ក្រោយអាយុ២៥ បើមិនបានរៀបការនឹងបុរសប្រភេទនេះ ស្រីៗសុខចិត្តនៅលីវ

2017-07-11 00:16:00
ចំនួនមតិ 0 | ចំនួនចែករំលែក 0

មុន២៥ឆ្នាំ នាងអាចស្រលាញ់បុរសម្នាក់ដែលសង្ហា និងថ្នាក់ថ្នមនាង។ តែក្រោយ២៥ឆ្នាំ បុរសនោះត្រូវតែ "បានការ" មានន័យថា បុរសនោះត្រូវមានអ្វីសមរម្យដើម្បីធ្វើឲ្យនាងស្ងប់ចិត្ត នៅពេលប្រគល់ជីវិតរបស់ខ្លួនទៅឲ្យគេ។

បុរសណាដែលរៀបការជាមួយប្រពន្ធនៅពេលដែលនាងមានអាយុក្រោម២៥ឆ្នាំពិតជាសំណាងខ្លាំងណាស់ ព្រោះនាងមិនទាន់ចាស់គំនិត និងមានក្រសែភ្នែកមុតមើលសង្គមនេះច្បាស់លាស់គ្រប់គ្រាន់ទេ។ ដូចនេះហើយនាងនៅមានភាពឆោត ងាយត្រូវគេ "បោក"។

តែចំពោះនារីដែលមានអាយុលើស២៥ឆ្នាំគឺខុសគ្នា ចង់រៀបការនឹងនាងគឺពិបាកខ្លាំងណាស់។ កុំគិតថានារីក្រោយអាយុនេះគឺចាស់ ហើយអ្នកណាចង់យកក៏បាន ឲ្យតែមានអ្នកយកគឺជាសំណាងរបស់នាងនោះ។ នេះគ្រាន់តែជាការគិតរបស់នារីដែលប្រញាប់ការតែប៉ុណ្ណោះ។ ចំពោះស្រីៗដែលឯករាជ្យ និងធ្លាប់ឆ្លងកាត់រឿងច្រើននោះ វាជារឿងមួយផ្សេងទៀត។ នាងនឹងចូលរោងការនោះឡើយ ប្រសិនបើរកមិនទាន់ឃើញបុរសដែល "បានការ"។

មកដល់អាយុនេះ ស្ដង់ដារបស់នាងគឺខ្ពស់ខ្លាំងណាស់។ ទោះបីជាប៉ាម៉ាក់រំអុក មិត្តភ័ក្ដិណែនាំយ៉ាងណា តែនាងនៅរឹងរូសរឿងស្នេហា។ សម្រាប់រឿងមនោសញ្ចេតនា នាងលែងគិតថាវាមានពណ៌ផ្កាឈូកដូចកាលអាយុ២០ឆ្នាំទៀតហើយ។ នាងខ្លាចពាក្យផ្អែមល្ហែម ពាក្យស្បថស្បែរបស់បុរស។ នាងខ្លាចពាក្យ "ជារៀងរហូត" ព្រោះការពិតទៅ "ជារៀងរហូត" មានន័យថាតែប៉ុន្មានខែ ឬយ៉ាងយូរប៉ុន្មានឆ្នាំតែប៉ុណ្ណោះ។

សម្រាប់នារីអាយុ២៥ឆ្នាំ រឿងអាពាហ៍ពិពាហ៍គឺជារឿងសំខាន់ (ការពិតទៅនៅអាយុណាក៏រឿងនេះសំខាន់ដែរ)។ នាងសុខចិត្តយឺតបន្តិច គ្រាន់បើជាងខុសមួយជីវិត។ នៅក្នុងវ័យនេះ នាងឆ្លាតដល់ថ្នាក់គួរឲ្យខ្លាច ដូចនេះហើយដើម្បីបាននាងជាកម្មសិទ្ធិ អ្នកត្រូវតែមានអ្វីពិតប្រាកដដើម្បីឲ្យនាងទុកចិត្តទើបបាន៕

ប្រភព៖ Guu ប្រែសម្រួល៖ Caramel