កំហុស ៣ យ៉ាងនៃការគូរចិញ្ចើម ធ្វើឲ្យមនុស្សស្រីមើលទៅចាស់ជាងវ័យ ១០ ឆ្នាំ

2017-07-11 04:46:04
ចំនួនមតិ 0 | ចំនួនចែករំលែក 0

ចិញ្ចើម ជាផ្នែកមួយដ៏សំខាន់សម្រាប់ស្ត្រី ដូចនេះបានជាអ្នកមិនសូវមានខំប្រឹងគូរបន្ថែម ដើម្បីលើកសម្រស់។ តែពេលខ្លះការគូរចិញ្ចើមនេះបែរជាមានកំហុសឆ្គងធ្វើឲ្យយើងមិនស្អាតហើយ ចាស់លើសដើមក៏មាន។ ៣ កំហុសឆ្គងខាងក្រោមនេះអាចធ្វើឲ្យស្រីៗចាស់ជាងវ័យ ១០ ឆ្នាំ៖

១.ផលិតផលដែលកំពុងប្រើ

ពេលរោមចិញ្ចើមមានអាយុកាន់តែច្រើន វានឹងជ្រុះបន្តិចម្ដងៗ រហូតដល់ស្ដើង។ មានតែខ្មៅដៃមួយមុខប៉ុណ្ណោះដែលសក្ដិសមនឹងការគូរបន្ថែមចិញ្ចើម ក្រៅពីនោះប្រើមិនសូវមានប្រសិទ្ធភាពទេ តែនារីមួយចំនួនមិនដឹងបែរជាទិញផលិតផលទាក់ទងនឹងចិញ្ចើមនេះដូចជាគូល័រទាន, ពុម្ពចិញ្ចើមស្រាប់យកទៅគូរតែផ្ដេសផ្ដាស ទើបធ្វើឲ្យមុខមើលទៅរឹតតែចាស់។

រូបតំណាង

**២.គូរចិញ្ចើមចេញកន្ទុយពីរ**

ពេលខ្លះមិនមែនតែពីរទេ គឺឡើងដល់បីក៏មានដែរ ហើយរឿងនេះតែងកើតមានឡើងចំពោះអ្នកមិនជំនាញក្នុងការគូរ និងពេលខ្លះធ្វើឲ្យប្រតាកពេញចុងចិញ្ចើមក៏មានដែរ។ ស្រីៗដែលមានសភាពបែបនោះ មិនត្រឹមតែមិនអាចជួយយោងសម្រស់ឲ្យកាន់តែប្រសើរទេ ថែមទាំងធ្វើឲ្យចាស់ជាងអាយុទៀតក៏មានដែរ។

រូបតំណាង

៣.គូរធំពេក

បញ្ហានេះក៏ជាមូលហេតុដែលធ្វើឲ្យស្រីៗ ចាស់ជាងវ័យដែរ ព្រោះពេលដែលចិញ្ចើមរីកធំខុសពីធម្មតា ទម្រង់មុខយើងក៏មើលទៅយ៉ាប់ខ្លាំងដែរ។ ដូចនេះអ្នកដែលច្រើនតែគូរចិញ្ចើមធំៗ ឬប្រតាកទៀតនោះមុខមាត់មើលទៅចំណាស់តែម្ដង៕