បើមានទម្លាប់បែបនេះនៅកន្លែងធ្វើការ ស្រីៗជៀសមិនរួចពីឡើងទម្ងន់ទេ

2017-07-10 04:50:09
ចំនួនមតិ 0 | ចំនួនចែករំលែក 0

តើអ្នកចង់សម្រក់ទម្ងន់មែនទេ? ជួនកាលយើងប្រឹងហាត់ប្រាណពេលទំនេរតាមដែលអាចធ្វើបាន តែបែរជាព្រងើយកន្តើយនឹងទម្លាប់រាល់ថ្ងៃនៅកន្លែងធ្វើការទៅវិញ។ ខាងក្រោមនេះគឺកំហុសមួយចំនួននៅកន្លែងធ្វើការ ដែលធ្វើឲ្យអ្នកធាត់ដោយមិនដឹងខ្លួន៖

១. មិនញ៉ាំអាហារពេលព្រឹកដើម្បីឲ្យមកដល់ Office ទាន់ពេល៖ វាជាការល្អដែលយើងមកទាន់ពេល តែបន្ទាប់ពីនេះបន្តិចយើងនឹងឃ្លានហើយរករបស់នេះរបស់នោះញ៉ាំមិនខាន។ ការធ្វើបែបនេះមិនមែនជាទម្លាប់ល្អទេ។ គួរតែចំណាយពេលខ្លះងើបឲ្យទាន់ម៉ោងញ៉ាំអាហារពេលព្រឹកឲ្យហើយសិន។

២. តែងញ៉ាំស្ករគ្រាប់ ឬរបស់ផ្អែមផ្សេងៗដែលដាក់នៅកន្លែងធ្វើការ៖ មើលទៅហាក់ដូចជាគ្មានអ្វីពិសេសទេ តែយើងភ្លេចខ្លួនថាយើងញ៉ាំវារាល់ថ្ងៃ ហើយតិច ឬ ច្រើនវានឹងធ្វើឲ្យឡើងទម្ងន់។

៣. មិនបានកំណត់រឿងអាហារសម្រន់៖ ការឃ្លានគឺជៀសមិនរួចទេព្រោះយើងកំពុងធ្វើការហត់ តែក៏គួរតែដឹងថាខ្លួនញ៉ាំអ្វីខ្លះ ហើយអស់ប៉ុណ្ណាដែរ។ គួរជៀសវាងញ៉ាំនេះញ៉ាំនោះតាមតែឃ្លានឲ្យសោះ។

៤. នៅធ្វើការដល់យប់ជ្រុល៖ វាល្អសម្រាប់ការងារដែលអ្នកអាចបញ្ចប់ទាន់ពេល តែកុំភ្លេចថាពេលយើងគិតកាន់តែច្រើននៅពេលយប់ ពោះយើងក៏កាន់តែឃ្លានដែរ ហើយយើងក៏កាន់តែញ៉ាំថែមដែរ៕