នកបានសំអាតជាទៀងទាត់ ហើយរួមទាំងត្រូវបានពិនិត្យដោយទន្តពេទ្យទៀតនោះ វាគឺជាមធ្យោបាយដ៏ល្អបំផុតដើម្បីការពារពីបញ្ហាក្លិនមាត់និងសុខភាពមាត់ធ្មេញ។ ចូលអ្នកកំណត់ឲ្យបាននូវមូលហេតុដើម្បីព្យាបាលបញ្ហាមាត់ធ្មេញរបស់អ្នក៕

អត្ថបទ៖ DKSH